କେନ୍ଦ୍ରାପଡା : ପାରିବାରିକ କଳହର କରୁଣ ପରିଣତି । ସଂଘବଦ୍ଧ ଆକ୍ରମଣରେ ଜଣଙ୍କର ମୃତ୍ୟୁ ଓ ଦୁଇ ଗୁରୁତର । ଗୁରୁତରମାନେ କେନ୍ଦ୍ରାପଡା ମେଡିକାଲରେ ଭର୍ତ୍ତି ଅଛନ୍ତି । କେନ୍ଦ୍ରାପଡା ସଦର ଥାନା ଅନ୍ତର୍ଗତ ନରିଲୋ ଗାଁରେ ଅଘଟଣ l ଦାଦାର ଶାବଳ ମାଡରେ ଘରର ଏକମାତ୍ର ପୁଅ ଉପେନ୍ଦ୍ର ଓଝାର ମୃତ l ଅନ୍ୟ ଦୁଇଜଣ ଗୁରୁତର ଅବସ୍ଥାରେ ଚିକିତ୍ସାଧିନ ଅଛନ୍ତି l ଜମିବାଡି ବିବାଦରୁ ଏହି ମଡର ଘଟିଥିବା ଜଣାପଡିଛି l ସଂଘବଦ୍ଧ ଆକ୍ରମଣରେ ମୃତ୍ୟୁ ସମୟ ଭିଡିଓ ସି ସି ଟିଭିରେ ଗଣ୍ଡଗୋଳ ଭିଡିଓ କଏଦ ହୋଇଛି ।
ସୂଚନା ଅନୁଯାୟୀ, ପୂର୍ବରୁ ଥିବା ଏକ ଜମିବାଡି ବିବାଦକୁ କେନ୍ଦ୍ର କରି ଶନିବାର ସନ୍ଧ୍ୟାରେ ରାଜକିଶୋର ଓଝା ତାଙ୍କ ପୁତୁରା ଉପେନ୍ଦ୍ର ସହିତ ଝଗଡ଼ା କରିଥିଲେ l ଥାନାରେ ଉଭୟ ପକ୍ଷରୁ ଏତଲା ହୋଇଥିଲା । ଗ୍ରାମର ଭଦ୍ରଲୋକମାନେ ଉଭୟ ପକ୍ଷଙ୍କୁ ଥାନାରୁ ନେଇ ଗାଁରେ ଆପୋଷ ଫଇସଲା କରିବା ପାଇଁ ସଭା କରିଥିଲେ । କିନ୍ତୁ ଗୋଟିଏ ପକ୍ଷ ନିଷ୍ପତ୍ତି ନମାନି ନିଷାପରୁ ଉଠି ପଳାଇଥିଲେ । ଯୋଜନା ଅନୁସାରେ ବାଟରେ ମାରଣାସ୍ତ୍ର ଧରି ଛକି ରହିଥିଲେ ।
ଅନ୍ୟ ପକ୍ଷ ଘରକୁ ଯିବା ସମୟରେ ଅଚାନକ ଆକ୍ରମଣ କରିଥିଲେ ଆକ୍ରମଣ ରେ ଉପେନ୍ଦ୍ରଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି l ଆକ୍ରମଣ କାରି ରାଜକିଶୋର, ତାଙ୍କ ସ୍ତ୍ରୀ ଓ ପୁଅ ସଂଘବଦ୍ଧ ଭାବେ ଉପେନ୍ଦ୍ରଙ୍କୁ ବିଭିନ୍ନ ମାରଣାସ୍ତ୍ର ଧରି ଆକ୍ରମଣ କରିଥିଲେ l ଦାଦା ରାଜକିଶୋରଙ୍କ ମାରଣାସ୍ତ୍ର ମାଡରେ ପୁତୁରା ଉପେନ୍ଦ୍ର, ତାଙ୍କ ମା ସଂଯୁକ୍ତା ଓ ବାପା ସରୋଜକାନ୍ତ ଗୁରୁତର ଭାବେ ଆହତ ହୋଇ ମେଡିକାଲ ରେ ଚିକିତ୍ସା ପାଇଁ ଭର୍ତି ହୋଇଥିଲେ l ତେବେ ବିଳମ୍ବିତ ରାତିରେ ମେଡିକାଲରେ ଚିକିତ୍ସାଧିନ ଅବସ୍ଥାରେ ଉପେନ୍ଦ୍ରଙ୍କ ମୃତ୍ୟୁ ଘଟିଛି l ମୃତ ଉପେନ୍ଦ୍ରଙ୍କର ସ୍ତ୍ରୀ ଓ ବର୍ଷକର ଏକ ଝିଅ ଅଛନ୍ତି l ପୋଲିସ ଅଭିଯୁକ୍ତ ଦାଦା ରାଜକିଶୋରଙ୍କ ପୁଅ ଉମାକାନ୍ତଙ୍କୁ ଅଟକ ରଖି ଅଧିକ ତଦନ୍ତ ଜାରି ରଖିଛି l