[ad_1]
ସୂଚନା ଅନୁସାରେ, ଦୁଇ ଦିନ ତଳେ ଆମେରିକାର ହାୱାଇ ଜଙ୍ଗଲରେ କୌଣସି କାରଣରୁ ନିଆଁ ଲାଗି ଯାଇଥିଲା। ପବନର ବେଗ ଅଧିକ ଥିବାରୁ ଧୀରେ ଧୀରେ ନିଆଁ ଜଙ୍ଗଲରୁ ଜନବସତିକୁ ବ୍ୟାପି ଯାଇଛି। ଫଳରେ ହାୱାଇ ଦ୍ୱୀପର ଥିବା ହଜାର ହଜାର ବଡ଼ ବଡ଼ ବିଲ୍ଡିଂ ଜଳି ଧ୍ୱଂସସ୍ତୂପରେ ପରିଣତ ହୋଇ ଯାଉଛି। ଏହି ଭୟଙ୍କର ନିଆଁ ଯୋଗୁ ଆମେରିକାର ଲାହୌନା ସହର ଏକ ପ୍ରକାର ନିଶ୍ଚିହ୍ନ ହେବାକୁ ବସିଛି। ସହରର ସବୁ ଅଞ୍ଚଳରେ ପାଉଁଶର ପାହାଡ ଦେଖିବାକୁ ମିଳୁଛି।
ହାୱାଇ ପ୍ରଦେଶର ଗଭର୍ନର କହିଛନ୍ତି ଯେ, ୧୬ ଲକ୍ଷ ଜନସଂଖ୍ୟା ବିଶିଷ୍ଟ ଲାହୌନା ସହର ଏବେ ଏକ ସାଂଘାତିକ ପ୍ରାକୃତିକ ବିପର୍ଯ୍ୟୟ ପରିସ୍ଥିତିର ମୁକାବିଲା କରୁଛି। ପୁଣି ଥରେ ଅଣ୍ଟା ସଳଖି ଛିଡ଼ା ହେବାକୁ ବର୍ଷ ବର୍ଷ ସମୟ ସହ କୋଟି କୋଟି ଟଙ୍କା ଲାଗିଯିବ। ଗତ ତିନି ଦିନ ହେବ ଦ୍ୱୀପରେ ପ୍ରଖର ଅଗ୍ନିକାଣ୍ଡ ଘଟିଛି। ରାଷ୍ଟ୍ରପତି ଜୋ ବାଇଡେନଙ୍କ ପାଣ୍ଠିରୁ ପ୍ରଭାବିତ ଅଞ୍ଚଳକୁ ଅନୁଦାନ ଦିଆଯାଇଥିବା ଗଣମାଧ୍ୟମ ସୂତ୍ରରୁ ପ୍ରକାଶ ପାଇଛି।
[ad_2]
