ଫୁଲବାଣୀ: କନ୍ଧମାଳ ଜିଲ୍ଲା ସଦରମହକୁମା ଫୁଲବାଣୀ ତହସିଲ ସମେତ ଏହାର ପାରିପାଶ୍ୱର୍ରେ ଥିବା ଖଜୁରିପଡା ଏବଂ ଫିରିଙ୍ଗିଆ ତହସିଲ ଅଂଚଳରେ ଜମି ମାଫିଆ ମାନଙ୍କର ପ୍ରଦୁର୍ଭାବ ବଢିବାରେ ଲାଗିଛି । ଏହାର ପରିଣାମ ସ୍ୱରୁପ ବେସରକାରୀ ଭାବରେ ଜମିର ମୁଲ୍ୟ ଆକାସ ଛୁଆଁ ହେବା ସହିତ ନିରିହ ସରଳ ଲୋକମାନେ ଏମାନଙ୍କ ପ୍ରାଦୁର୍ଭାବରେ ହନ୍ତସନ୍ତ ହେଲେଣି । ଫୁଲବାଣୀ ଲେଙ୍ଗେର ସାହି ଅନ୍ତର୍ଗତ ମୁଣ୍ଡିଆ ସାହିରେ ଏହିଭଳି ଘଟଣା ଘଟିଛି । ସେଠାରେ ଥିବା ପ୍ଳଟ ନମ୍ବର ୯୦ ପ୍ରାୟ ୩ ଏକର ଯାଗା ଯାହାକି ସରକାରଙ୍କ ପକ୍ଷରୁ ଅବରପ୍ରାପ୍ତ ଜବାନ ମାନଙ୍କ ପାଇଁ ସଂରକ୍ଷିତ କରାଯାଇଛି,ସେହି ଯାଗାକୁ ତେରାଗୁଡା ଅଂଚଳର ଜଣେ ଜମି ମାଫିଆ ଜୋର ଜବରଦସ୍ତ କରି ସେହି ଯାଗାରେ ସିମେଣ୍ଟ ଖୁଣ୍ଟ ପୋତି ଅକ୍ତିଆର କରିବା ସହିତ ସେହି ଯାଗାକୁ ପ୍ଳଟ୍ କରି ଚଢା ଦରରେ ବିକ୍ରି କରିଛନ୍ତି । ବର୍ତମାନ ସେହି ଯାଗାରେ ଅନ୍ୟ ଜଣେ ବ୍ୟକ୍ତି ଘର ତିଆରି କରିବା ଆରମ୍ଭ କରିଛନ୍ତି । ସେହି ବ୍ୟକ୍ତି ଜଣକ ସେ ଯାଗାରେ ଥିବା ନଳ କୁଅର ସୋକପିଟକୁ ଜେସିବି ଲଗାଇ ଭାଙ୍ଗି ଦେଇଛନ୍ତି । ସେହି ନଳକୁଅରୁ ସାହି ବାସିନ୍ଦା ପ୍ରତିଦିନ ପାଣି ଅଅଣୁଥିବା ବେଳେ ସେଠାରେ ଥିବା ସରକାରୀ ନଳକୁଅ ର ସୋକ ପିଟ୍ ଭାଙ୍ଗି ଯିବାରୁ ଲୋକଙ୍କ ପାଇଁ ବ୍ୟବହାର କରିବା ଅସୁବିଧା ହେଉଛି ।
ଏହି ବାବଦରେ ସେହି ଅଂଚଳର ଲୋକେ ଫୁଲବାଣୀ ତହସିଲଦାରଙ୍କୁ ଏକ ଅଭିଯୋଗ ଦେଇଥିଲେ ଯେ ତେରାଗୁଡା ଅଂଚଳର ମଧୁସୁଦନ ଦିଗାଲ ଏହି ଯାଗାକୁ ବିକ୍ରି କରିଛନ୍ତି । ଏଥି ପୁର୍ବରୁ ସେହି ଯାଗା କାଲି ଥିବା ସ୍ଥଳେ ସାହି ବାସିନ୍ଦା ମାନେ ସେମାନ୮୍କର ବିଭିନ୍ନ ପୂଜାପାର୍ବଣ ଏବଂ ଯାନୀଯାତ୍ରା ଆଦି ମଧ୍ୟ ପାଳନ କରୁଥିଲେ । ହେଲେ ଗତ ୧୪/୫/୨୦୨୪ ତାରିଖରେ ସେଠାରେ ଘର କରିବାକୁ ସଫା କରିବା ଆଳରେ ବ୍ୟକ୍ତି ଜଣକ ସେମାନଙ୍କର ନଳକୁଅକୁ ଭାଙ୍ଗି ଦେଇଛନ୍ତି । ସାହି ବାସିନ୍ଦା ସେହି ବ୍ୟକ୍ତି କୁ ଭାଙ୍ଗିବାକୁ ବାରଣ କରିବାରୁ ସେ ମଧୁସୁଧନ ଦିଗାଲଙ୍କ ଠାରୁ ପ୍ରଚୁର ଟଙ୍କା ଦେଇ କିଣିଛନ୍ତି ତେଣୁ ସେହି ଯାଗାରେ ସେ ଘର ତିଆରି କରିବେ ବୋଲି ସାହି ବାସିନ୍ଦାଙ୍କୁ କହିଛନ୍ତି । ଅନ୍ୟ ପକ୍ଷରେ ଫୁଲବାଣୀ ତହସିଲଦାର ସଚିଦାନନ୍ଦ ନାୟକଙ୍କୁ ଏହି ବିଷୟରେ ଅବଗତ କରାଇବା ପରେ ସେ ତୁଡିପାଜୁ ରାଜସ୍ୱ ନିରୀକ୍ଷକ ସାନ୍ତନୁ କୁମାର ମହାକୁଡ ଏବଂ ସୁପରଭାଇଜରଙ୍କୁ ସେଠାରେ ଚାଲିଥିବା କାର୍ଯ୍ୟକୁ ବନ୍ଦ କରିବାକୁ ନିର୍ଦ୍ଧେଶ ଦେଇଥିଲେ । ହେଲେ ଜବରଦଖଲକାରୀ ଜଣକ ନିରନ୍ତର ଭାବରେ ସେଠାରେ ଘର ନିର୍ମଣ କରି ଚାଲିଛନ୍ତି । ଦେଶକୁ ସୁରକ୍ଷା ଦେବାରେ ନିଜ ଜୀବନକୁ ବାଜି ଲଗାଇ ଆବଶ୍ୟକ ସ୍ଥଳେ ଜୀବନର ବଳିଦାନ ଦେଇ ସେବା ଯୋଗାଇ ଆସିଥିବା ଅବସରପ୍ରାପ୍ତ ସେନା କର୍ମଚାରୀ ମାନଙ୍କ ପାଇଁ ଉଦିଷ୍ଟ ଜମିକୁ ପ୍ରଶାସନ ସୁରକ୍ଷିତ ରଖିବା ଉଚିତ୍ ସେହି ଯାଗାରେ ଜମି ମାଫିଆଙ୍କ ଦଖଲକୁ ସେନା କର୍ମଚାରୀ ସଂଘ ବରଦାସ୍ତ କରିବନାହିଁ ବୋଲି ଫୁଲବାଣୀ ଅବସରପ୍ରାପ୍ତ ସେନା କର୍ମଚାରୀ ସଂଘର ସମ୍ପାଦକ ସୁବେଦାର ହଳପାଣି ସେଠୀ କହିଛନ୍ତି ।