ନୂଆଦିଲ୍ଲୀ : ଇରାନ ରିଭୋଲ୍ୟୁଶନରୀ ଗାର୍ଡ କପର୍ସ (IRGC) ଦୁଇଟି ଜାହାଜ ଉପରେ ଗୁଳିମାଡ଼ କରିବା ସହିତ ନିଜ କବଜା କରିଛି । ଏଥିରୁ ଗୋଟିଏ ଜାହାଜ ଭାରତକୁ ଆସୁଥିଲା ବୋଲି ଜଣାପଡିଛି । ଦୁବାଇରୁ ଗୁଜରାଟର ମୁନ୍ଦ୍ରା ବନ୍ଦରକୁ ଆସୁଥିଲା । ହର୍ମୁଜ ପ୍ରଣାଳୀ ଅତିକ୍ରମ କରିବା ପରେ ଗୁଳିମାଡ଼ ହୋଇଛି । ଗୁଳିମାଡ଼ କରିବା ପରେ ୨ଟି ଜାହାଜକୁ ନିଜ ଅକ୍ତିଆରକୁ ନେଇଛି IRGC ।
ଖବର ମୁତାବକ, ଇରାନ ଜବତ କରିଥିବା ଜାହାଜ MSC Francesca ଏବଂ Epaminodes ବୋଲି ଜଣାପଡିଛି । Epaminodes ଜାହାଜଟି ଗୁଜରାଟର ମୁନ୍ଦ୍ରା ଆସୁଥିବା ଗୁଳିମାଡ଼ ହୋଇଛି । ଗୁଳିମାଡ଼ କରିବା ପରେ ଜାହାଜକୁ କବଜା କରିନେଇଛି IRGC । ଫଳରେ ଭାରତର ଚିନ୍ତା ବଢିଛି ।
ଇରାନ ନୌସେନା ପକ୍ଷରୁ ଜାରି ହୋଇଥିବା ବୟାନରେ କୁହାଯାଇଛି କି, MSC Francesca ଏବଂ Epaminodes ବିନା ଅନୁମତିରେ ଅପରେଟ ହେଉଥିଲା । ଏମାନେ ନେଭିଗେସନ ସିଷ୍ଟମକୁ ହେରଫେର କରିଛନ୍ତି । ଫଳରେ ସମୁଦ୍ର ସୁରକ୍ଷାକୁ ବିପଦ ଦେଖାଦେଇଛି । ଏହାକୁ IRGC ନୌସେନା ଜବତ କରି ଇରାନ ତଟକୁ ନେଇଯାଇଛି । ଏହି ଦୁଇଟି ଜାହାଜ ଏବେ ଇରାନ କ୍ଷେତ୍ରରେ ରହିଛି । ଜାହାଜର ଜିନିଷ, ଡକ୍ୟୁମେଣ୍ଟସ ଏବଂ ସମ୍ବନ୍ଧୀୟ ରେକର୍ଡ ଯାଞ୍ଚ କରାଯାଉଛି ।
