ନୂଆଦିଲ୍ଲୀ : ବାତ୍ୟା ଅର୍ଣ୍ଣବ ବଙ୍ଗୋପସାଗରରୁ ଆନ୍ଧ୍ରପ୍ରଦେଶ ଉପକୂଳ ଆଡକୁ ଗତି କରୁଛି। ପାଣିପାଗ ବିଭାଗ ଅନୁଯାୟୀ, ୨୮ ଅକ୍ଟୋବର ସକାଳେ ଏହା ଆନ୍ଧ୍ରପ୍ରଦେଶ ଉପକୂଳରେ ସ୍ଥଳଭାଗ ଛୁଇଁବ ବୋଲି କୁହାଯାଉଛି। ଏହି ସମୟ ମଧ୍ୟରେ ୧୪୦ କିଲୋମିଟର ବେଗରେ ପବନ ବହିବାର ସମ୍ଭାବନା ରହିଛି।
ଆନ୍ଧ୍ରପ୍ରଦେଶରେ ପ୍ରାୟ ୬ ଲକ୍ଷ ଲୋକଙ୍କୁ ସ୍ଥାନାନ୍ତର କରିବା ପାଇଁ ପ୍ରସ୍ତୁତି ଚାଲିଛି। ଉପକୂଳବର୍ତ୍ତୀ ଜିଲ୍ଲାଗୁଡ଼ିକରେ ପ୍ରବଳ ବର୍ଷା ସତର୍କତା ଜାରି କରାଯାଇଛି। ୨୯ ଅକ୍ଟୋବର ପର୍ଯ୍ୟନ୍ତ ସମୁଦ୍ର ଭିତରକୁ ନ ଯିବାକୁ ମତ୍ସ୍ୟଜୀବୀଙ୍କୁ ପରାମର୍ଶ ଦିଆଯାଇଛି।
ଓଡ଼ିଶା ମଧ୍ୟ ଘୂର୍ଣ୍ଣିଝଡ଼ ଦ୍ୱାରା ଗୁରୁତର ଭାବରେ ପ୍ରଭାବିତ ହେବାର ଆଶଙ୍କା କରାଯାଉଛି। ରିଲିଫ୍ ଏବଂ ଉଦ୍ଧାର କାର୍ଯ୍ୟ ପାଇଁ ୬୦ ଉଦ୍ଧାର ଦଳ ନିୟୋଜିତ କରାଯିବ। ୨୮ ଏବଂ ୨୯ ଅକ୍ଟୋବରରେ ୬ଟି ଜିଲ୍ଲାରେ ସ୍କୁଲ ଏବଂ କଲେଜ ବନ୍ଦ ରହିବ। ଝଡ଼ର ପ୍ରଭାବ ଯୋଗୁଁଁ ମଧ୍ୟ ପ୍ରଦେଶ ଏବଂ ଉତ୍ତର ପ୍ରଦେଶ ସମେତ ୧୦ଟି ରାଜ୍ୟରେ ବର୍ଷା ହେବାର ସମ୍ଭାବନା ରହିଛି। ତାମିଲନାଡୁରେଗତ ତିନି ଦିନ ଧରି ଲଗାତାର ବର୍ଷା ହେଉଛି। ଆର୍ନିର ଭାସ୍କର ନଗରରେ ଜଳବନ୍ଦୀ ସ୍ଥିତି ରହିଛି। ଯାହା ଫଳରେ ଲୋକମାନେ ଘରେ ଫସି ରହିଛନ୍ତି। କୋଡାଇକାନାଲରେ ପର୍ଯ୍ୟଟକଙ୍କ ପ୍ରବେଶକୁ ନିଷେଧ କରାଯାଇଛି। ତିରୁଭରୁର ଜିଲ୍ଲାରେ ମଧ୍ୟ ପ୍ରବଳ ବର୍ଷା ହୋଇଥିଲା। ମାତ୍ର ସ୍କୁଲ ଏବଂ କଲେଜ ଖୋଲା ରହିଥିଲା।
ଆନ୍ଧ୍ର ପ୍ରଦେଶରେ ପ୍ରବଳ ବର୍ଷା ପାଇଁ ରେଡ୍ ଆଲର୍ଟ ଜାରି କରାଯାଇଛି। ଓଡ଼ିଶାରେ ଅରେଞ୍ଜ ଆଲର୍ଟ ଜାରି କରାଯାଇଛି। ଛତିଶଗଡ଼, ତେଲଙ୍ଗାନା, ତାମିଲନାଡୁ, ପୁଡୁଚେରୀ, କେରଳ, କର୍ଣ୍ଣାଟକ ଏବଂ ରାୟଲସୀମାରେ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି। ୨୮ ଅକ୍ଟୋବର ଆନ୍ଧ୍ର ପ୍ରଦେଶ, ଛତିଶଗଡ଼, ତେଲଙ୍ଗାନା ଏବଂ ଓଡ଼ିଶାରେ ପ୍ରବଳ ବର୍ଷା ପାଇଁ ରେଡ୍ ଆଲର୍ଟ ଜାରି କରାଯାଇଛି। ଝାଡ଼ଖଣ୍ଡରେ ବର୍ଷା ପାଇଁ ଅରେଞ୍ଜ ଆଲର୍ଟ ଜାରି କରାଯାଇଛି।ପଶ୍ଚିମ ବଙ୍ଗ, ନାଗାଲାଣ୍ଡ, ମଣିପୁର, ମିଜୋରାମ, ତ୍ରିପୁରା, ପୂର୍ବ ମଧ୍ୟ ପ୍ରଦେଶ, ବିଦର୍ଭ ଏବଂ କର୍ଣ୍ଣାଟକରେ ବର୍ଷା ପାଇଁ ୟେଲୋ ଆଲର୍ଟ ଜାରି କରାଯାଇଛି।
