ଭୁବନେଶ୍ୱର ୨୯/୦୮: ଦେଶକୁ ଆଗକୁ ନେବାକୁ ହେଲେ ସବୁ ବର୍ଗର ଲୋକଙ୍କୁ ସାଥୀରେ ନେଇ ଚାଲିବା । କେଉଁ ଯୋଜନା କଲେ ଦଳିତ ଆଦିବାସୀ ଉପକୃତ ହେବେ ସେନେଇ ଚିନ୍ତା କରିବା ଜରୁରୀ । ଏପରି ହେଲେ ଦେଶ ଆଗକୁ ବଢ଼ିବ ବୋଲି କହିଛନ୍ତି ଲୋକସଭା ବାଚସ୍ପତି ଓମ୍ ବିର୍ଲା ।
ସେ ଆହୁରି କହିଛନ୍ତି ବେଳେ ବେଳେ ସଂସଦୀୟ କମିଟିର ରିପୋର୍ଟରେ ଦେଖିବାକୁ ମିଳୁଛି ଯେଉଁ ବିଷୟ ବସ୍ତୁ ପାଇଁ ବଜେଟ ଆବଣ୍ଟନ ହେଉଛି ତାହା କାର୍ଯ୍ୟକାରୀ ହେଉନି । ସେହି ଦିଗରେ ଅଧିକ ବିଚାର ବିମର୍ଷ କରିବାକୁ ପଡ଼ିବ । କେନ୍ଦ୍ର ସରକାର ଓ ରାଜ୍ୟ ସରକାରଙ୍କର ବିଭିନ୍ନ ଅନୁସୂଚିତ ଜାତି ଓ ଜନଜାତି ସମ୍ପର୍କରେ ଯେଉଁ କଲ୍ୟାଣ କାରୀ ଯୋଜନା ରହିଛି ତାହା ସମସ୍ତ ବିଧାୟକ ଓ ସାଂସଦ ଜାଣିବା ଦରକାର ।
ସେହି ଯୋଜନାରେ କେମିତି ଜନଜାତି ବର୍ଗ ଲାଭ ପାଇବେ ତାହା ଜାଣିବା ଦରକାର । ଯେଉଁ ରାଜ୍ୟ ଜନଜାତି ପାଇଁ ଭଲ କାମ କରିଛି ତାର ଯୋଜନା ଓ ନୂଆ ପଦକ୍ଷେପ କୁ ଅନ୍ୟ ରାଜ୍ୟ ଅନୁଶୀଳନ କରିବା ଦରକାର । ଲୋକତନ୍ତ୍ର ରେ ସଂସଦୀୟ କମିଟିର ବହୁତ ବଡ଼ ଭୂମିକା ରହିଛି । ଏହି ସମ୍ମିଳନୀରୁ କିଛି ନିଷ୍କର୍ଷ ବାହାରିବ ବୋଲି ଆଶା କରୁଛି ।