କଟକ ୨୮।୮: କଟକ ବାଲିକୁଦା ଛକ ନିକଟରେ ଜାତୀୟ ରାଜପଥରେ ଦୁର୍ଘଟଣା । ଦ୍ରୁତ ଗତିରେ ଯିବା ବେଳେ ଭାରସାମ୍ୟ ହରାଇ ଓଲଟିଲା ମାଲବାହୀ ଟ୍ରକ୍ । ଠିକ୍ ଗଣେଶ ମଣ୍ଡପ ସମ୍ମୁଖରେ ହିଁ ଓଲଟି ପଡ଼ିଛି ଟ୍ରକ୍ । ସୌଭାଗ୍ୟ ବଶତଃ ମଣ୍ଡପରେ ବସିଥିବା କ୍ଳବ୍ ସଦସ୍ୟ ଓ ସ୍ଥାନୀୟ ଲୋକେ ଅଳ୍ପକେ ମୃତ୍ୟୁ ମୁଖରୁ ବର୍ତ୍ତି ଯାଇଛନ୍ତି । ନିଶାସକ୍ତ ଅବସ୍ଥାରେ ଡ୍ରାଇଭର ଟ୍ରକ୍ ଚଳାଉଥିବା ବେଳେ ଘଟଣାସ୍ଥଳରୁ ଡ୍ରାଇଭର ଜଣଙ୍କ ଫେରାର ହୋଇଯାଇଥିବା ସୂଚନା ମିଳିଛି । ଅନ୍ୟପଟେ ଘଟଣାସ୍ଥଳରେ ସଦର ଥାନା ପୋଲିସ ପହଞ୍ଚି ଟ୍ରକ୍ ହଟାଇବା ଆରମ୍ଭ କରିଥିଲା ।