ବଲାଙ୍ଗୀର: କଥାରେ ଅଛି ନାଲି ପାଣି ନିଶା, ଅସମ୍ଭବକୁ ବି ସମ୍ଭବ କରି ଦେଖାଇବ । ଯାହାର ଏକ ଜ୍ବଳନ୍ତ ଉଦାହରଣ ଦେଖିବାକୁ ମିଳିଛି ବଲାଙ୍ଗୀର ଜିଲ୍ଲାରେ । ଏହାରେ ଜଣେ ମଦ୍ୟପ ବ୍ୟକ୍ତି ଏକ ଜିଅନ୍ତା ନାଗ ସାପକୁ ଚୋବାଇ ଚୋବାଇ ଖାଇଛନ୍ତି, ଆଉ ନିଶା ଛାଡିଲା ପରେ ବାବୁ ସିଧା ହସ୍ପିଟାଲରେ ।
ବଲାଙ୍ଗୀର ଜିଲ୍ଲାର ତେନ୍ତୁଳିଖୁଣ୍ଟି ଗାଁରୁ ଏବେ କିଛି ଏପରି ଅଜବ ଏବଂ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି । ଏଠାରେ ଜଣେ ବ୍ୟକ୍ତି ନିଶାସକ୍ତ ଅବସ୍ଥାରେ ଏକ ଜୀବନ୍ତ ନାଗ ସାପକୁ ଖାଇଦେଇଛନ୍ତି । ମିଳିଥିବା ସୂଚନା ଅନୁଯାୟୀ, ଯୁବକ ଜଣକ ମଦ୍ୟପ ଅବସ୍ଥାରେ ନାଗ ସାପକୁ ତାଙ୍କ ମୁହଁରେ ରଖି ଚୋବାଇ ଖାଇବା ଆରମ୍ଭ କରିଥିଲେ । ଏମିତିକି ପୂରା ସାପଟିକୁ ସେ କାମୁଡି ଖଣ୍ଡ ଖଣ୍ଡ କରିଦେଇଛନ୍ତି । ତା ମଧ୍ୟର କିଛି ଖଣ୍ଡ ଚୋବାଇ ଖାଇ ବି ଦେଇଛନ୍ତି । ସମ୍ପୂର୍ଣ୍ଣ ନିଶାଗ୍ରସ୍ତ ଥିବା ସମୟରେ ଭଳି କାଣ୍ଡ ଭିଆଇ ଥିବା ବେଳେ ତାଙ୍କ ପରିବାର ସଦସ୍ୟମାନେ ତାଙ୍କୁ ଦେଖିବା ବେଳେ ତାଙ୍କ ଅବସ୍ଥା ଅତ୍ୟନ୍ତ ଗମ୍ଭୀର ଥିଲା । ତାଙ୍କୁ ତୁରନ୍ତ ଭୀମଭୋଇ ମେଡିକାଲ କଲେଜକୁ ଚିକିତ୍ସା ପାଇଁ ନିଆଯାଇଥିଲା, ଯେଉଁଠାରେ ଡାକ୍ତରଙ୍କ ଏକ ଦଳ ତାଙ୍କର ଚିକିତ୍ସା କରୁଛନ୍ତି । ବର୍ତ୍ତମାନ ତାଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ରହିଛି ଏବଂ ତାଙ୍କୁ ସ୍ୱତନ୍ତ୍ର ପର୍ଯ୍ୟବେକ୍ଷଣରେ ରଖାଯାଇଛି। ଜୀବନ୍ତ ସାପ ଗିଳିବା ଦ୍ୱାରା ଶରୀରରେ ବିଷ ବ୍ୟାପିବାର ସମ୍ଭାବନା ରହିଛି, ଯାହା ପରିସ୍ଥିତିକୁ ଆହୁରି ଗମ୍ଭୀର କରିପାରେ।
ଭୀମଭୋଇ ହସ୍ପିଟାଲର ଡାକ୍ତର କହିଛନ୍ତି, ମୁଁ ଜାଣିବାକୁ ପାଇଲି ଯେ ଜଣେ ବ୍ୟକ୍ତି ସାପକୁ ଖଣ୍ଡ ଖଣ୍ଡ କରି ଗିଳି ଦେଇଛନ୍ତି। ଏହି ଦୃଶ୍ୟ ବହୁତ ଭୟଙ୍କର ଦେଖାଯାଉଛି। ସାଧାରଣ ଲୋକ ଭାବନ୍ତି ଯେ ଯଦି ଜଣେ ବ୍ୟକ୍ତି ସାପକୁ ଗିଳି ଦେଇଛି କିମ୍ବା ଖାଇ ଦେଇଛି, ତେବେ ସେହି ବ୍ୟକ୍ତି ବଞ୍ଚିବ ନାହିଁ କିନ୍ତୁ ବୈଜ୍ଞାନିକ ଭାବରେ ଏହା ସତ୍ୟ ନୁହେଁ। ୧୦୦ ଟି ସାପ ମଧ୍ୟରୁ କେବଳ ୧୦ ଟି ସାପ ବିଷାକ୍ତ ଯାହା ପ୍ରତି ପୂର୍ଣ୍ଣିମା କିମ୍ବା ପ୍ରତି ୧୪ ଦିନରେ ବାହାରକୁ ଆସନ୍ତି । ଗାତରୁ ବାହାରିବା ପରେ ଯେତେବେଳେ ଏପରି ସାପ ପ୍ରଥମ ଥର କାମୁଡ଼ିଥାଏ, ସେତେବେଳେ ଏହା ବିପଦପୂର୍ଣ୍ଣ । ଯଦି ଏପରି ସାପ କାହାକୁ କାମୁଡ଼ିଥାଏ, ତେବେ ବିଷର ପରିମାଣ ଅଧିକ ଥାଏ ।
ଏଥିସହିତ ଡାକ୍ତର ଏହା ବି କହିଛନ୍ତି ଯେ, ଏହା ସତ୍ୟ ଯେତେବେଳେ ସାପର ବିଷ ରକ୍ତରେ ମିଶିଯାଏ, ସେତେବେଳେ ଏହା ଅଧିକ କ୍ଷତିକାରକ ହୋଇଥାଏ, କିନ୍ତୁ ଯଦି କେହି ସାପକୁ ଖାଇଥାଏ, ତେବେ ସାପର ବିଷାକ୍ତ ଜୀବାଣୁ, ଯାହା ପେଟରେ ପ୍ରବେଶ କରେ, ଆମ ପେଟ ଭିତରେ ଥିବା ଗ୍ୟାଷ୍ଟ୍ରିକ୍ ଏସିଡ୍ ଦ୍ୱାରା ନଷ୍ଟ ହୋଇଯାଏ ଏବଂ ସାଧାରଣତଃ ସେମାନଙ୍କୁ ନିଷ୍କ୍ରିୟ କରିଦିଏ । ଯାହା ଆମେ ପୂର୍ବରୁ ଶୁଣିଛେ ଯେ ଚୀନ୍ ଏବଂ ଅନ୍ୟାନ୍ୟ ଦେଶରେ ଲୋକମାନେ ସାପକୁ ଖାଆନ୍ତି । ଅନେକ ଦେଶରେ ସାପ ତରକାରୀ ଏବଂ ଆଚାର ମଧ୍ୟ ତିଆରି କରାଯାଏ । ଯଦି ସାପ ଖାଉଥିବା ବ୍ୟକ୍ତିଙ୍କ ପାଟି ଭିତରେ କୌଣସି ଆଘାତ ନାହିଁ ତେବେ ତାହା ଖାଇବା ବିପଦଜନକ ନୁହେଁ। ଯଦି ଏହାକୁ ଖାଉଥିବା ବ୍ୟକ୍ତିଙ୍କ ପାଟି ଭିତରେ କୌଣସି ଆଘାତ ଥାଏ କିମ୍ବା ରକ୍ତସ୍ରାବ ହୁଏ, ତେବେ ସାପର ପ୍ରଭାବ କାମୁଡ଼ିବା ସମୟରେ ସମାନ ହୋଇଥାଏ । ବର୍ତ୍ତମାନ ବ୍ୟକ୍ତିଙ୍କ ପାଟି ଭିତରେ କୌଣସି ଆଘାତ ନାହିଁ କିମ୍ବା ପେଟରେ କୌଣସି ଘା’ ନାହିଁ, ବିଷର କୌଣସି ପ୍ରଭାବ ପଡ଼ିବ ନାହିଁ ବୋଲି ଡାକ୍ତର କହିଛନ୍ତି ।