ନୂଆଦିଲ୍ଲୀ : ଏବେ ହମାସ ସହ ଚାଲିଥିବା ଯୁଦ୍ଧ ପରେ ବି ଚୁପ ହୋଇ ବସିବ ନାହିଁ ଇସ୍ରାଏଲ । ବିଶ୍ବର ବିଭିନ୍ନ ସ୍ଥାନରେ ଥିବା ହମାସର ନେତାମାନଙ୍କୁ ଖୋଜି ଖୋଜି ନିପାତ କରିବ । ଏଥିପାଇଁ ଇସ୍ରାଏଲର ପ୍ରସିଦ୍ଧ ଗୁଇନ୍ଦା ସଂସ୍ଥା ମୋସାଦକୁ ନିର୍ଦ୍ଦେଶ ଦେଇଛନ୍ତି ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ । ସେ ତାଙ୍କ ପୂର୍ବବର୍ତ୍ତୀ ଗୋଲ୍ଡା ମେୟରଙ୍କ ପଦାଙ୍କ ଅନୁସରଣ କରି ‘ଅପରେସନ କ୍ରୋଧ ଅଫ୍ ଗଡ୍’ ଭଳି ମିଶନକୁ ଅନୁମତି ଦେବାକୁ ଚାହୁଁଛନ୍ତି। ଏହି ମିଶନ ଅଧୀନରେ ସେ ଇସ୍ରାଏଲର ଶତ୍ରୁମାନଙ୍କୁ ନିପାତ କରିବାକୁ ଯୋଜନା କରୁଛନ୍ତି। ତେବେ ଗାଜାରେ ଚାଲିଥିବା ଅଭିଯାନ ଶେଷ ହେବା ପରେ ହିଁ ସେ ଏହାକୁ ଆରମ୍ଭ କରାଯିବ ।
ୱାଲ୍ ଷ୍ଟ୍ରିଟ୍ ଜର୍ଣ୍ଣାଲ ରିପୋର୍ଟ ଅନୁଯାୟୀ, ନେତନ୍ୟାହୁ ଇସ୍ରାଏଲର ଗୁଇନ୍ଦା ଏଜେନ୍ସି ମୋସାଦକୁ ଏହି କାର୍ଯ୍ୟ କରିବା ପାଇଁ ଏକ ଯୋଜନା ପ୍ରସ୍ତୁତ କରିବାକୁ ନିର୍ଦ୍ଦେଶ ଦେଇଛନ୍ତି। ତୁର୍କୀ, ଲେବନାନ ଓ କତାରରେ ରହୁଥିବା ଟାର୍ଗେଟ(ହମାସ ନେତା)କୁ ନିଷ୍କ୍ରିୟ କରିବା ପାଇଁ ମୋସାଦ ଯୋଜନା କରୁଥିବା ଜଣାପଡିଛି ।
ଏହି ସମ୍ବାଦପତ୍ର ଦାବି କରିଛି ଯେ ମୋସାଦର ପୂର୍ବତନ ନିର୍ଦ୍ଦେଶକ ଏଫ୍ରାମ ହାଲେଭି ଏହି ଅପରେସନ କୁ ନେଇ ଚିନ୍ତା ପ୍ରକଟ କରିଛନ୍ତି ଏବଂ ଚେତାବନୀ ଦେଇଛନ୍ତି ଯେ ଏଭଳି କାର୍ଯ୍ୟର ଅନିଚ୍ଛାକୃତ ପରିଣାମ ହୋଇପାରେ । ଏବଂ ଏହା ଅଞ୍ଚଳରେ ଆହୁରି ଅସ୍ଥିରତା ସୃଷ୍ଟି କରିପାରେ । ହାଲେଭି କହିଛନ୍ତି ଯେ ସାରା ବିଶ୍ୱରେ ଥିବା ହାମାସ ବେସ୍ ଗୁଡ଼ିକୁ ଧ୍ବଂସ କରିବା ପରେ ବି ଇସ୍ରାଏଲ ପ୍ରତି ବିପଦ ଶେଷ ହେବ ନାହିଁ।
