ରାଜନଗର : କେନ୍ଦ୍ରାପଡ଼ା ଜିଲ୍ଲା ରାଜନଗର ଅଞ୍ଚଳର ନଦୀ କୂଳିଆ ଗ୍ରାମବାସୀମାନେ କୁମ୍ଭୀର ଆତଙ୍କ ପାଇଁ ଭୟଭିତରେ ଚଳପ୍ରଚଳ କରି ଦିନ କାଟୁଥିବା ଵେଳେ ନଦୀରେ ଅତଡାଖସୀ ଗ୍ରାମ ଲୀନ ହେବାକୁ ଵସିଲାଣି। ହେଲେ ତଟଵନ୍ଧ ବିଭାଗର ଦୃଷ୍ଟି ପଡୁନଥିବା ତାହା ସାଧାରଣରେ ଆଲୋଚ୍ୟ ବିଷୟ ପାଲଟିଛି।ସୂଚନା ମୁତାବକ କେନ୍ଦ୍ରାପଡ଼ା ଜିଲ୍ଲା ରାଜନଗର ବ୍ଳକ ଘଡିଆମାଳ ପଞ୍ଚାୟତ ଜୁଣଗଡି ଗାଁର ବ୍ରାହ୍ମଣୀ ନଦୀ ପାର୍ଶ୍ଵରେ ଥିବା ସୁରକ୍ଷା ବନ୍ଧ ଏବେ ବିପଦପୂର୍ଣ୍ଣ ଅବସ୍ଥାରେ ରହିଛି। କିଛି ଦିନ ହେବ ଏହି ବନ୍ଧର ରକ୍ଷଣାବେକ୍ଷଣ ଅଭାବରୁ ନଦୀ ଅତଡ଼ା ଖାଉଛି। ଜୁଣଗଡି ଗାଁର ଲୋକମାନେ ଭୟଭୀତ ହୋଇ ପଡିଛନ୍ତି। ପିଲା ଠୁ ମହିଳା ଓ ପୁରୁଷମାନେ ସମସ୍ତେ ଆସି ମନ ଦୁଃଖରେ ଅତଡା ଖାଉଥିବା ନଦୀକୁ ଅନାଉ ଥିବା ଦେଖିବାକୁ ମିଳିଛି।
ନଦୀ ପାର୍ଶ୍ଵରେ ଥିବା ସୁରକ୍ଷା ବନ୍ଧ ପଥର ପେକିଂ ନହେବା କାରଣରୁ ନଦୀର ଢେଉ ମାଡରେ ବାରମ୍ବାର ଅତଡା ଖସୁଚି ବୋଲି ଗ୍ରାମବାସୀ କହିଛନ୍ତି। ଜୁଣଗଡି ଗାଁର ଗୋଟିଏ ପାର୍ଶ୍ୱରେ ବ୍ରାହ୍ମଣୀ ନଦୀ ରହିଥିବା ବେଳେ ଅନ୍ୟ ପାର୍ଶ୍ଵରେ ପାଟଶାଳା ନଦୀ ରହିଛି। ବିଶେଷକରି ସରକାର ଏହୀ ବ୍ରାହ୍ମଣୀ ନଦୀର ସୁରକ୍ଷା ବନ୍ଧକୁ ଯଥାଶୀଘ୍ର ପଥର ପ୍ୟାକିଙ୍ଗ କରାନଗଲେ ଏହି ଜୁଣଗଡି ଗାଁର ନାଁ ଟି ସାତଭାୟା ଭଳି ନଦୀ ଗର୍ଭରେ ଲୀନ ହୋଇଯାଇପାରେ ବୋଲି ବୁଦ୍ଧିଜୀବୀମାନେ ମତପ୍ରକାଶ କରିଛନ୍ତି।