ନୂଆଦିଲ୍ଲୀ: ନିଟ-ୟୁଜି ମେଡିକାଲ ପ୍ରବେଶିକା ପରୀକ୍ଷା ବିବାଦକୁ ନେଇ କଂଗ୍ରେସ ନେତା ରାହୁଲ ଗାନ୍ଧି ରବିବାର ପ୍ରଧାନମନ୍ତ୍ରୀ ଭାବେ ମନୋନୀତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଟାର୍ଗେଟ କରି କହିଛନ୍ତି ଯେ ପରୀକ୍ଷାରେ ଅନିୟମିତତା ଯୋଗୁଁ ୨୪ ଲକ୍ଷରୁ ଅଧିକ ଛାତ୍ରଛାତ୍ରୀ ସେ ତୃତୀୟ ଥର ପାଇଁ ଶପଥ ନେବା ପୂର୍ବରୁ ହଇରାଣ ହୋଇଛନ୍ତି।
ରାହୁଲ ଗାନ୍ଧି ଦେଶର ଛାତ୍ରଛାତ୍ରୀମାନଙ୍କୁ ଆଶ୍ୱାସନା ଦେଇଛନ୍ତି ଯେ ସେ ସଂସଦରେ ସେମାନଙ୍କ ସ୍ୱର ହେବେ ଏବଂ ସେମାନଙ୍କ ଭବିଷ୍ୟତ ସହ ଜଡିତ ପ୍ରସଙ୍ଗକୁ ଦୃଢ଼ତାର ସହ ଉଠାଇବେ।
ନିଟ୍-ୟୁଜି ମେଡିକାଲ ପ୍ରବେଶିକା ପରୀକ୍ଷାରେ ମୂଲ୍ୟାଙ୍କନ ଦୁର୍ନୀତିି ଅଭିଯୋଗ ଆସିବା ପରେ ନ୍ୟାସନାଲ ଟେଷ୍ଟିଂ ଏଜେନ୍ସି (ଏନ୍ଟିଏ) ଶନିବାର ଘୋଷଣା କରିଛି ଯେ ୧୫୦୦ରୁ ଅଧିକ ପରୀକ୍ଷାର୍ଥୀଙ୍କୁ ଦିଆଯାଇଥିବା ଗ୍ରେସ୍ ମାର୍କର ସମୀକ୍ଷା ପାଇଁ ଶିକ୍ଷା ମନ୍ତ୍ରାଳୟ ଏକ ୪ ଜଣିଆ ପ୍ୟାନେଲ୍ ଗଠନ କରିଛି।
ଏହି ପରିପ୍ରେକ୍ଷୀରେ ରାହୁଲ କହିଛନ୍ତି, ନରେନ୍ଦ୍ର ମୋଦୀ ଏପର୍ଯ୍ୟନ୍ତ ଶପଥ ମଧ୍ୟ ନେଇନାହାଁନ୍ତି ଏବଂ ନିଟ୍ ପରୀକ୍ଷାରେ ଅନିୟମିତତା ୨୪ ଲକ୍ଷରୁ ଅଧିକ ଛାତ୍ରଛାତ୍ରୀ ଏବଂ ସେମାନଙ୍କ ପରିବାରକୁ ନଷ୍ଟ କରିଛି।
ଗୋଟିଏ ପରୀକ୍ଷା କେନ୍ଦ୍ରରୁ ୬ ଜଣ ଛାତ୍ରଛାତ୍ରୀ ସର୍ବାଧିକ ମାର୍କ ରଖି ପରୀକ୍ଷାରେ ଶୀର୍ଷସ୍ଥାନ ଅଧିକାର କରିଥିବା ବେଳେ ଅନେକ ଏଭଳି ମାର୍କ ପାଇଛନ୍ତି ଯାହା ବୈଷୟିକ ଦୃଷ୍ଟିରୁ ସମ୍ଭବ ନୁହେଁ, କିନ୍ତୁ ସରକାର ପେପର ଲିକ୍ ସମ୍ଭାବନାକୁ କ୍ରମାଗତ ଭାବେ ଅସ୍ୱୀକାର କରୁଛନ୍ତି ବୋଲି ପୂର୍ବତନ କଂଗ୍ରେସ ସଭାପତି କହିଛନ୍ତି।
ଶିକ୍ଷା ମାଫିଆ ଓ ସରକାରୀ କଳର ମିଳିତ ସହଯୋଗରେ ଚାଲିଥିବା ଏହି ’ପେପର ଲିକ୍ ଶିଳ୍ପ’ର ମୁକାବିଲା ପାଇଁ କଂଗ୍ରେସ ଏକ ଦୃଢ଼ ଯୋଜନା କରିଛି ବୋଲି ସେ କହିଛନ୍ତି। ଆଇନ ପ୍ରଣୟନ କରି ଛାତ୍ରଛାତ୍ରୀଙ୍କୁ ପ୍ରଶ୍ନପତ୍ର ଲିକ୍ରୁ ମୁକ୍ତି ଦେବା ପାଇଁ ଆମେ ଇସ୍ତାହାରରେ ପ୍ରତିଶ୍ରୁତି ଦେଇଥିଲୁ।
ଆଜି ମୁଁ ଦେଶର ସମସ୍ତ ଛାତ୍ରଛାତ୍ରୀଙ୍କୁ ଆଶ୍ୱାସନା ଦେଉଛି ଯେ ମୁଁ ସଂସଦରେ ଆପଣଙ୍କ ସ୍ୱର ହେବି ଏବଂ ଆପଣଙ୍କ ଭବିଷ୍ୟତ ସହ ଜଡ଼ିତ ପ୍ରସଙ୍ଗଗୁଡ଼ିକୁ ଦୃଢ଼ତାର ସହ ଉଠାଇବି। ଯୁବଗୋଷ୍ଠୀ ‘ଇଣ୍ଢଡିଆ’ ମେଣ୍ଟ ଉପରେ ଆସ୍ଥା ପ୍ରକଟ କରିଛନ୍ତି, ଯେଉଁମାନେ ସେମାନଙ୍କ ସ୍ୱରକୁ ଦମନ ହେବାକୁ ଦେବେ ନାହିଁ ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।
ଏନଟିଏ କୌଣସି ଅନିୟମିତତାକୁ ଅସ୍ୱୀକାର କରିଛି ଏବଂ କହିଛି ଯେ ଏନସିଇଆରଟି ପାଠ୍ୟ ପୁସ୍ତକରେ କରାଯାଇଥିବା ପରିବର୍ତ୍ତନ ଏବଂ ପରୀକ୍ଷା କେନ୍ଦ୍ରରେ ସମୟ ହରାଇବା ପାଇଁ ଗ୍ରେସ୍ ମାର୍କ ଛାତ୍ରଛାତ୍ରୀମାନେ ଅଧିକ ମାର୍କ ହାସଲ କରିବାର କିଛି କାରଣ।
ଡାକ୍ତରୀ ପାଠ୍ୟକ୍ରମ ପାଇଁ ଜାତୀୟ ପରୀକ୍ଷାର ନିରପେକ୍ଷତା ଓ ସ୍ୱଚ୍ଛତାକୁ ନେଇ ବିଭିନ୍ନ ଦଳ ଚିନ୍ତା ପ୍ରକଟ କରିବା ପରେ ଏହି ପ୍ରସଙ୍ଗ ଏବେ ରାଜନୈତିକ ମୋଡ଼ ନେଇଛି। ଡାକ୍ତରୀ ପାଠ୍ୟକ୍ରମ ପାଇଁ ନିଟ୍ରେ ଅନିୟମିତତା ନେଇ ସୁପ୍ରିମ୍କୋର୍ଟଙ୍କ ତତ୍ତ୍ୱାବଧାନରେ ଉଚ୍ଚସ୍ତରୀୟ ତଦନ୍ତ ଦାବି କରିବା ସହ ବିଜେପି ଯୁବବର୍ଗଙ୍କୁ ଠକି ସେମାନଙ୍କ ଭବିଷ୍ୟତ ସହ ଖେଳୁଥିବା ଅଭିଯୋଗ କରିଛି କଂଗ୍ରେସ।
