ଭାରତୀୟ ରେଡକ୍ରସ୍ ସୋସାଇଟି, ପୋଲିସ କମିସନରେଟ ଆଞ୍ଚଳିକ ଶାଖାର କାର୍ଯ୍ୟନିର୍ବାହୀ ସମିତି ବୈଠକ ଅନୁଷ୍ଠାନର ଅଧକ୍ଷ ତଥା ପୋଲିସ କମିସନର ସୈାମେନ୍ଦ୍ର କୁମାର ପ୍ରୀୟଦର୍ଶୀଙ୍କ ଅଧକ୍ଷତାର ପୋଲିସ ସେବା ଭବନର ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ଅଧକ୍ଷ ଶ୍ରୀଯୁକ୍ତ ପ୍ରୀୟଦର୍ଶୀ କାର୍ଯ୍ୟନିର୍ବାହୀ ସମିତିର ସଦସ୍ୟ ସଦସ୍ୟା ମାନଙ୍କୁ ସ୍ୱାଗତ କରିବା ସହିତ ବିଗତ ଦିନରେ ହୋଇଥିବା ସେବା ମୁଳକ କାର୍ଯ୍ୟକ୍ରମ ଗୁଡିକ ଉପରେ ଆଲୋକପାତ କରିଥିଲେ ଓ ଆଗାମି ଦିନରେ ରକ୍ତଦାନ ସହିତ ରେଡକ୍ରସ୍ର ସଦସ୍ୟ ବଢାଇବା ପାଇଁ କହିଥିଲେ ।
ଅନୁଷ୍ଠାନର ଯୁଗ୍ମ-ସମ୍ପାଦକ ଏସିପି ଲଳିତେନ୍ଦୁ ମହାନ୍ତି କରୋନା ସମୟରେ ରକ୍ତଦାନ ଶିବିର ଆୟୋଜନ କରି ଥାଲାସେମିଆ ଓ ସିକିଲସେଲ ଭଳି ରୋଗୀମାନଙ୍କୁ ପୋଲିସ କମିସନରେଟ ରେଡକ୍ରସ କିପରି ସହାୟତା ହୋଇଥିଲା ତାହା କହିଥିଲେ ।
ପୋଲିସ ରେଡକ୍ରସ୍ ପକ୍ଷରୁ ରକ୍ତବନ୍ଧୁ କାର୍ଯ୍ୟକ୍ରମ, ଶିତ ରାତିରେ କମ୍ବଳ, ସରକାରୀ ବିଦ୍ୟାଳୟକୁ ପ୍ରଥମିକ ଚିକିତ୍ସା ବକ୍ସ, ବସ୍ତିରେ େଓ÷ାଷଧ, କରୋନା ସମୟରେ ସାବୁନ, ମାକ୍ସ ଓ ବିସ୍କୁଟ ବିତରଣ ଭଳି ବହୁ ସେବା ମୂଳକ କାର୍ଯ୍ୟ ପାଇଁ ଅଧକ୍ଷ ତଥା ପୋଲିସ କମିସନରଙ୍କୁ କାର୍ଯ୍ୟନିର୍ବାହୀ କମିଟି ସଦସ୍ୟ ଦିଲ୍ଲୀପ ଦାଶଶର୍ମାଙ୍କୁ ସାଧୁବାଦ ଜଣାଇଁଥିଲେ । ଏହି ବୈଠକରେ କାର୍ଯ୍ୟନିର୍ବାହୀ ସମିତି ସଦସ୍ୟ ସୂର୍ଯ୍ୟମଣି ତ୍ରିପାଠୀ, ତାପସୀ ପ୍ରହରାଜ, କୃପାସିନ୍ଧୁ ସାହୁ, ରୁଷି ପଟ୍ଟନାୟକ, ମହିନ୍ଦ୍ର ସିଂ କାଲସି, ପ୍ରଦିପ ପଟ୍ଟନାୟକ ଓ ହେମନ୍ତ କୁମାର ଅଗ୍ରୱାଲା ଆଦି ବହୁ ସଦସ୍ୟ ଯୋଗଦେଇ ସେବା ମୂଳକ କାମ ପାଇଁ ନିଜ ନିଜର ବିଚାର ରଖିଥିଲେ । ଶେଷରେ ସମ୍ପାଦକ ତଥା ଡିସିପି ହେଡକ୍ୱାଟର ପ୍ରଦୁ୍ୟମ୍ନ କୁମାର ଜେନା ଧନ୍ୟବାଦ ପ୍ରଦାନ କରିଥିଲେ ।
