ନୂଆଦିଲ୍ଲୀ: ଚୀନ୍ ଏହାର ପ୍ରଯୁକ୍ତିବିଦ୍ୟା ଦକ୍ଷତା ପ୍ରଦର୍ଶନ କରି ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। UBTech Robotics ନାମକ ଏକ କମ୍ପାନୀକୁ ୨୬୪ମିଲିୟନ ୟୁଆନ ଅର୍ଥାତ୍ ପ୍ରାୟ ୩୭ନିୟୁତ ଡଲାର ମୂଲ୍ୟର ଏକ ଚୁକ୍ତିନାମା ଦିଆଯାଇଛି। ଏହି ପଦକ୍ଷେପ ଅଧୀନରେ, କମ୍ପାନୀ ଗୁଆଙ୍ଗସିର ସୀମାବର୍ତ୍ତୀ ଅଞ୍ଚଳରେ ଶିଳ୍ପ-ଗ୍ରେଡ୍ ହ୍ୟୁମାନାଏଡ୍ ରୋବୋଟ୍ ନିୟୋଜିତ କରିବ।
ଏହି ନିୟୋଜିତ ଡିସେମ୍ବରରେ ଆରମ୍ଭ ହେବ । ଏପର୍ଯ୍ୟନ୍ତ ଚୀନ୍ ସରକାରୀ କାର୍ଯ୍ୟରେ ରୋବୋଟ୍ର ସର୍ବାଧିକ ବ୍ୟବହାର ବୋଲି ଏହାକୁ କୁହାଯାଉଛି ।
‘UBTech ରୋବୋଟିକ୍ସ’ ଭିଏତନାମ ଓ ଚୀନ ସୀମା ନିକଟରେ ଏକ ପରୀକ୍ଷଣ ପ୍ରକଳ୍ପ ପାଇଁ ନିଜର ମଡେଲ ଯୋଗାଣ ଲାଗି ଏକ ଚୁକ୍ତିନାମା ସ୍ବାକ୍ଷର କରିଛି । ଏଠାରେ, UBTech ନିଜର ନୂତନ Walker S2 ରୋବୋଟ୍ ନିୟୋଜିତ କରିବ, ଯାହାକୁ ଜୁଲାଇ ମାସରେ ଲଞ୍ଚ କରାଯାଇଥିଲା। ଏହା ବିଶ୍ୱର ପ୍ରଥମ ମାନବୀୟ ରୋବୋଟ୍ ଯାହା ସ୍ୱୟଂଚାଳିତ ଭାବରେ ନିଜର ବ୍ୟାଟେରୀ ବଦଳାଇ ପାରିବ। ଏହି ଫିଚର ଏହାକୁ ୨୪ଘଣ୍ଟା ପାଇଁ ନିରନ୍ତର କାର୍ଯ୍ୟ କରିବାକୁ ସକ୍ଷମ କରିଥାଏ ।
ଏହା ଦ୍ରୁତ ଗତିରେ ଚାଲିପାରେ ଓ ଘଣ୍ଟା ପ୍ରତି ୭.୨ କିଲୋମିଟର ବେଗରେ ପହଞ୍ଚିପାରେ। ଏହା ଭାରୀ ଜିନିଷ ବହନ କରିବା ସମୟରେ ମଧ୍ୟ ସନ୍ତୁଳନ ବଜାୟ ରଖେ। ଏହାର ଏକ ବିଶେଷ ମସ୍ତିଷ୍କ ଅଛି ଯାହା ନିଜ ନିଷ୍ପତ୍ତି ନିଜେ ନେଇଥାଏ ଏବଂ କଷ୍ଟକର ପରିସ୍ଥିତିରେ ମଧ୍ୟ କାର୍ଯ୍ୟ କରିଥାଏ।
ପରୀକ୍ଷଣରେ,ଏହି ୱାକର S2 ରୋବୋଟଗୁଡ଼ିକୁ ସୀମାନ୍ତ ଚେକପୋଷ୍ଟଗୁଡ଼ିକରେ ନିୟୋଜିତ କରାଯିବ । ଯେଉଁଠାରେ ସେମାନେ ଯାତ୍ରୀମାନଙ୍କୁ ମାର୍ଗଦର୍ଶନ କରିବା, ଭିଡ଼ ନିୟନ୍ତ୍ରଣ କରିବା, ପାଟ୍ରୋଲିଂ ଏବଂ ଲଜିଷ୍ଟିକ୍ସ ପରିଚାଳନା କରିବାରେ ସାହାଯ୍ୟ କରିବେ।
ନିକଟରେ ଜାତୀୟ ମାନବୀୟ ରୋବୋଟ୍ କମିଟି ଗଠନ କରାଯାଇଥିଲା। ଏଥିରେ ଅନେକ ପ୍ରମୁଖ କମ୍ପାନୀର ପ୍ରତିନିଧି ସାମିଲ ଅଛନ୍ତି। ରୋବୋଟ୍ ଏବେ ହସ୍ପିଟାଲରେ , ବୃଦ୍ଧୁଙ୍କ ସାହାଯ୍ୟ କରିବାରେ, ସହର ସଫାସୁତୁରା, ଟ୍ରାଫିକ୍ ନିୟନ୍ତ୍ରଣ, ପୋଲିସ ପାଟ୍ରୋଲିଂ ଏବଂ ଡେଲିଭରି ଭଳି କାର୍ଯ୍ୟ କରୁଛନ୍ତି।
