ନୂଆଦିଲ୍ଲୀ: ୨୦୨୪ ଲୋକସଭା ନିର୍ବାଚନରେ ଲଗାତାର ତୃତୀୟ ଥର ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ କ୍ଷମତାକୁ ଫେରାଇ ଆଣିବା ଏବଂ ବିଜେପିକୁ ରେକର୍ଡ ସଂଖ୍ୟକ ୪୦୦ ସିଟ୍ ଜିତିବାରେ ସାହାଯ୍ୟ କରିବାକୁ ଆମେରିକାରେ ରହୁଥିବା ଫ୍ରେଣ୍ଡସ୍ ଅଫ୍ ବିଜେପି ନାମକ ସଂଗଠନ ଏକ ବ୍ୟାପକ ଯୋଜନା ପ୍ରସ୍ତୁତ କରିଛି। ସଂଗଠନର ନେତାଙ୍କ କହିବା ଅନୁଯାୟୀ, ଭାରତକୁ ୨୫ ଲକ୍ଷରୁ ଅଧିକ ପ୍ରବାସୀ ଭାରତୀୟ ଫୋନ୍ କଲ କରିବେ । ଫ୍ରେଣ୍ଡସ୍ ଅଫ୍ ବିଜେପି ମଧ୍ୟ ୩୦୦୦ରୁ ଅଧିକ ଭାରତୀୟ ଆମେରିକୀୟଙ୍କ ଏକ ପ୍ରତିନିଧୀ ଦଳ ପଠାଇବାକୁ ଯୋଜନା କରିଛି ଯେଉଁମାନେ ଦଳ ତଥା ଏହାର ପ୍ରାର୍ଥୀମାନଙ୍କ ପାଇଁ ସମଗ୍ର ଭାରତରେ ପ୍ରଚାର କରିବେ। ବିଭିନ୍ନ ରାଜ୍ୟ ତଥା ଭାଷା ଅନୁଯାୟୀ ନିର୍ଦ୍ଦିଷ୍ଟ କଲ୍ କରିବା ତଥା ରଣନୀତି ପ୍ରସ୍ତୁତ କରିବାରେ ସାହାଯ୍ୟ କରିବା ପାଇଁ ବିଜେପି ମଧ୍ୟ ଆମେରିକାରେ ଦୁଇ ଡଜନରୁ ଅଧିକ ଟିମ ଗଠନ କରିଛି। ଫ୍ରେଣ୍ଡସ୍ ଅଫ୍ ବିଜେପି ନାମକ ସଂଗଠନର ସଭାପତି ଅଦାପା ପ୍ରସାଦ କହିଛନ୍ତି, “ଡିସେମ୍ବରରୁ ଆମେ ପ୍ରସ୍ତୁତ ହୋଇଛୁ।
ଏହି ମାସରେ ଆମେ ଏହାକୁ ତ୍ୱରାନ୍ୱିତ କରୁଛୁ | ଫେବୃଆରୀରେ, ଆମେ ୧୮ଟି ରାଜ୍ୟର ପ୍ରାୟ ୨୦-୨୨ ସହରରେ ଏହି କାର୍ଯ୍ୟକ୍ରମ ଆରମ୍ଭ କରୁଛୁ | ମୋଦୀ କିଭଳି ତୃତୀୟ ଥର କ୍ଷମତାକୁ ଫେରିବେ ସେ ଦିଗରେ ଆମେ କାର୍ଯ୍ୟ କରିବୁ । ସଂଗଠନ ପକ୍ଷରୁ ୧୦ ବର୍ଷ ମଧ୍ୟରେ ମୋଦୀ ସରକାରଙ୍କ ସଫଳତାକୁ ପ୍ରସ୍ତୁତ କରାଯିବ ଓ ଲୋକଙ୍କ ସାମ୍ନାରେ ବଖାଣିଯିବ । ସେ କହିଛନ୍ତି, “ଆମେ ପାୱାରପଏଣ୍ଟ ସ୍ଲାଇଡ୍ ପ୍ରସ୍ତୁତ କରିସାରିଛୁ। ଆମେରିକାର ବିଭିନ୍ନ ସହରରେ ‘ଚାଏ ପେ ଚର୍ଚ୍ଚା’ କାର୍ଯ୍ୟକ୍ରମ ମଧ୍ୟ ଆୟୋଜନ କରାଯିବ | ସେ କହିଛନ୍ତି, “ଏଥର ବିଜେପି ଏବଂ ଏହାର ସହଯୋଗୀ ଦଳ ପାଇଁ ୪୦୦ଟି ଆସନ ପାଇବାକୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ସାଧାରଣ ନିର୍ବାଚନକୁ ନେଇ ଅନେକ ଉତ୍ସାହ ରହିଛି।” ପ୍ରଧାନମନ୍ତ୍ରୀ ମୋଦୀ ଏବଂ ବିଜେପି ପାଇଁ ଆମର କଲ୍ ସେଣ୍ଟର ରହିବ। ଏଠାରେ ରହୁଥିବା ପ୍ରବାସୀ ଭାରତୀୟମାନେ ବିଭିନ୍ନ ଲୋକଙ୍କୁ କଲ କରିବେ |
