ରାୟଗଡ଼ ଜିଲ୍ଲାରେ ଦଳୀୟ ବୈଠକରେ ଆୟୋଜିତ ସାମ୍ବାଦିକ ସମ୍ମିଳନୀରେ ଅଜିତ ପାୱାର କହିଛନ୍ତି, “ଆମେ ଶରଦ ପାୱାର (ସାହେବ)ଙ୍କୁ ଭେଟି ତାଙ୍କୁ ଏହା କହିଥିଲୁ। ଏହାପରେ ସେ କହିଥିଲେ ଯେ ଆମେ ଇସ୍ତଫା ଦେବୁ, ଆମେ ୪ ଜଣ ତାଙ୍କ ଇସ୍ତଫା ବିଷୟରେ ପୂର୍ବରୁ ଜାଣିଥିଲୁ। ଶରଦ ପାୱାର କହିଥିଲେ ଯେ ତୁମେ ସରକାରରେ ଯୋଗ ଦିଅ ଏବଂ ମୁଁ ଇସ୍ତଫା ଦେଉଛି, ସୁପ୍ରିୟା ସୁଲେ ମଧ୍ୟ ସେହି ସମୟରେ ସରକାରରେ ଯୋଗ ଦେବାକୁ ସମର୍ଥନ କରୁଥିଲେ ।
ସେ ଆହୁରି ମଧ୍ୟ କହିଥିଲେ ଯେ ଶରଦ ପାଓ୍ବାରଙ୍କ ଇସ୍ତଫା ଏକ ସୁପରିକଳ୍ପିତ ନାଟକ ଥିଲା । ଯୋଜନା ମୁତାବକ ଶରଦ ଇସ୍ତଫା ଦେଇଥିଲେ ଓ ତାଙ୍କ ସମର୍ଥକମାନେ ପ୍ରତିବାଦ କରି ତାଙ୍କୁ ଇସ୍ତଫା ପ୍ରତ୍ୟାହାର ପାଇଁ ଦାବି କରିଥିଲେ । ଏହାପରେ ସେ ଇସ୍ତଫା ପ୍ରତ୍ୟାହାର କରି ନେଇଥିଲେ। ଯଦି ସେ ଇସ୍ତଫା ଦେବାକୁ ଚାହୁଁନଥିଲେ, ତେବେ ଏଭଳି ନାଟକ କାହିଁକି?
