ଗୋପାଳପୁର/ଗଞ୍ଜାମ : ଗୋପାଳପୁର ନିର୍ବାଚନ ମଣ୍ଡଳୀ ଅନ୍ତର୍ଗତ ଡୋରା ସ୍ନାତକ ମହାବିଦ୍ୟାଳୟରେ ଆଜି ଭାରତୀୟ ଜନତା ପାର୍ଟି (ବିଜେପି) ମହିଳା ମୋର୍ଚ୍ଚା, ଗଞ୍ଜାମ ତରଫରୁ ଏକ ମହତ୍ତ୍ୱପୂର୍ଣ୍ଣ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। କାର୍ଯ୍ୟକ୍ରମଟି ‘ବନ୍ଦେ ମାତରମ୍’ ଗୀତର ୧୫୦ ବର୍ଷ ପୂର୍ତ୍ତି ଉପଲକ୍ଷେ ପାଳିତ ହୋଇଥିଲା।
ଏହି ସମାବେଶରେ ଉପସ୍ଥିତ ସମସ୍ତ ବ୍ୟକ୍ତିବିଶେଷଙ୍କ ମଧ୍ୟରେ ଏକ ଅପୂର୍ବ ଦେଶାତ୍ମବୋଧ ଜାଗ୍ରତ ହୋଇଥିଲା। ଏହି ମହତ୍ତ୍ୱପୂର୍ଣ୍ଣ ଅଭିଯାନରେ ସାମିଲ ହୋଇ ଦେଶକୁ ଆହୁରି ସଶକ୍ତ କରିବା ପାଇଁ ସମସ୍ତେ ମିଳିତ ଭାବେ ଶପଥ ନେଇଥିଲେ।
ଏହି ଦେଶଭକ୍ତିମୂଳକ କାର୍ଯ୍ୟକ୍ରମରେ ଗଞ୍ଜାମ ମହିଳା ମୋର୍ଚ୍ଚାର ସଭାନେତ୍ରୀ ଅନୂଜା ନନ୍ଦ ବିଶ୍ୱାଳ, ସାଧାରଣ ସମ୍ପାଦିକା ମୋନିକା ପ୍ରହରାଜ, ପ୍ରେମସିଲା ନନ୍ଦ, ଗୀତା ଦାସ, ରିନା ମହାରଣା, ଏବଂ ମମତା ରଣା ପ୍ରମୁଖ ଉପସ୍ଥିତ ଥିଲେ। ଏମାନଙ୍କ ସମେତ ମହାବିଦ୍ୟାଳୟର ସମସ୍ତ ଶିକ୍ଷକ, ଶିକ୍ଷୟିତ୍ରୀ ଏବଂ ସମସ୍ତ ଛାତ୍ରୀ ମିଶି ସାମୂହିକ ଭାବେ ‘ବନ୍ଦେ ମାତରମ୍’ ଗାନ କରିଥିଲେ।
କାର୍ଯ୍ୟକ୍ରମର ଶେଷରେ ଉପସ୍ଥିତ ସମସ୍ତେ “ବନ୍ଦେ ମାତରମ୍! ଜୟ ହିନ୍ଦ!” ଧ୍ୱନିରେ ପରିବେଶକୁ ଉତ୍ସାହିତ କରିଥିଲେ।