ବେଙ୍ଗାଲୁରୁ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିପକ୍ଷରେ ଅପମାନଜନକ ପୋଷ୍ଟ କରିଥିବା ବ୍ୟକ୍ତିକୁ ବେଙ୍ଗାଲୁରୁରୁ ଗିରଫ କରିଛି ପୋଲିସ । କର୍ଣ୍ଣାଟକ ରାଜଧାନୀ ବେଙ୍ଗାଲୁରୁରେ ପୋଲିସ ଜଣେ ରାସ୍ତାକଡ଼ ବିକାଳିକୁ ଗିରଫ କରିଛି । ବ୍ୟକ୍ତି ଜଣକ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ସୋସିଆଲ ମିଡିଆରେ ଅପମାନଜନକ ପୋଷ୍ଟ କରିବାର ଅଭିଯୋଗ ଲାଗିଥିଲା । ପୋଲିସ ଅଭିଯୁକ୍ତ ବିରୁଦ୍ଧରେ ବିଭିନ୍ନ ଧାରାରେ କେସ୍ ଦାୟର କରିଛି । କୋର୍ଟ ଅଭିଯୁକ୍ତକୁ ନ୍ୟାୟିକ ହେପାଜତକୁ ପଠାଇଛି ।
ଖବର ମୁତାବକ, ବାନସସୱାଡି ପୋଲିସ କମ୍ମନହିଲ୍ଲୀ ଅଞ୍ଚଳରୁ ଜଣେ ଷ୍ଟ୍ରିଟ୍ ଭେଣ୍ଡରକୁ ଗିରଫ କରିଛି । ଗିରଫ ବ୍ୟକ୍ତି ଜଣକ ସୋସିଆଲ ମିଡିଆରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିରୋଧରେ ଅପମାନସୂଚକ କଥା ଏବଂ ଅସଭ୍ୟ ଭାଷା ବ୍ୟବହାର କରିବାର ଅଭିଯୋଗ ହୋଇଛି । ଜୁଲାଇ ୨୨ ତାରିଖରେ ବିଜେପିର ସର୍ବଜ୍ଞନଗର ବିଧାନସଭା ଅଞ୍ଚଳର ଅଧ୍ୟକ୍ଷ ଅଭିଳାଷ ରେଡ୍ଡୀ ଅଭିଯୋଗ କରିଥିଲେ । ଅଭିଯୋଗ ଅନୁସାରେ, ଅଭିଯୁକ୍ତ ଜଣକ ନିଜ ଇନଷ୍ଟାଗ୍ରାମ madonlyରେ ପ୍ରଧାନମନ୍ତ୍ରୀଙ୍କୁ ଅପମାନ କରିବା ପାଇଁ ଆପତ୍ତିଜନକ କଣ୍ଟେଣ୍ଟ ପୋଷ୍ଟ କରିଥିଲେ ଏବଂ ଅପଶବ୍ଦ ବ୍ୟବହାର କରିଥିଲେ ।
ଅଭିଯୁକ୍ତ ହଡସନ ବେଙ୍ଗାଲୁରୁର କମ୍ମନହିଲ୍ଲୀ ଅଞ୍ଚଳରେ ଫୁଟପାଥରେ ବିରିୟାନୀ ଦୋକାନ କରିଥିଲେ । ପୋଲିସ ଅଭିଯୁକ୍ତକୁ ଗିରଫ କରି ବିଏନଏସ ୨୦୨୩ ଧାରା ୧୯୬(୧), ଧାରା ୩୫୨, ସହିତ ସୂଚନା ପ୍ରଦ୍ୟୋଗତିକ ଅଧିନିୟମ, ୨୦୦୦ ଧାରା ୬୬ ଏବଂ ୬୭ ଅଧିନରେ ମାମଲା ରୁଜୁ କରିଛି । ଗୁରୁବାର ତାଙ୍କୁ ଗିରଫ କରି କୋର୍ଟରେ ହାଜର କରାଯାଇଛି ।
NEET Paper Leak ମାମଲାକୁ ନେଇ ପ୍ରଧାନମନ୍ତ୍ରୀ ମୋଦି ଗୁରୁବାର ବିଳମ୍ବିତ ରାତିରେ ଘୋଷଣା କରିଛନ୍ତି ଯେ, ଆସନ୍ତା ସପ୍ତାହରେ ସଂସଦରେ ଏକ ବିଲ୍ ଆଗତ କରାଯିବ । ଯେଉଁଥିରେ ପେପର ଲିକ୍ ମାମଲା ବିରୋଧରେ କଠୋର ବ୍ୟବସ୍ଥା ସାମିଲ ରହିବ । ଏଥିସହ ଆଜି କେନ୍ଦ୍ର କ୍ୟାବିନେଟ୍ ବୈଠକରେ ଡ୍ରାପ୍ଟ ବିଲ ଉପରେ ଆଲୋଚନା ହେବ ।
