ବେଙ୍ଗାଲୁରୁ: ବେଙ୍ଗାଲୁରୁରୁ ବାରାଣସୀ ଯାଉଥିବା ଏୟାର ଇଣ୍ଡିଆ ଏକ୍ସପ୍ରେସ୍ ଫ୍ଲାଇଟ୍ IX 1086 ରେ ଜଣେ ଯାତ୍ରୀ କକପିଟ୍ ଭିତରକୁ ପ୍ରବେଶ କରିବାକୁ ଚେଷ୍ଟା କରିବା ନେଇ ସମସ୍ତ ଯାତ୍ରୀ ଏବଂ କ୍ରୁ ମେମ୍ବର ଭୟଭୀତ ହୋଇଯାଇଥିଲେ । ସବୁଠାରୁ ଆଶ୍ଚର୍ଯ୍ୟକର କଥା ହେଲା, ଯାତ୍ରୀ ଜଣକ ଠିକ୍ ପାସକୋଡ ମଧ୍ୟ ଦେଇଥିଲେ, ଯାହାଫଳରେ ପାଇଲଟଙ୍କ ପାଖକୁ ସହଜରେ ଯାଇହୋଇପାରିଥାନ୍ତା, କିନ୍ତୁ ହାଇଜ୍ୟାକ ଭୟରେ କକ୍ ପିଟ୍ ଦ୍ବାର ଖୋଲିନଥିଲେ ପାଇଲଟ ।
ଖବର ମୁତାବକ, ଯାତ୍ରୀଙ୍କ ନିଜ ୮ ଜଣ ସାଥି ସହିତ ବିମାନରେ ଯାତ୍ରା କରୁଥିଲେ । ଏୟାର ଇଣ୍ଡିଆ ଏକ୍ସପ୍ରେସ୍ ଫ୍ଲାଇଟ୍ IX 1086 ରେ ଶୌଚାଳୟ ଖୋଜିଖୋଜି ଯାତ୍ରୀ ଜଣକ ବିମାନର କକ୍ପିଟ ପାଖକୁ ଚାଲିଯାଇଥିଲେ । ଯାତ୍ରୀ କକପିଟ୍ ଦ୍ୱାର ଖୋଲିବାକୁ ଚେଷ୍ଟା କରିଥିଲେ । ସେ ସଠିକ୍ ପାସକୋଡ୍ ମଧ୍ୟ ମାରିଥିଲେ । କିନ୍ତୁ ପାଇଲଟ ଏହା ଜାଣିବା ପରେ ତୁରନ୍ତ କକପିଟକୁ ବନ୍ଦ କରିଦେଇଥିଲେ।
ଧରାପଡ଼ିବା ପରେ ଯାତ୍ରୀ ଜଣକ କହିଥିଲେ, “ମୁଁ ଶୌଚାଳୟ ଖୋଜୁଥିଲି ।” ତେବେ ତାଙ୍କ ସହିତ ଯାତ୍ରା କରୁଥିବା ସମସ୍ତ ନଅ ଜଣ ଯାତ୍ରୀଙ୍କୁ ତଦନ୍ତ CISF କୁ ହସ୍ତାନ୍ତର କରାଯାଇଥିଲା ।
ଏୟାର ଇଣ୍ଡିଆର ମୁଖପାତ୍ର କହିଛନ୍ତି, “ଆମେ ବାରଣାସୀ ଯାଉଥିବା ଏକ ବିମାନରେ ଘଟିଥିବା ଏକ ଘଟଣା ସମ୍ପର୍କରେ ଗଣମାଧ୍ୟମ ରିପୋର୍ଟ କୁହାଯାଇଛି । ଯେଉଁଠାରେ ଜଣେ ଯାତ୍ରୀ ଶୌଚାଳୟ ଖୋଜିବା ସମୟରେ କକପିଟ୍ କୁ ଏଣ୍ଟ୍ରି କରିଥିଲେ । କଡ଼ା ସୁରକ୍ଷା ଏବଂ ସୁରକ୍ଷା ପ୍ରୋଟୋକଲ୍ ସହିତ କୌଣସି ପ୍ରକାରର ବୁଝାମଣା କରାଯାଇନାହିଁ ।
ତେବେ ସେହି ଯାତ୍ରୀଙ୍କୁ ପୋଲିସକୁ ହସ୍ତାନ୍ତର କରାଯାଇ ତାଙ୍କୁ ନୋ ଫ୍ଲାଇଂ ଜୋନରେ ସୂଚିତ କରାଯାଇଛି ।
ସୂଚନାଯୋଗ୍ୟ, ବିଶାଖାପାଟନମ୍ ରୁ ହାଇଦ୍ରାବାଦ ଯାଉଥିବା ଏକ ଏୟାର ଇଣ୍ଡିଆ ଏକ୍ସପ୍ରେସ୍ ବିମାନ ପକ୍ଷୀ ଧକ୍କା ହେବାର ସନ୍ଦେହ ହେବାରୁ ଭାଇଜାଗରେ ସତର୍କତାମୂଳକ ଅବତରଣ କରିଥିଲା, ଏୟାର ଇଣ୍ଡିଆ ଏକ୍ସପ୍ରେସର ଜଣେ ମୁଖପାତ୍ର କହିଛନ୍ତି ।
