ଛତ୍ରପୁର, ତା.୨୦ / ୩ : ଛତ୍ରପୁର ସହରରେ ପାନୀୟଜଳଯୋଗାଣରେ ଦୂଷିତ, ଗୋଳିଆ, ପଙ୍କ ମିଶ୍ରିତ ନର୍ଦ୍ଧାମ ପାଣି ବାହାରୁଛି । ଏନେଇ ଲୋକେ ଅତିଷ୍ଠ ହୋଇ କ୍ଷୋଭ ପ୍ରକାଶ କରିଛନ୍ତି ।ପ୍ରକାଶ ଥାଉକି, ଗଞ୍ଜାମ ଜିଲ୍ଲାର ସଦରମହକୁମା ଛତ୍ରପୁର ସହରାଞ୍ଚଳରେ ପାନୀୟ ଜଳରେ ଦୂଷିତ ଗୋଳିଆ ପାଣି ବାହାରୁଥିବା ନେଇ ଏକ ସଙ୍ଗୀନ ଅଭିଯୋଗ ଆସିଛି । ବିଭିନ୍ନ ୱାର୍ଡ଼, ସାହି ବସ୍ତି ଅଞ୍ଚଳର ଲୋକମାନେ ଅତ୍ୟନ୍ତ କ୍ଷୋଭ ର ସହ ବାରମ୍ବାର ଅଭିଯୋଗ ଆଣିଛନ୍ତି । ଏହି ଅନୁରୂପ ଘଟଣା ସହରାଞ୍ଚଳରେ ବାରମ୍ବାର ଅଭିଯୋଗ ଆସିଥିଲେ ମଧ୍ୟ ଏବେ ଗତ ୪୮ଘଣ୍ଟା ବିତିଯାଇଥିଲେ ମଧ୍ୟ ବିଭାଗୀୟ ଜନସ୍ବାସ୍ଥ୍ୟ ବିଭାଗ କର୍ତ୍ତୃପକ୍ଷ ଧ୍ୟାନ ଦେଇ ଏହାର ପ୍ରତିକାର କରୁନାହାନ୍ତି ବୋଲି ଲୋକମାନେ ମତ ପ୍ରକାଶ କରୁଛନ୍ତି । ମଙ୍ଗଳାବର ରିକାପଲ୍ଲୀ, ରାମନଗର, ବିଦ୍ୟାଧର ନଗର ଆଦି ଅଞ୍ଚଳର ଘରୋଇ ସଂଯୋଗ ପାଣିକଳରେ ଗୋଳିଆ, ଦୁର୍ଗନ୍ଧ ନାଳ ପାଣି ବାହାରିଥିବା ର ସାହି ବାସିନ୍ଦା ର ଲୋକେ ଅଭିଯୋଗ କରିଥିଲେ । ଏହି ପାଣିର ସାମ୍ପଲ୍ ଓ ଭିଡ଼ିଓ ଆମପ୍ରତିନିଧିଙ୍କ ଦୃଷ୍ଟି ଗୋଚର କୁ ଅଣାଯାଇଥିବା ପରେ ବିଭାଗୀୟ କନିଷ୍ଠ ଯନ୍ତ୍ରୀ ଶ୍ରୀମତୀ ମୃଦୁ ପାଣିଗ୍ରାହୀ ଙ୍କ ୱାଟସ୍-ଆପ୍ ଯୋଗେ ଦୃଷ୍ଟିକୁ ଅଣାଯାଇଥିବା ସତ୍ତ୍ବେ ମ୍ୟାଡମ୍ କଣ ପଦକ୍ଷେପ ନେଲେ ଜଣାପଡିନି । ହେଲେ ଆଜି ଦିନ ପାଣି ନ ପାଇ ସହରଞ୍ଚଳ ର ହଜାର ହଜାର ଲୋକ ହନ୍ତସନ୍ତ ହୋଇଛନ୍ତି । ଏଭଳି ବହୁବାର ପାନୀୟ ଜଳରେ ଦୂଷିତ, ଗୋଳିଆ, ପଙ୍କ ମିଶ୍ରିତ ନାଳ ନର୍ଦ୍ଦମା ପାଣି ବାହାରୁଥିବାର ଅଭିଯୋଗ କଲେ ମଧ୍ୟ କର୍ତ୍ତୃପକ୍ଷ କୌଣସି ପ୍ରତିକାର ବ୍ୟବସ୍ଥା କରୁନାହାଁନ୍ତି । ଏଦିଗରେ ବିଭାଗୀୟ ଉଚ୍ଚ କର୍ତ୍ତୃପକ୍ଷ ତଥା ଗଞ୍ଜାମ ଜିଲ୍ଲାପାଳ ଏଥି ପ୍ରତି ଧ୍ୟାନ ଦେଇ ବିହିତ କାର୍ଯ୍ୟାନୁଷ୍ଠାନ ଗ୍ରହଣ କରିବେ ବୋଲି ଜନସାଧାରଣଙ୍କ ତରଫରୁ ଦୃଢ଼ ଦାବୀ ହେଉଅଛି ।।