ବ୍ରହ୍ମପୁର : ଅଡୁଆରେ ବ୍ରହ୍ମପୁର ଏସପି । ଆଇନଜୀବୀ ପୀତବାସ ପଣ୍ଡା ହତ୍ୟା ମାମାଲରେ ଦେଇଥିବା ମନ୍ତବ୍ୟ ମହଙ୍ଗା ପଡ଼ିଛି । ନିର୍ବାଚନ ମାମଲାରେ ମନ୍ତବ୍ୟ ଦେଇଥିବାରୁ ବ୍ରହ୍ମପୁର ଏସ୍.ପି.ଙ୍କ ଠାରୁ ଶପଥ ପାଠ ତଲବ କଲେ ହାଇକୋର୍ଟ । ବ୍ୟକ୍ତିଗତ ହାଜର ପାଇଁ ନିର୍ଦ୍ଦେଶ । ପେଣ୍ଡିଂ ଇଲେକ୍ସନ ପିଟିସନ ସମ୍ପର୍କରେ ସର୍ବସାଧାରଣରେ ମନ୍ତବ୍ୟ ଦେଇଥିଲେ ବ୍ରହ୍ମପୁର ଏସପି ।
ଏହି କଥାକୁ ସ୍ୱୀକାର କରିଛନ୍ତି ବ୍ରହ୍ମପୁରର ଏସପି ଡ. ଶର୍ବଣା ବିବେକ ଏମ । ଏହାପରେ ଓଡ଼ିଶା ଉଚ୍ଚ ନ୍ୟାୟାଳୟ ଆଜି ତାଙ୍କ ଆଚରଣ ଉପରେ ଏକ ଶପଥପତ୍ର ଦାଖଲ କରିବାକୁ ତାଙ୍କୁ ନିର୍ଦ୍ଦେଶ ଦେଇଛନ୍ତି। ଅଦାଲତ କହିଛନ୍ତି ଯେ ଅକ୍ଟୋବର ୩୧ର ନିର୍ଦ୍ଦେଶ ପାଳନ କରି ଏସପି ରେଜିଷ୍ଟ୍ରାର ଜେନେରାଲଙ୍କ ନିକଟରେ ଦାଖଲ କରିଥିବା ଲିଖିତ ସ୍ପଷ୍ଟୀକରଣରେ, ଚାଲୁ ରହିଥିବା ମାମଲା ବିଷୟରେ ସାମ୍ବାଦିକମାନଙ୍କୁ କହିଥିବା ସ୍ୱୀକାର କରିଛନ୍ତି ।
ଏହି ସ୍ୱୀକାରୋକ୍ତିକୁ ଧ୍ୟାନରେ ରଖି ଖଣ୍ଡପୀଠ ବ୍ରହ୍ମପୁର ଏସପିଙ୍କୁ ନଭେମ୍ବର ୧୦ ସୁଦ୍ଧା ତାଙ୍କ କାର୍ଯ୍ୟକଳାପକୁ ଆହୁରି ସ୍ପଷ୍ଟ କରି ଏକ ବିସ୍ତୃତ ଶପଥପତ୍ର ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ନଭେମ୍ବର ୧୧, ୨୦୨୫ ରେ ଏହି ମାମଲାର ଶୁଣାଣି ହେବ। ଅଦାଲତ ବିଚାର କରିବେ ବ୍ରହ୍ମପୁର ଏସପିଙ୍କ ଆଚରଣ ଅଦାଲତ ଅବମାନନା ପରିସରଭୁକ୍ତ କି ନାହିଁ।
କୋର୍ଟ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଆରକ୍ଷୀ ଅଧୀକ୍ଷକଙ୍କୁ ପରବର୍ତ୍ତୀ ଶୁଣାଣି ତାରିଖରେ ପୂର୍ବାହ୍ନ ୧୦:୩୦ ସମୟରେ ଅଦାଲତରେ ବ୍ୟକ୍ତିଗତ ଭାବରେ ହାଜର ହେବାକୁ ପଡ଼ିବ। ଅକ୍ଟୋବର ୨୨ ରେ ହତ୍ୟାର କାରଣରେ ଇଲେକ୍ସନ ପିଟିସନକୁ ନେଇ କଣ କହିଥିଲେ ଆସନ୍ତୁ ଶୁଣିବା