ଗୁଇନ୍ଦା କରିବା ଅଭିଯୋଗରେ ଦୀର୍ଘ ୨୮ ବର୍ଷ ହେବ ପାକିସ୍ତାନ ଜେଲରେ ସଜ୍ଜା କାଟୁଥିଲେ ଗୁଜୁରାଟର କୁଲଦୀପ ଯାଦବ। ଏବେ ସେ ନିଜ ଘରକୁ ଫେରିଛନ୍ତି। ଏହାପରେ ତାଙ୍କ ଘରେ ଖୁସିର ମାହୋଲ । ଘରକୁ ଫେରିବା ପରେ ପାକିସ୍ତାନ ଜେଲରେ ଯନ୍ତ୍ରଣା ସହି ବନ୍ଦୀଥିବା ଅନ୍ୟ ଭାରତୀୟ କଏଦୀଙ୍କୁ ଫେରାଇ ଆଣିବାକୁ ଭାରତ ସରକାରଙ୍କୁ ଗୁହାରୀ କରିଛନ୍ତି କୁଲଦୀପ ।
ପାକିସ୍ତାନରେ ନିଜ ଗୁରୁତ୍ୱପୂର୍ଣ ସମୟ କଟିଯିବା ପରେ ତାଙ୍କ ପାଖର ଆଉ କିଛି ନାହିଁ ।ସେ ପିନ୍ଧିିଥିବା ପୋଷାକ ମଧ୍ୟ ତାଙ୍କର ନୁହେଁ ପାକିସ୍ତାନର । ତାଙ୍କ ପାଖରେ କିଛି କା ଧନ୍ଦା ନାହିଁ । ତେଣୁ ତାଙ୍କୁ କିଛି କାମ ଦେବାକୁ ସରକାରଙ୍କୁ ଅନୁରୋଧ କରିଛନ୍ତି କୁଲଦୀପ ।
ସୂଚନା ମୁତାବକ, ମାର୍ଚ୍ଚ ୨୩, ୧୯୯୪ ରେ କୁଲଦୀପଙ୍କୁ ଗୁଇନ୍ଦା କରିବା ଅଭିଯୋଗରେ ପାକିସ୍ତାନୀ ସେନା ଗିରଫ କରିଥିଲା । ତାଙ୍କୁ ତିନି ବର୍ଷ ପାଇଁ ବନ୍ଦୀ କରି ରଖାଯାଇଥିଲା। ଏହା ପରେ ଗୁଇନ୍ଦା କରିବା ଅଭିଯୋଗରେ ଏକ ସାମରିକ କୋର୍ଟ ତାଙ୍କୁ ୨୫ ବର୍ଷ କାରାଦଣ୍ଡରେ ଦଣ୍ଡିତ କରିଥିଲେ। ତାଙ୍କୁ ୧୯୯୬ରେ କୋର୍ଟ ଲଖପାଟ ଜେଲକୁ ସ୍ଥାନାନ୍ତର କରାଯାଇଥିଲା।
