ଅସାଧୁ ସାର ବ୍ୟବସାୟୀଙ୍କ ଅମରାବତୀ ନବରଙ୍ଗପୁର ଜିଲ୍ଲାର ସୀମାନ୍ତବର୍ତ୍ତୀ ଅଞ୍ଚଳ…

ଉମରକୋଟ : ନବରଙ୍ଗପୁର ଜ଼ିଲ୍ଲା ରାଇଘର ବ୍ଲକର ସୀମାନ୍ତବର୍ତ୍ତୀ ଗ୍ରାମ ଗୁଡିକରେ ଖୁଲାମ ଖୁଲା ଚାଲିଛି ଅସାଧୁ ସାର ବ୍ୟବସାୟୀଙ୍କ ଶୋଷଣ ଓ ଦମନ ଲୀଳା। ସୂଚନା ଥାଉକି ନବରଙ୍ଗପୁର ଜିଲ୍ଲାର ମୁଖ୍ୟତଃ ଉମରକୋଟ, ରାଇଘର, ଝରୀଗାଁ, ଚନ୍ଦାହାଣ୍ଡି, ଅଞ୍ଚଳ ମୁଖ୍ୟତଃ ଚାଷ ପାଇଁ ପ୍ରସିଦ୍ଧ ଖାସ କରି ମକା ଚାଷ ବହୁଳ ପରିମାଣରେ ଚାଷ କରାଯାଏ l ଚାଷୀ ସାର ଟିକିଏ ପାଇଁ ଋଣ ବାଡ଼ି କରି ଚାଷ କରନ୍ତି l କିନ୍ତୁ ଏହାର ଫାଇଦା ଉଠାନ୍ତି ସାର ମାଫିଆ ଚଢ଼ା ଦରରେ ସାର ବିକ୍ରି ସହିତ ଠିକ ସମୟ ସୁଯୋଗ ଦେଖି ବ୍ଲାକ ବି କରିବା ଅଭିଯୋଗ ହୁଏ କିନ୍ତୁ ପ୍ରଶାସନ ପି ସି ଖାଇ ଚୁପ l ସୂଚନା ଥାଉକି ପୋଲିସ ଓ ପ୍ରଶାସନକୁ ହାତ ବାରିସୀ କରି ରାତି ଅଧରେ ଗଳା ବାଟ ଦେଇ ମୂଲ୍ୟବାନ ସାର ସବୁ ପଡୋଶୀ ରାଜ୍ୟ ଛତିଶଗଡ କୁ ରପ୍ତାନି ହୁଏ ବ୍ୟବସାୟୀ ମାନେ ଶହ ଶହ କୁଇଣ୍ଟାଲ ସାର ଛତିଶଗଡ ରାଜ୍ୟ ସୀମାନ୍ତବର୍ତ୍ତୀ ଗ୍ରାମ ଦେଇ ଚାଲାଣ କରାଯାଉଛି ଏବଂ ସେଠାରୁ ନିମ୍ନ ମାନର ସାର ଆଣି ଅତି ଚଢ଼ା ଦରରେ ଚାଷୀ ମାନଙ୍କୁ ବିକ୍ରି କରନ୍ତି l ସାର ର ଉଚିତ ମୂଲ୍ୟ ଠାରୁ ଦ୍ବିଗୁଣ ଟଙ୍କା ଦେଇ ଏହି କଳା ବଜାରୀ ସାର ବ୍ୟବସାୟୀ ମାନଙ୍କ ଠାରୁ ଉପାୟ ନଥାଇ ନିଜ ଚାଷ ପାଇଁ ଚାଷୀ କିଣିବାକୁ ବାଧ୍ୟ ହୁଅନ୍ତି l ମୁଖ୍ୟତଃ ୟୁରିଆ ଓ ଡିଏପି ଭଳି ମୂଲ୍ୟବାନ ସାର ସୁଲଭ ମୂଲ୍ୟରେ ଚାଷୀ ପାଉ ନ ଥିବାବେଳେ ଓଡ଼ିଶାର ସୀମାନ୍ତବର୍ତ୍ତୀ ଗ୍ରାମ ଗୁଡିକରେ ସମସ୍ତେ କି ପରି ୟୁରିଆ ଓ ଡିଏପି ସାର ବିପୁଳ ପରିମାନରେ ଏବେ ଠୁ ପାଇଁ ସାରିଲେଣି ତାହାକୁ ନେଇ ଚାଷୀ ମୁଣ୍ଡରେ ହାତ ଦେଲେଣି ଓଡିଶା ସରକାର ଚାଷୀ ମାନଙ୍କୁ ନେଇ କୁମ୍ଭୀର କାନ୍ଦଣା କରୁଥିବା ବେଳେ ଚାଷୀ ମାନଙ୍କ ପାଇଁ ଯୋଜନା ପରେ ଯୋଜନା ର ବାହୁସ୍ପଟ ମାରୁଥିବା ବେଳେ ଏହି ମାଫିଆ ମାନଙ୍କ ପାଇଁ କୌଣସି ଲଗାମ ନାହିଁ l ଓଡିଶା ଚାଷୀ ମୁଣ୍ଡରେ ଚଡକ ପଡିବା ବେଳେ ଓଡିଶା ସୀମାନ୍ତବର୍ତ୍ତୀ ଗ୍ରାମ ଗୁଡିକର ପ୍ରତି ଘରେ ଏତେ ପରିମାନର ସାର ରହିଛି ଯାହାକି କଳା ବଜାର ପାଇଁ ମାଫିଆ ମାନେ ମାହୋଜତ କରି ରଖି ଥିବା ଅଭିଯୋଗ ଆସିଲାଣି କିନ୍ତୁ ପ୍ରଶାସନ ସେହି ସାର କୋଆଡୁ ଆସିଲା ସୀମାନ୍ତବର୍ତ୍ତୀ ଅଞ୍ଚଳ ରେ ତାହାର ହିସାବ ମଧ୍ୟ କୃଷି ବିଭାଗ ପାଖରେ ନାହିଁ। ସୂଚନା ଥାଉକି କୃଷି ବିଭାଗ ଅଧିକାରୀ ମାନେ ଯଦି ରାଇଘର ବ୍ଲକର ସୀମାନ୍ତବର୍ତ୍ତୀ ପରଛିପାରା, କୁନ୍ଦେଇ, ଖୁଡୁକ, ନାକଟିସିମଡା, ଟିମନପୁର, ଭାରସଣ୍ଡି, ହଳଦୀ, ମୁଣ୍ଡିବେଡା, ଗୁରୁସିଂହା,ମହଣ୍ଡ, ଡୁମରିମୁଣ୍ଡା, କାଚନାପାରା ଏହି ଭଳି ଗ୍ରାମ ଗୁଡିକରେ ଯୋଉଁ ଅସାଧୁ ସାର ବ୍ୟବସାୟୀ ମାନଙ୍କ ଉପରେ ଚଢ଼ାଉ କରନ୍ତେ ତେବେ କଳା ବଜାରୀ ମାନଙ୍କ ଅସଲ ମୁଖା ଖୋଲି ଯାଇଥାନ୍ତା ବୋଲି ସାଧାରଣ ରେ ଚର୍ଚ୍ଚା ହେଉଛି l କୃଷି ବିଭାଗର ଅସାଧୁ କର୍ମଚାରୀ ଓ ସାର ବ୍ୟବସାୟୀ ମାନଙ୍କ ମଧୁଚନ୍ଦ୍ରିକା ଯୋଗୁ ସାର ମାଫିଆ ମାନେ ନିଜ ସାମ୍ରାଜ୍ୟ ବିସ୍ତାର କରିବାରେ ଲାଗିଛନ୍ତି । ବିଚାରା ଗରିବ ଚାଷୀ ସରକାରୀ ଅନୁଦାନ କିମ୍ବା ସବସିଡି ପାଇବା ରେ ବଞ୍ଚିତ ହୁଅନ୍ତି ଏବଂ ନିଜ ପରିବାର ପୋଷଣ ପାଇଁ ଧାର କରଜ କରି ନିଜ ଚାଷ ଜମି ପାଇଁ ସାର ନପାଇ ଶେଷରେ ଆତ୍ମହତ୍ୟା କରିବାକୁ ବାଧ୍ୟ ହୁଅନ୍ତି l ମୁଖ୍ୟତଃ ଜିଲ୍ଲା ପ୍ରଶାସନ ତରଫରୁ ଉମରକୋଟ, ଝରୀଗାଁ ର ଅନେକ ପଂଚାୟତ ଏବଂ ରାଇଘର ବ୍ଲକର ୨୬ ଟି ପଞ୍ଚାୟତର ପ୍ରତି ଗ୍ରାମରେ ଜଣେ ଦୁଇଜଣ ଅସାଧୁ କଳା ବଜାରୀ ସାର ବ୍ୟାପାରୀଙ୍କ ବିରୁଦ୍ଧରେ ଯଦି ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରା ଯାଏ ତେବେ ଚାଷୀ କୂଳ ମୁହଁରେ ହସ ଟିକିଏ ଦେଖି ହୁଅନ୍ତା ବୋଲି ଅଞ୍ଚଳ ର ବୁଦ୍ଧିଜୀବୀ ଓ ସାଧାରଣ ରେ ଅଭିଯୋଗ ହେଉଛି l ଜିଲ୍ଲା ପ୍ରଶାସନ ଏହାକୁ ଗଭୀରତା ସହିତ ନେଇ ଯଦି ଚଢାଉ କରନ୍ତି ତେବେ ଚୋରା ସାର ଚାଲାଣ କୁ ରୋକାଯିବ ସହିତ କିଛି ଅସାଧୁ ଅଫିସର ଙ୍କ ଅସଲ ମୁଖା ଲୋକ ଲୋଚନକୁ ଆସିବା ସହିତ ଚାଷୀ କୂଳ ଉପକୃତ ହୋଇପାରନ୍ତେ ବୋଲି ସାଧାରଣ ରେ ଦାବୀ ହେଉଛି… I