ଭୁବନେଶ୍ୱର: ଭାରତ ଏବଂ ପାକିସ୍ତାନ ମଧ୍ୟରେ ଉତ୍ତେଜନା ବୃଦ୍ଧି ପାଇବାରେ ଲାଗିଛି। ଏହା ମଧ୍ୟରେ ଓଡ଼ିଶା ସରକାର ସମସ୍ତ ଜିଲ୍ଲାପାଳ ଏବଂ ରାଜସ୍ୱ ବିଭାଗୀୟ କମିଶନର (ଆରଡିସି)ଙ୍କ ଛୁଟି ବାତିଲ କରିଛନ୍ତି।
ପଶ୍ଚିମ ଭାରତରେ ଯୁଦ୍ଧ ପରି ପରିସ୍ଥିତିକୁ ନଜରରେ ରଖି ଶୁକ୍ରବାର ଦିନ ସାଧାରଣ ପ୍ରଶାସନ ଏବଂ ପି.ଜି. ବିଭାଗ ପକ୍ଷରୁ ଜାରି ଏକ ବିଜ୍ଞପ୍ତିରେ ଆରଡିସି, କଲେକ୍ଟର ଏବଂ ଡିଏମ ମାନଙ୍କ ପୂର୍ବରୁ ଅନୁମୋଦିତ ସମସ୍ତ ଛୁଟି ବାତିଲ କରାଯାଇଛି। ବର୍ତ୍ତମାନ ଛୁଟିରେ ଥିବା ଅଧିକାରୀଙ୍କୁ ସେମାନଙ୍କ ମୁଖ୍ୟାଳୟକୁ ଫେରି ତୁରନ୍ତ କାର୍ଯ୍ୟରେ ଯୋଗ ଦେବାକୁ କୁହାଯାଇଛି।
ଆହୁରି ମଧ୍ୟ ବିଜ୍ଞପ୍ତିରେ କୁହାଯାଇଛି ଯେ ଏହି ସମୟ ମଧ୍ୟରେ ନୂତନ ଭାବେ କୌଣସି ଛୁଟି ପ୍ରଦାନ କରାଯିବ ନାହିଁ।
ସେହିପରି ଓଡ଼ିଶାର ସମସ୍ତ ଆଇପିଏସ ଅଫିସର୍ଙ୍କ ଛୁଟି ବାତିଲ କରିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର। ଗୃହ ବିଭାଗ ପକ୍ଷରୁ ଏହି ନିର୍ଦ୍ଦେଶାନାମା ଜାରି କରାଯାଇଛି। ଏପରିକି ମୁଖ୍ୟାଳୟ ନଛାଡ଼ିବାକୁ ମଧ୍ୟ କୁହାଯାଇଛି।
ଭାରତ-ପାକ୍ ଉତ୍ତେଜନା ମଧ୍ୟରେ ଗତ ଶୁକ୍ରବାର ଉତ୍ତର ଭାରତର ବାରମୁଲ୍ଲାରୁ ଦକ୍ଷିଣରେ ଭୁଜ ପର୍ଯ୍ୟନ୍ତ ଆଇବି ଏବଂ LOC ଉଭୟ ସହିତ ୨୬ଟି ସ୍ଥାନରେ ପାକିସ୍ତାନୀ ଡ୍ରୋନ ଦେଖାଯାଇଥିଲା। ଏଥିରେ ସନ୍ଦିଗ୍ଧ ସଶସ୍ତ୍ର ଡ୍ରୋନ ଅନ୍ତର୍ଭୁକ୍ତ। ଯାହା ନାଗରିକ ଏବଂ ସାମରିକ ଲକ୍ଷ୍ୟସ୍ଥଳ ପାଇଁ ସମ୍ଭାବ୍ୟ ବିପଦ ସୃଷ୍ଟି କରୁଛି।