ଫୁଲବାଣୀ : ସ୍ଥାନୀୟ ଲୋକଙ୍କ ପ୍ରତିି ବେଖାତିର ମନୋଭାବ ନେଇ ଟିକେଟ ଦେଇନଥିବା ଭାରତୀୟ ଜନତା ପାର୍ଟିରୁ ଅଧିକାଂଶ ପୁରୁଖା କର୍ମୀଙ୍କ ଦଳ ତ୍ୟାଗ ଏବଂ ସଦସ୍ୟ ପଦରୁ ଇସ୍ତଫା କାର୍ଯ୍ୟକ୍ରମ ଚାଲିଥିବା ବେଳେ ଗତ କାଲି ଅର୍ଥାତ ୨/୫/୨୦୨୪ ତାରିଖ ଦିନ l ଆଉ ଜଣେ ଯୁବ ସାମାଜ ସେବୀ ଲୋକ ସଂଗଠକ ସ୍ୱେଚ୍ଛାସେବୀ ଅନୁଷ୍ଠାନର ସଭାପତି ଭାବେ ପରିଚିତ ଅଂଶୁମାନ ପ୍ରିୟ ଦର୍ଶନ ବିଜେପିର ପ୍ରାଥମିକ ସଦସ୍ୟରୁ ଇସ୍ତଫା ଦେଇଛନ୍ତି l ତାଙ୍କର ଇସ୍ତଫା ପତ୍ର ବିଜେପି ରାଜ୍ଯ ସଭାପତି ମନମୋହନ ସାମଲଙ୍କ ନିକଟକୁ ମେଲ ଜରିଆରେ ପ୍ରେରଣ କରିଛନ୍ତି l ଲିଖିତ ପତ୍ରରେ ଉଲ୍ଲେଖ ଅଛି ଯେ ଦୁଃଖର ସହିତ କାହାକୁ ଦୋଷାରୋପ ନ କରି ସେ ଭାରତୀୟ ଜନତା ପାର୍ଟି ପ୍ରାଥମିକ ସଦସ୍ୟରୁ ଇସ୍ତଫା ଦେଇଛନ୍ତି । ଦୀର୍ଘ ବର୍ଷ ପାର୍ଟି ଉନ୍ନତି ପାଇଁ ତଥା ପାର୍ଟି ଜରିଆରେ କନ୍ଧମାଳ ବାସୀ ଓ କନ୍ଧମାଳ ମାଟିର ଉନ୍ନତି ପାଇଁ ଦଳ ଦେଇଥବା ଦାୟିତ୍ବ ନିଷ୍ଠାର ସହିତ ପାଳନ କରିଛି। କିନ୍ତୁ ଚଳିତ ନିର୍ବାଚନରେ ମୋର ସେବା ଓ କାର୍ଯ୍ୟ ଆବଶ୍ୟକ ନଥିବାର ସେ ହୃଦୟଙ୍ଗମ କଲେ । ତେଣୁ ଆଗକୁ ବଢିବା ପାଇଁ ସ୍ଥିର କରିଛନ୍ତି । ତେଣୁ ଦଳ ଛାଡିବାକୁ ସ୍ଥିର କଲେ । କନ୍ଧମାଳ ଅଂଚଳବାସୀଙ୍କ ବିକାଶରେ ନିଜର ସ୍ଵେଚ୍ଛାସେବୀ ଅନୁଷ୍ଠାନ ମାଧ୍ୟମରେ କାର୍ଯ୍ୟକୁ ବଜାଇ ରଖିବେ ବୋଲି କହିଛନ୍ତି ।