ଫୁଲବାଣୀ : କନ୍ଧମାଳ ଜିଲ୍ଲାର ଫୁଲବାଣୀ ବ୍ଳକର ଅନ୍ତର୍ଗତ ଜାମୁଝରି ମୁଖ୍ୟାଳୟରେ ଥିବା ଜାମୁଝରି ଉଚ୍ଚ ବିଦ୍ୟାଳୟ, ଫୁଲବାଣୀର ଦ୍ବିତୀୟ ବାର୍ଷିକ ଉତ୍ସବ ବିଦ୍ୟାଳୟର ପରିଚାଳନା କମିଟିର ସଭାପତି ରୋହିତ କହଁରଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଏହି ଉତ୍ସବରେ ମୁଖ୍ୟ ଅତିଥି ଭାବେ ଜିଲ୍ଲା ଶିକ୍ଷା ଅଧିକାରୀ ପ୍ରମୋଦ କୁମାର ଷଡଙ୍ଗୀ ଯୋଗଦେଇ ପ୍ରତ୍ୟେକ ଶିକ୍ଷାର୍ଥୀଙ୍କୁ ଶିକ୍ଷା ପ୍ରଦାନ କରିବା ପାଇଁ ସରକାର ବିଭିନ୍ନ ସୁବିଧା ଯୋଗାଇଛନ୍ତି ଫାଇବ ଟି ମାଧ୍ୟମରେ ତେଣୁ ଏହାର ସୁଯୋଗ ହାତ ଛଡା ନକରି ଏହାର ସଦୁପଯୋଗ କରିବା ଦରକାର ବୋଲି ବକ୍ତବ୍ୟ ରଖିଥିଲେ l ସେହିପରି ମୁଖ୍ୟ ବକ୍ତା ଭାବେ ଜିଲ୍ଲା ବିଜ୍ଞାନ ନିରୀକ୍ଷକ ଅଶୋକ ପାତ୍ର ଯୋଗ ଦେଇ ବିଦ୍ୟାଳୟ ପରିଚାଳନା ପାଇଁ ଗୋଷ୍ଠୀ ମାନଙ୍କର ସହଯୋଗ ନିହାତି ଆବଶ୍ୟକ l
ସେହିପରି ସମ୍ମାନିତ ଅତିଥି ଭାବେ ବି ଇ ଓ ଅଶୋକ ମିଶ୍ର ଫିରିଙ୍ଗିଆ ଯୋଗ ଦେଇ କୁନି କୁନି ପିଲାଙ୍କୁ ଉତ୍ତମ ଶିକ୍ଷାର୍ଥୀ ହେବା ସହ ଖେଳ ଓ ବିଜ୍ଞାନରେ ମଧ୍ଯ ରୁଚି ରଖିବା ଆବଶ୍ୟକ ବୋଲି ପରାମର୍ଶ ଦେଇଥିଲେ l ଅନ୍ୟତମ ଅତିଥି ଭାବେ ସିଆରସିସି ଚିତ୍ତ ରଞ୍ଜନ ମହାପାତ୍ର,ବରିଷ୍ଠ ସାମ୍ବାଦିକ ତଥା ରକ୍ତ ଦାତା ପ୍ରଶାନ୍ତ କୁମାର ବେହେରା, ଏ ଯେ ଓ ଉଚ୍ଚ ବିଦ୍ୟାଳୟର ବରିଷ୍ଠ ହିନ୍ଦି ଶିକ୍ଷକ ଯୁଧିଷ୍ଠିର ମହାନ୍ତି ଓ ଆଇନଜିବୀ ତଥା ସାମ୍ବାଦିକ ଆଦିତ୍ୟ ପ୍ରସାଦ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ l ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ପ୍ରମିଳା କୁମାରୀ ଦାସ ବାର୍ଷିକ ବିବରଣୀ ପାଠ କରିଥିଲେ l ବିନୋଦ ସାହୁ ମଞ୍ଚ ପରିଚାଳନା କରିଥିବା ବେଳେ କବିତା ବାଳା ନାୟକ ଧନ୍ଯବାଦ ଅର୍ପଣ କରିଥିଲେ l ପରେ ପରେ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l