ଭୁବନେଶ୍ୱର: ଭିଜିଲାନ୍ସ ଜାଲରେ ଆଉ ଜଣେ ସହକାରୀ ଇଞ୍ଜିନିୟର। କାଲି ଓଡ଼ିଶା ଭିଜିଲାନ୍ସ ଅଧିକାରୀ ଭୁବନେଶ୍ୱରର ଆର୍ ଆଣ୍ଡ ବି ଡିଭିଜନ-୩ର ସହକାରୀ ଇଞ୍ଜିନିୟର ରାଜା କିଶୋର ଜେନାଙ୍କ ଘର ରେଡ୍ କରିଥିଲେ। ଆଉ ମିଳିତ ମାଲିକାନା ସାମ୍ନାକୁ ଆସିବାରୁ ସେହି ବିଭାଗର ସହକାରୀ ଯନ୍ତ୍ରୀ ଅଶୋକଙ୍କ ଘରେ ପହଞ୍ଚିଥିଲା ଭିଜିଲାନ୍ସ ଟିମ୍।
ସୂଚନା ଅନୁଯାୟୀ, ମିଳିତ ଭାବରେ ଭୁବନେଶ୍ୱରର ଖଣ୍ଡଗିରି ଅଞ୍ଚଳର କସ୍ମୋପୋଲିସରେ ସେମାନଙ୍କ ସ୍ତ୍ରୀଙ୍କ ନାମରେ ଏକ ଫ୍ଲାଟ କିଣିଥିଲେ। ଯେହେତୁ ସେମାନଙ୍କର ଘନିଷ୍ଠ ଆର୍ଥିକ କାରବାର ଏବଂ ସମ୍ପତ୍ତିର ମିଳିତ ଅଧିଗ୍ରହଣ ହେଉଥିଲା। ସେଥିପାଇଁ ଅଶୋକ କୁମାର ପଣ୍ଡାଙ୍କ ଫ୍ଲାଟ ନମ୍ବର H-164, 16ତମ ମହଲା, ଟାୱାର-H, କସ୍ମୋପୋଲିସ, ଭୁବନେଶ୍ୱରରେ ଅବସ୍ଥିତ ଘରେ ଚଢ଼ାଉ କରାଯାଉଛି।
ମଙ୍ଗଳବାର ଦିନ ଯେତେବେଳେ ଭିଜିଲାନ୍ସ ଟିମ୍ ଅଶୋକଙ୍କ ଫ୍ଲାଟ ନମ୍ବର H-164, 16ତମ ମହଲା, ଟାୱାର-H, କସ୍ମୋପୋଲିସ, ଭୁବନେଶ୍ୱରରେ ପହଞ୍ଚିଥିଲେ ସେତେବେଳେ ଆପାର୍ଟମେଣ୍ଟଟି ବାହାରୁ ବନ୍ଦ ଥିଲା। ତାଙ୍କ ମୋବାଇଲ୍ ବନ୍ଦ ଥିବାରୁ ତାଙ୍କ ସହିତ ଯୋଗାଯୋଗ କରିବାର ପ୍ରୟାସ ମଧ୍ୟ ସଫଳ ହୋଇନଥିଲା। ଯାହା ଫଳରେ ଭିଜିଲାନ୍ସ ଘର ସିଲ୍ କରିବାକୁ ଉଦ୍ୟମ କରିବା ବେଳେ ସେ ଆସି ହାଜର ହୋଇଥିଲେ।
ପରେ ଭିଜିଲାନ୍ସ ଡରରେ ଏକ ବ୍ୟାଗ ବାହାରକୁ ଫିଙ୍ଗି ଦେଇଥିଲେ। ଯାହା ଭିଜିଲାନ୍ସର ଦୃଷ୍ଟିକୁ ଆସିଥିଲା ବେଳେ ବ୍ୟାଗରୁ ୧ ଲକ୍ଷ ଟଙ୍କା, ସୁନା, ୧୦ ଗ୍ରାମ ରୁପା ଅଳଙ୍କାର, ଅରିଜନାଲ ଡକ୍ୟୁମେଣ୍ଟ, ଆଇଫୋନ୍, ଗାଡ଼ି ଚାବି ମିଳିଛି।
