ମୁମ୍ବାଇ: ମୁମ୍ବାଇରେ ବଲିଉଡ ଅଭିନେତା ଟାଇଗର ଶ୍ରଫଙ୍କ ଉପରେ ଆକ୍ରମଣ ହୋଇଛି। ମୁମ୍ବାଇର ଜୁହୁରେ ଅଭିନେତାଙ୍କୁ ଗୁଳି କରାଯାଇଥିଲା ବେଳେ ଅନେକ ଲୋକ ଆହତ ହୋଇଛନ୍ତି। ଟାଇଗରଙ୍କ ଉପରେ ହୋଇଥିବା ଏହି ମରଣାନ୍ତକ ଆକ୍ରମଣ ଖବର ସମଗ୍ର ସିନେ ଜଗତରେ ଭୟର ଲହରୀ ଖେଳିଯାଇଛି। ଏହି ଘଟଣା ମୁମ୍ବାଇର ଜୁହୁର ପୁଷ୍ପା ପାର୍କରେ ଘଟିଛି।
ତେବେ ଆକ୍ରମଣ ପରେ ଏକ ପୋଷ୍ଟ ଭାଇରାଲ ହୋଇଥିଲା। ଯେଉଁଥିରେ ଲରେନ୍ସ ଗ୍ୟାଙ୍ଗର ଅନିଲ ପଣ୍ଡିତ ଗୁଳିକାଣ୍ଡର ଦାୟିତ୍ୱ ନେଇଥିଲେ ଏବଂ ଲେଖିଥିଲେ ଯେ ସଲମାନ ଖାନଙ୍କ ସହ କାମ କରୁଥିବା ଯେକୌଣସି ବ୍ୟକ୍ତି ସହ ଏଭଳି ହେବ। ମୁମ୍ବାଇ ପୋଲିସ ମଧ୍ୟ ଟାଇଗର ଶ୍ରଫଙ୍କ ଉପରକୁ ଗୁଳିମାଡ଼କୁ ସ୍ପଷ୍ଟ କରିଛି। ରିପୋର୍ଟ ଅନୁଯାୟୀ, ମୁମ୍ବାଇ ପୋଲିସ କହିଛି ଯେ ଗୁଳିମାଡ଼ରେ ଟାଇଗର ଶ୍ରଫ ସୁରକ୍ଷିତ ଅଛନ୍ତି। ପୋଲିସ ଏହି ଘଟଣାର ତଦନ୍ତ କରୁଛି।
ରିପୋର୍ଟ ଅନୁଯାୟୀ, ତିନି ଜଣ ଅଜ୍ଞାତ ବାଇକ୍ ଆରୋହୀ ଆସି ତାଙ୍କ ଉପରେ ଗୁଳି ଚଳାଇଥିଲେ। ଗୁଳିମାଡ଼ ପଛରେ ଉଦ୍ଦେଶ୍ୟ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ। ପ୍ରାରମ୍ଭିକ ସୂଚନା ଅନୁଯାୟୀ ପାର୍କରେ ଏକ ଜନ୍ମଦିନ ପାର୍ଟି ଚାଲୁଥିଲା, ଯେଉଁଥିରେ ବହୁ ସଂଖ୍ୟକ ଛୋଟ ପିଲା ଯୋଗ ଦେଇଥିଲେ। ସନ୍ଧ୍ୟା ସମୟରେ ଚାଲିବା ପାଇଁ ଅନେକ ଲୋକ ସେଠାରେ ଆସିଥିଲେ।
ଏହି ଘଟଣାର ଏକ ଭିଡିଓ ମଧ୍ୟ ସାମ୍ନାକୁ ଆସିଛି, ଯେଉଁଥିରେ ପ୍ରଶଂସକଙ୍କ ଭିଡ଼ ଜମିବା ସହିତ ଟାଇଗରଙ୍କ କାର ଘରୁ ବାହାରକୁ ଯାଉଥିବାର ଦେଖାଯାଉଛି ଏବଂ ତା’ପରେ ଗୁଳି ଫୁଟିବାର ଶବ୍ଦ ଶୁଣାଯାଉଛି, ଯାହା ଫଳରେ ଦୌଡାଦୌଡି ସ୍ଥିତି ଉପୁଜିଥିଲା। କେବଳ ଏତିକି ନୁହେଁ ଭିଡିଓ ଅନୁଯାୟୀ, ମୁମ୍ବାଇର ଜୁହୁରେ ହୋଇଥିବା ଗୁଳିକାଣ୍ଡରେ ପ୍ରାୟ ପାଞ୍ଚ ରାଉଣ୍ଡ ଗୁଳି ଚାଳନା କରାଯାଇଥିଲା। ଉଲ୍ଲେଖନୀୟ ଯେ ଟାଇଗର ଶ୍ରଫଙ୍କୁ ଗତ ବର୍ଷ ହତ୍ୟା ଧମକ ମିଳିଥିଲା।
