ଉମରକୋଟ : ନବରଙ୍ଗପୁର ଜିଲ୍ଲା, ଉମରକୋଟ ଥାନା, ଜାମରୁଣ୍ଡା ପଞ୍ଚଯାତ ଅନ୍ତର୍ଗତ ୟୁ. ଭି. ନଂ -୧୪ ଜାମରୁଣ୍ଡା ଗ୍ରାମରେ ଘଟି ଯାଇଅଛି ଏକ ଦୁଃଖଦାୟକ ଘଟଣା | ବିଶ୍ୱଜିତ ରାଣା ବୟସ ୪୭ ବର୍ଷ ପିତା ବ୍ରୋଜେନ ରାଣା, ପ୍ରତ୍ୟେକ ଦିନ ଭଳି ରାତ୍ର ଖାଦ୍ୟ ଖାଇ ରାତ୍ର ଠିକ ୯ ଘଣ୍ଟା ସମୟରେ ନିଜ ଜମିରେ ଥିବା ଫାର୍ମ ରେ ଶୋଇବାକୁ ଯାଉଥିଲ | କିନ୍ତୁ କିଏ ଜାଣିଛି ସେହି ରାତ୍ରରେ ତାଙ୍କର ମୃତ୍ୟୁ ପାଇଁ ଜଗିଛି ଜମଦୂତ | ସକାଳ ନ ହେବାଖଣି ସ୍ଥାନୀୟ ଲୋକଙ୍କ ଘରେ ପହଞ୍ଚିଲା ବିଶ୍ୱଜିତ ରାଣାର ମୃତ୍ୟୁ ଖବର | ତୁରନ୍ତ ଘରଲୋକ ଏବଂ ଗ୍ରାମର ଭଦ୍ର ଲୋକ ଘଟଣା ସ୍ଥଳରେ ପହଞ୍ଚି ଦେଖିବାକୁ ପାଇଲେ ଏବଂ ଯେଉଁଭଳି ଭାବରେ ମୃତ୍ୟୁ ଶରୀର ପଡିଛି ତାହା ସମ୍ପୂର୍ଣ ସୁପରିକଳ୍ପିତ ହତ୍ୟା ବୋଲି ମନେ ହୁଏ l ସଙ୍ଗେ ସଙ୍ଗେ ଉମରକୋଟ ପୋଲିସ କୁ ଖବର ଦେଲେ ଉମରକୋଟ ପୋଲିସ ପହଞ୍ଚି ମୃତ ଶରୀର ଜବତ କରି ଦେଖିଲା ପରେ ସାଇଣ୍ଟିଫିକ ଟିମକୁ ଖବର ଦେଇ ସମସ୍ତ ଘଟଣା ତଦନ୍ତ କଲା ପରେ ଉମରକୋଟ ଗୋଷ୍ଠି ସ୍ୱାସ୍ଥ୍ୟ କେନ୍ଦ୍ରରେ ପୋଷ୍ଟମାର୍ଟମ କରି ଘର ଲୋକଙ୍କକୁ ହସ୍ତାନ୍ତର କଲେ | ଉମରକୋଟ ଥାନା ଏ. ଏସ. ଆଇ ଶ୍ରୀ ଶିବାଜୀ ପ୍ରସାଦ ପଣ୍ଡା ୨୦୯/୨୦24 ଏକ କେସ ରୁଜୁ କରି ତଦନ୍ତ ଜାରି ରଖିଛନ୍ତି | ପୋଲିସ କହିବା ଅନୁସାରେ ପୋଷ୍ଟ ମାର୍ଟମ ରିପୋର୍ଟ ଆସିଲା ପରେ ମୃତ୍ୟୁ ର ପ୍ରକୃତ ରହସ୍ୟ ପଦାକୁ ଆସିବ,ଏହି ଖବର ପରେ ସମଗ୍ର ଅଞ୍ଚଳ ରେ ଶୋକର ଛାୟା ଖେଳି ଯାଇଛି |