youtube

ସ୍କୁଲର ବାର୍ଷିକ ଉତ୍ସବ

ଉମରକୋଟ : ନବରଙ୍ଗପୁର ଜ଼ିଲ୍ଲା ଉମରକୋଟ ସଦର ପୌର ପରିଷଦ ଅନ୍ତର୍ଗତ ସରକାରୀ ପ୍ରକଳ୍ପ ଉଚ୍ଚ ପ୍ରାଥମିକ ବିଦ୍ୟାଳୟର ବାର୍ଷିକ ଉତ୍ସବ ଦର୍ଗାଗୁଡ଼ା ୟୁ, ଭି, ୪ ନଂ ଗ୍ରାମରେ ପାଳିତ ହୋଇଯାଇଛି | ଏହି ଉତ୍ସବରେ ଗ୍ରାମର ସମସ୍ତ ଛାତ୍ର/ଛାତ୍ରୀ ଏବଂ ଅଭିଭାବକ ମାନେ ଯୋଗ ଦେଇଥିଲେ |

ଏହି ଉତ୍ସବରେ ମୂଖ୍ୟ ଅତିଥି ଭାବରେ ବରିଷ୍ଠ ଆଇନଜୀବୀ ଶ୍ରୀ ତପନ ଦେବନାଥ ( ଉମରକୋଟ ) ତଥା ୱାର୍ଡ ନଂ ୧ର ୱାର୍ଡ ମେମ୍ବର ଯୋଗଦାନ କରି ଉତ୍ସବର ଶୋଭା ବଢାଇ କାର୍ଯ୍ୟକ୍ରମଟି ଆରମ୍ଭ କରିଥିଲେ। ଏହି ଅବସରରେ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା | ସାଂକୃତିକ କାର୍ଯ୍ୟକ୍ରମ ଭିତରେ ନାଚ, ଗୀତ, ଆଲୋଚନା ସହ ସ୍କୁଲରେ ଯେପରି ପୁଅ ଝିଅ ଭଲ ଶିକ୍ଷା ପାଇଁ ପାରିବେ ସେଥିପ୍ରତି ଶିକ୍ଷକ / ଶିକ୍ଷୟତ୍ରୀ ସେମାନଙ୍କର ଶିକ୍ଷାଦାନ ପ୍ରତି ସଦା ସର୍ବଦା ଧ୍ୟାନ ଦେବେ ବୋଲି ଆଗତ ସମସ୍ତ ଗ୍ରାମବାସୀ କହିଥିଲେ। ପରେ ପ୍ରତିଯୋଗିତାରେ କୃତିତ୍ବ ହାସଲ କରୁଥିବା ସମସ୍ତ ଛାତ୍ର /ଛାତ୍ରୀଙ୍କୁ ଆଗତ ଅତିଥି ମାନଙ୍କ ଦ୍ୱାରା ଉପହାର ସହ ମାନପତ୍ର ଦେଇ ସମ୍ମାନିତ କରା ଯାଇଥିଲା।

ସ୍କୁଲର ଶିକ୍ଷକ ଦୁର୍ଗା ପ୍ରସାଦ ରଥ ସ୍କୁଲର ବାର୍ଷିକ ଉତ୍ସବ କାର୍ଯ୍ୟକ୍ରମଟି ପରିଚାଳନା ଦ୍ଵାୟିତ୍ୱରେ ଥିଲେ। ସ୍କୁଲର ପ୍ରଧାନ ଶିକ୍ଷୟତ୍ରୀ ସୁନିତା ପଟ୍ଟନାୟକ, ସୁଜ୍ଞାନୀ ପ୍ରଧାନ, ମିନତୀ ବାରଇ, ଯୋଗଦାନ କରି ଉତ୍ସବ କାର୍ଯ୍ୟକ୍ରମ ଟି ଶାନ୍ତି ଶୃଙ୍ଖଳାର ସହିତ ପରିଚାଳନା କରିବାରେ ସହଯୋଗ କରିଥିଲେ।ସମସ୍ତଙ୍କ ପାଇଁ ମଧ୍ୟାନ୍ନ ଭୋଜନର ବ୍ୟବସ୍ଥା କରାଯାଇ ଥିଲା। ଶେଷରେ ସ୍କୁଲର ପ୍ରଧାନ ଶିକ୍ଷୟତ୍ରୀ ସୁନିତା ପଟ୍ଟନାୟକ ଆଗତ ସମସ୍ତଙ୍କୁ ଧନ୍ୟ ବାଦ ଜ୍ଞାପନ କରିଥିଲେ ।

Leave A Reply

Your email address will not be published.