ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ସ୍ଥିତ ସରକାରୀ ସ୍ୱୟଂ ଶାସିତ ମହାବିଦ୍ୟାଳୟର ସ୍ୱୟଂଶାସିତ ମାନ୍ୟତା ବୃଦ୍ଧି ହୋଇଛି l ୟୁଜିସି ପତ୍ର ସଂଖ୍ୟା F2-10/2023 ତା 20.02.2024 ଏବଂ ବ୍ରହ୍ମପୁର ବିଶ୍ଵାବିଦ୍ୟାଳୟ ପତ୍ର ସଂଖ୍ୟା 1830/CDC/BU/24 ତା 18.03.2024 ମାଧ୍ୟମରେ ମହାବିଦ୍ୟାଳୟ ର ସ୍ୱୟଂଶାସିତ ମାନ୍ୟତା ଶିକ୍ଷାବର୍ଷ 2023-24 ଠାରୁ 2027-28 ପର୍ଯ୍ୟନ୍ତ ବୃଦ୍ଧି କରାଯାଇଛି l ପ୍ରକାଶ ଥାଉ କି ଯେ କିଛି ମାସ ପୂର୍ବରୁ ନାକ ଟିମ ଦ୍ୱାରା ମହାବିଦ୍ୟାଳୟକୁ ବି ଗ୍ରେଡ ମାନ୍ୟତା ମିଳିଥିଲା l ନାକ ଓ ୟୁଜିସି ଦ୍ୱାରା ଉଭୟ ମାନ୍ୟତା ପାଇବା ପରେ କନ୍ଧମାଳ ଜ଼ିଲ୍ଲାର ସର୍ବ ପୁରାତନ ମହାବିଦ୍ୟାଳୟ ପ୍ରତି ଲୋକ ମାନଙ୍କ ଦୃଷ୍ଟିଭଙ୍ଗୀରେ ପରିବର୍ତନ ସହିତ ଖୁସିର ଲହରୀ ଖେଳିଯାଇଛି l ଅନ୍ୟ ଏକ ଘଟଣା କ୍ରମେ ବହୁ ପୂର୍ବରୁ ୟୁଜିସି ଠାରେ ପଡି ରହିଥିବା ସମସ୍ତ ସମସ୍ୟାର ମଧ୍ୟ ସମାଧାନ ହୋଇଛି l ମହାବିଦ୍ୟାଳୟର ସମସ୍ତ କର୍ମଚାରୀ ମାନଙ୍କ ଅକ୍ଲାନ୍ତ ପରିଶ୍ରମ ଯୋଗୁଁ ଆଜି ଏ ସଫଳତା ମିଳିପାରିଛି l ଏଥିରେ ମହାବିଦ୍ୟାଳୟର ଅଧ୍ୟକ୍ଷ ଡ. ସୁବାସ ଚନ୍ଦ୍ର ପ୍ରଧାନ ସମସ୍ତ କର୍ମଚାରୀ ତଥା ଜନସାଧାରଣଙ୍କୁ ସାଧୁବାଦ ଦେବା ସହିତ ଭବିଷ୍ୟତରେ ସମସ୍ତଙ୍କ ଠାରୁ ଏ ମହାବିଦ୍ୟାଳୟର ଉନ୍ନତି ପାଇଁ ସହଯୋଗ କାମନା କରିଛନ୍ତି l