ମୁମ୍ବାଇ: ଏବେ ବଲିଉଡ୍ ଅଭିନେତା ସଲମାନ ଖାନଙ୍କ ପରେ ଲରେନ୍ସ ବିଷ୍ନୋଇ ଗ୍ୟାଙ୍ଗର ଟାର୍ଗେଟରେ ଅମିର ଖାନ । ନିକଟରେ ତୃତୀୟ ବିବାହ କରିଛନ୍ତି ଅମିର ଖାନ୍, ତାଙ୍କୁ ଲରେନ୍ସ ବିଷ୍ନୋଇ ଗ୍ୟାଙ୍ଗ ଧମକ ଦେଇଛି । ସୋସିଆଲ ମିଡିଆରେ ଏକ ପୋଷ୍ଟ ଏବଂ ଅଡିଓ କ୍ଲିପ୍ ପ୍ରକାଶ ପାଇଛି, ଏହାକୁ ଲରେନ୍ସ ବିଷ୍ନୋଇ ଗୋଷ୍ଠୀର ସଦସ୍ୟ ଆର୍ଜୁ ବିଷ୍ନୋଇ ଏବଂ ଟାଇସନ ବିଷ୍ନୋଇ ସେୟାର କରିଛନ୍ତି ।
ପୋଷ୍ଟରେ ସେମାନେ କହିଛନ୍ତି ଯେ ଅମିର ଖାନଙ୍କ ପରି ଲୋକମାନେ ଆମ ଦେଶରେ “ଲଭ୍ ଜିହାଦ”କୁ ପ୍ରୋତ୍ସାହିତ କରୁଛନ୍ତି, ଯାହା ଆମ ସଂସ୍କୃତି ବିରୁଦ୍ଧରେ । ଆମେ ଏହି ବ୍ୟକ୍ତିଙ୍କୁ ସହ୍ୟ କରିବୁ ନାହିଁ, ଏବଂ ସେ ଖୁବ୍ ଶୀଘ୍ର ପରିଣାମ ଭୋଗିବେ । ଏହା ସନାତନ ଧର୍ମ ଏବଂ ଦେଶ ବିରୁଦ୍ଧରେ ।
ସୂତ୍ର ଅନୁସାରେ, ମୁମ୍ବାଇ ପୋଲିସ ଏପର୍ଯ୍ୟନ୍ତ ଅମିର ଖାନ କିମ୍ବା ତାଙ୍କ ଦଳ ପକ୍ଷରୁ କୌଣସି ଅଭିଯୋଗ ପାଇନାହିଁ । ପୋଲିସ ଫେସବୁକ ଏବଂ ଏକ ଭଏସ୍ ନୋଟ୍ ମାଧ୍ୟମରେ ଗଣମାଧ୍ୟମରୁ କଥିତ ଧମକ ବିଷୟରେ ସୂଚନା ମଧ୍ୟ ପାଇଛି, ଯାହାକୁ ସେମାନେ ଯାଞ୍ଚ କରୁଛନ୍ତି । ଅମିର ଖାନଙ୍କଠାରୁ ଅଭିଯୋଗ ଆସିଲେ ମାମଲା ରୁଜୁ ହୋଇପାରେ ।
କୃଷ୍ଣସାର ମୃଗ ଶିକାର ମାମଲାକୁ ନେଇ ସଲମାନ ଖାନଙ୍କ ସହ ଲରେନ୍ସ ବିଷ୍ନୋଇଙ୍କ ବିବାଦ ଚାଲିଛି । ଏହି ସମୟରେ, ପ୍ରଥମ ଥର ପାଇଁ ବିଷ୍ନୋଇ ଗ୍ୟାଙ୍ଗ ଦ୍ୱାରା ଅମିର ଖାନଙ୍କୁ ଧମକ ଦିଆଯାଇଛି ।
ସୋସିଆଲ ମିଡିଆରେ ଆମିର ଖାନଙ୍କ ତୃତୀୟ ବିବାହକୁ ଲଭ୍ ଜିହାଦ ବୋଲି ପୋଷ୍ଟ କରାଯାଇଛି । ବିବୃତ୍ତିରେ ଲେଖାଯାଇଛି, “ଆମେ ଆମର ଭାଇ, ଭଉଣୀ ଏବଂ ଦେଶବାସୀଙ୍କୁ ପ୍ରତିଶ୍ରୁତି ଦେଉଛୁ ଯେ ଯେଉଁମାନେ ଆମ ଉପାୟରେ ଏପରି ଲଜ୍ଜାଜନକ କାର୍ଯ୍ୟକୁ ଉତ୍ସାହିତ କରିବେ ସେମାନଙ୍କ ସହିତ ଆମେ ନିଜ ହିସବାରେ ତାକୁ ବାଟକୁ ଆଣିବୁ । ଯେଉଁମାନେ ଷ୍ଟାରଡମ୍ ନାମରେ ଏହାକୁ ପ୍ରୋତ୍ସାହିତ କରିବେ, ଆମେ ସେମାନଙ୍କର ଗଳାକାଟି ହତ୍ୟା କରିବୁ।”
