ଏହି ଦିବସ ହେଉଛି ବାବୁ ମାନଙ୍କ ପାଇଁ ଚିତ୍ତ ବିନୋଦନ ଦିବସ..!
ବ୍ରହ୍ମପୁର : ନୂତନ ସରକାର ଆସିବା ପରେ ଗଞ୍ଜାମ ଜିଲ୍ଲା କୁ ଉପେକ୍ଷା କରାଯାଉଥିବା ନେଇ ଚର୍ଚ୍ଚା ହେଉଛି।କିନ୍ତୁ ପ୍ରକୃତ ରେ ତାହା ନୁହଁ ଉପେକ୍ଷା ଏକ ରାଜନୀତିକ ଢାଲ l ପୂର୍ବ ସରକାର ଖସଡା ପ୍ରସ୍ତୁତ କରିବା ପରେ ଆସିକା ଓ ଛତ୍ର ପୁର କୁ ମୁନିସିପାଲିଟି ଘୋଷଣା କରିଥିଲେ। ଏବଂ ଏହି ସରକାର କିଛି ଅଞ୍ଚଳ କୁ ନୂତନ ଏନ ଏ ସି ଘୋଷଣା କରିଛନ୍ତି l ଗଞ୍ଜାମ ଜିଲ୍ଲାରେ ଆଜି ସ୍ୱାୟତ୍ତ ଶାସନ ଦିବସ ଜାକ ଜମକରେ ପାଳିତ ହେଉଛି।ଏହି ଦିବସ ପାଳନ ର ମୁଖ୍ୟ ଉଦେଶ୍ୟ ହେଲା ସରକାରୀ ଅର୍ଥ ହଡପ କରିବା, l ଲକ୍ଷ୍ୟ ଲକ୍ଷ୍ୟ ଟଙ୍କା ଖର୍ଚ୍ଚ ହୁଏ ଏହି ଦିବସରେ କୌଣସି ହିସାବ କିତାବ ନଥାଏ ବୋଲି ବୁଦ୍ଧି ଜୀବି ମହଲ ରେ ଚର୍ଚ୍ଚା ହେଉଛି l ସୂଚନା ଥାଉକି ଜିଲ୍ଲାର ଅଧିକାଂଶ ବିଜ୍ଞାପିତ ଅଞ୍ଚଳ ପରିଷଦ କେବଳ କାଗଜ କଲମରେ ସ୍ୱଚ୍ଛତା ଉପରେ ସୀମିତ ରହିଛି। ବର୍ଷାଦିନ ସରିବାକୁ ଥିବା ବେଳେ ଡ୍ରେନେଜ ବ୍ୟବସ୍ଥାର ଅବସ୍ଥା ନକହିଲେ ଭଲ। ଡ୍ରେନଜ ଗୁଡ଼ିକରେ ଥିବା ମାଟିକୁ ସଫା କରାଯାଇନ ଥିବା ଯୋଗୁଁ ବର୍ଷା ହେଲେ ସହର ଗୁଡିକର ଅବସ୍ଥା ବେହାଲ ହୋଇପଡୁଛି। ବର୍ଷା ପରେ ଦୀର୍ଘ ସମୟ ପର୍ଯ୍ୟନ୍ତ ରାସ୍ତା ଉପରେ ଡ୍ରେନ ଓ ବର୍ଷା ଜଳ ଜମି ରହିବା ଫଳରେ ମଶାବଂଶ ବୃଦ୍ଧି ହେଉଛି। ଅଧିକାଂଶ ସହର ରେ ସିସି କେମେରା ଅଚଳ ଅବସ୍ଥାରେ ପଡି ରହିଛି। ରାସ୍ତା ଘାଟ ଅବସ୍ଥା ନକହିଲେ ଭଲ ସହର ରେ ଟ୍ରାଫିକ ସମସ୍ୟା ସାଙ୍ଗକୁ ଜବର ଦଖଲକାରୀଙ୍କ ସଂଖ୍ୟା ଦିନକୁ ଦିନ ବଢ଼ିବାରେ ଲାଗିଛି। ରାସ୍ତା କଡ଼ ରେ ବଟି ଆଦାୟ କରି ପସରା ମେଲିବାକୁ ଅନୁମତି ବି ଦିଆଯିବା ଅଭିଯୋଗ ଆସୁଛି l କାଣୀ ବିରାଡ଼ି ର କୁଜି ଅସରପା ଉପରେ ଦାଉ ପରି ନ୍ୟାୟ l ଜାକଜମକ ରେ ସ୍ୱାୟତ୍ତ ଶାସନ ଦିବସ ପାଳିତ ହେଉଛି କିନ୍ତୁ ସହରାଞ୍ଚଳ ରେ ଆଜି ସୁଦ୍ଧା ସୁଧାର ଆସୁନାହିଁ। କେବଳ କାଗଜ କଲମ ରେ ସ୍ୱଚ୍ଛତା l ବନ୍ଧର ପୁନଃରୁଦ୍ଧାର ଓ ସୌନ୍ଦର୍ଯ୍ୟ କରଣ ନାରେ କୋଟି କୋଟି ଟଙ୍କା ଚଳୁ କରିଥିବା ବି ନଜିର ରହିଛି l ଯେଉଁଠି ହାତ ମାରିବ ସେହିଠି ପାଇବ ଦୁର୍ନୀତି ର ଗନ୍ଧ l ସୂଚନା ଆଇନ ରେ ତଥ୍ୟ ମାଗିଲେ ମିଳୁନି ତଥ୍ୟ l ଏବଂ ଯାହାବି ତଥ୍ୟ ମିଳୁଛି ତାହାବି ଅନ୍ଧ କୁ ଦର୍ପଣ ଦେଖାଇବା ନ୍ୟାୟ l ବିଜେଡି ଶାସନ ରେ ଥିବା ଦୁର୍ନୀତି କୁ ଲୋକଲୋଚନ ଆଣିବା ପରିବର୍ତ୍ତେ ବିଜେପି ସରକାର ଔଷଧ ବିକଳ ରେ ତାଟିଆ କାମୁଡି ବା ପରି ହାତରେ ହାତ ମିଳାଇ ଲୁଟିବାରେ ବ୍ୟସ୍ତ l ଗଞ୍ଜାମ ଜିଲ୍ଲାର ବ୍ରହ୍ମପୁର ମହାନଗର ନିଗମ କଥା ନକହିବା ଭଲ ଦୁର୍ନୀତି କଣ ଏଠାରୁ ସିକିବା କଥା ଏହାର ପଥ ଅନୁକରଣ କରି ଜିଲ୍ଲା ରେ ଥିବା ବିଜ୍ଞାପିତ ଅଞ୍ଚଳ ପରିଷଦ ଲୁଟିବା ସୂତ୍ର ଶିଖିଥାନ୍ତି ବୋଲି ଲୋକେ ଚର୍ଚ୍ଚା କରନ୍ତି l ବ୍ରହ୍ମପୁର ମହାନଗର ନିଗମ ଦୁର୍ନୀତି ର ଚରମ ସୀମାରେ କାରଣ ଗ୍ରାମ ପଂଚାୟତ ଠାରୁ ମଧ୍ୟ ଖରାପ ଏହାର ଚିତ୍ର ଯଦି ରାଜ୍ୟ ସରକାର ପ୍ରକୃତ ରେ ଦୁର୍ନୀତି ବିରୋଧ ରେ ସ୍ଲୋଗାନ ଦେଉଛି ପ୍ରଥମେ ବ୍ରହ୍ମପୁର ଏବଂ ଜିଲ୍ଲାରେ ଥିବା ଅନ୍ୟ ବିଜ୍ଞାପିତ ଅଞ୍ଚଳ କୁ ସ୍ୱତନ୍ତ୍ର ଅଡିଟ ଏବଂ ଭିଜିଲାନ୍ସ ତଦନ୍ତ ପରିସର ଭୁକ୍ତ କରନ୍ତି ତେବେ ଅନେକ ତଥ୍ୟ ପଦାକୁ ଆସିପାରନ୍ତା ବୋଲି ସାଧାରଣ ତଥା ବୁଦ୍ଧିଜୀବୀ ମହଲରେ ଦାବୀ ହେଉଛି l ଏବଂ କେତେଯେ ସରକାରୀ ବାବୁ ଜେଲ ଯିବାକୁ ବାଟ ପରିଷ୍କାର ହୋଇ ପାରନ୍ତା l ସ୍ୱାୟତ୍ତ ଶାସନ ଦିବସ କୁ ବାବୁ ମାନଙ୍କ ମୌଜମସ୍ତି ର ଦିବସ ରୂପେ ପାଳନ କଲେ ଭଲ ହୁଅନ୍ତା ବୋଲି ସାଧାରଣ ରେ ଆଲୋଚନା ହେଉଛି l