ନୂଆଦିଲ୍ଲୀ: କେନ୍ଦ୍ର ସରକାର ୧ ଜୁଲାଇରୁ “ଭାରତର ବିକାଶ – ନିଯୁକ୍ତି ଏବଂ ଜୀବିକା ମିଶନ (ଗ୍ରାମୀଣ) ଆଇନ, ୨୦୨୫” (VB-G RAM G) ଆଇନ କାର୍ଯ୍ୟକାରୀ କରିଛନ୍ତି। ଯାହା ଗ୍ରାମୀଣ ନିଯୁକ୍ତି ବ୍ୟବସ୍ଥାରେ ଏକ ବଡ଼ ପରିବର୍ତ୍ତନ ଆଣିଛି।
ସରକାର ନୂଆ ଗ୍ରାମୀଣ ନିଯୁକ୍ତି ଯୋଜନା ଅଧୀନରେ ମଜୁରୀ ହାର ମଧ୍ୟ ବୃଦ୍ଧି କରିଛନ୍ତି। ଦେଶରେ ହାରାହାରି ଦୈନିକ ମଜୁରୀ ଏବେ ୨୯୮.୮ରୁ ବୃଦ୍ଧି ପାଇ ୩୨୭.୪ ହୋଇଛି। ଯାହା ପ୍ରତିଦିନ ହାରାହାରି ୨୮.୬ ଟଙ୍କା ବୃଦ୍ଧିକୁ ପ୍ରତିନିଧିତ୍ୱ କରେ। ଗ୍ରାମୀଣ ବିକାଶ ମନ୍ତ୍ରଣାଳୟ ମଙ୍ଗଳବାର ନୂଆ ମଜୁରୀ ହାର ସମ୍ପର୍କରେ ଏକ ବିଜ୍ଞପ୍ତି ମଧ୍ୟ ଜାରି କରିଛି। ୧ ଜୁଲାଇରୁ ଦେଶର ସମସ୍ତ ୩୪ ରାଜ୍ୟ, କେନ୍ଦ୍ରଶାସିତ ଅଞ୍ଚଳ ଏବଂ ମଜୁରୀ ଜୋନରେ ନୂଆ ହାର କାର୍ଯ୍ୟକାରୀ ହୋଇଛି।
ସରକାରଙ୍କ ଅନୁଯାୟୀ, ନୂଆ ଆଇନ ଅନୁସାରେ ଯୋଗ୍ୟ ଗ୍ରାମୀଣ ପରିବାର ଏବେ ୧୨୫ ଦିନର ମଜୁରୀ ନିଯୁକ୍ତିର ଆଇନଗତ ଗ୍ୟାରେଣ୍ଟି ପାଇବେ। ପୂର୍ବରୁ MGNREGA ୧୦୦ ଦିନର ନିଯୁକ୍ତିର ଗ୍ୟାରେଣ୍ଟି ଦେଇଥିଲା।
ସରକାର ନୂଆ ଯୋଜନା ଅନୁଯାୟୀ ଦୈନିକ ସର୍ବନିମ୍ନ ମଜୁରୀ ୩୦୦ ସ୍ଥିର ହୋଇଛି। ଏହାର ଅର୍ଥ ହେଉଛି ଏହି ଯୋଜନା ଅନୁଯାୟୀ ମଜୁରୀ କୌଣସି ରାଜ୍ୟରେ ୩୦୦ରୁ କମ୍ ହେବ ନାହିଁ। ତେବେ ସାରା ଦେଶରେ ହାରାହାରି ମଜୁରୀ ବୃଦ୍ଧି ୧୦ ପ୍ରତିଶତରୁ ଅଧିକ ହୋଇଛି।
