ସମବାୟ ସୋସାଇଟି ମିଲର ଭାଇ ଭାଇ : ଚାଷୀମାନେ ହେଉଛନ୍ତି ଶୋଷଣର ଶିକାର …..!

ବ୍ରହ୍ମପୁର: ନୂତନ ସରକାର ଗଠନ ପରେ ବି ଚାଷୀମାନ ଙ୍କ ଦୁଃଖ ଓ ସମସ୍ୟା ବଢ଼ି ଯାଇଛି। କଟନୀ ଛଟନୀ ନାଁ ଓ ସ୍ଲୋଗାନ ରେ ଶାସକ ଦଳ ତାର ପ୍ରଥମ ଇନିଙ୍ଗସ ଆରମ୍ଭ କରିବା ପରେ ଚାଷୀମାନଙ୍କ ମଧ୍ୟରେ ଖୁସି ଦେଖିବାକୁ ମିଳିଥିଲା। ସେହି ପୁରାତନ ଢାଞ୍ଚାରେ ଏବେ ଧାନ ମଣ୍ଡି ଓ ମିଲେର ମାନଙ୍କ ଯୋଗୁଁ ଚାଷୀଙ୍କ ସମସ୍ୟା ବଢ଼ିଯାଇଛି। ଗଞ୍ଜାମ ଜିଲ୍ଲାର ଅଧିକାଂଶ ବ୍ଲକରେ ଧାନମଣ୍ଡି ଖୋଲିନି ହେଲେ ମୋବାଇଲ କୁ ମେସେଜ ଆସିଛି। ଧାନ ବିକ୍ରି କରିବାକୁ ଚାଷୀ ମାନେ ରାସ୍ତା କଡରେ ଶୀତ କାକରରେ ପଡ଼ି ଧାନ ବସ୍ତାକୁ ଜଗିଛନ୍ତି।ସମବାୟ ସମିତି ସୋସାଇଟି ଓ ମିଲେର ମାନଙ୍କ ଫିକ୍ସର ଶିକାର ହେବାକୁ ପଡୁଛି ଚାଷୀଙ୍କୁ। ଗଞ୍ଜାମ ଜିଲ୍ଲାର ପୁରୁଷୋତ୍ତମପୁର, ଶେର ଗଡ଼, ଆସିକା, ହିଞ୍ଜିଳି, କବିସୂର୍ଯ୍ୟନଗର, ପାଟପୁର, ଚିକିଟି ଆଦି ସ୍ଥାନରେ ସୋସାଇଟି ମାନଙ୍କ ସହ କିଛି ମିଲେର ହାତକୁ ହାତ ମିଶେଇ ବିଭିନ୍ନ ଆଳ ଯୋଗୁଁ ଧାନ ବିକ୍ରି ନକରି ଚାଷୀ ମାନେ ନାନା ଅସୁବିଧା ର ସମ୍ମୁଖୀନ ହେଉଥିବା ଦେଖିବାକୁ ମିଳୁଛି। ଚାଷୀ ମାନେ ମିଲେର ସମଝୋତା କରି ଧାନ ଦେବା ଫଳରେ ସମବାୟ ସମିତି କୁ ଫାଇଦା ହେଉଥିବା ଆଲୋଚନା ହେଉଛି। ସରକାରଙ୍କ ଧାନ କିଣା ଦୁର୍ନୀତି ଏବେ ପଦାରେ ପଡ଼ିଥିବା ଚାଷୀ କହୁଛନ୍ତି। ସମବାୟ ସମିତି ଓ ମିଲେର ମାନଙ୍କ ମଧୁ ଚନ୍ଦ୍ରିକା ଯୋଗୁଁ ସିଧା ସରକାର ଚାଷୀମାନଙ୍କ ରୋଷର ଶିକାର ହେଉଛନ୍ତି। ଖୋଳା ମଣ୍ଡି ଦୁର୍ନୀତି ଏବେ ବିରୋଧି ମାନଙ୍କ ପାଇଁ ଏକ ଆଶୀର୍ବାଦ ସଦୃଶ୍ୟ ହୋଇଛି। ସମବାୟ ସମିତିର ସମ୍ପାଦକ ଓ ସଭାପତି ମାନଙ୍କ ପାଇଁ ପୁଷ ମାସ ହୋଇଥିବା ଚର୍ଚ୍ଚା ହେଲାଣି।ସରକାରଙ୍କ ସ୍ଲୋଗାନ ଓ ନିର୍ଦ୍ଧେଶ କେବଳ ଚାଷୀ ମାନଙ୍କ ପାଇଁ ଧର୍ମକୁ ଆଖି ଠାର ସଦୃଶ୍ୟ ପାଲଟିଛି। ଚାଷୀମାନ ଙ୍କ ପାଇଁ ସବୁ ନେତା ମାନେ କୁମ୍ଭୀର କାନ୍ଦଣା ଟିଭି ସମ୍ମୁଖରେ କାନ୍ଦିବା ହିଁ ଦେଖିବାକୁ ମିଳୁଛି। ସୂଚନା ଥାଉକି ମିଲର ମାନେ ଚାଷୀଙ୍କ ଧାନ ଅତି କମ ଟଙ୍କାରେ କିଣି ଚଢ଼ା ଦରରେ ପଡୋଶୀ ଆନ୍ଦ୍ରପ୍ରଦେଶ କୁ ଚୋରା ଚାଲାଣ ହେଉଛି ବୋଲି ଅଭିଯୋଗ ଆସୁଛି l ଚିକିଟି, ପାତ୍ରପୁର ଅଞ୍ଚଳ ରେ ମାଳ ମାଳ ଆନ୍ଦ୍ର ଗାଡି ଅପେକ୍ଷା କରିଛନ୍ତି ଧାନ ନେବାକୁ ପ୍ରଶାସନ ସବୁ ଜାଣି ନୀରବ ବିଚାରା ଚାଷୀ ଉପଯୁକ୍ତ ମୂଲ୍ୟ ନପାଇ ମୁଣ୍ଡରେ ହାତ ଦେଇ ବସିଥିବା ଦେଖିବାକୁ ମିଳୁଛି l କେଉଁ ମିଲର କେତେ ଧାନ କିଣିଲେ ତାହାର ତଥ୍ୟ ପ୍ରଶାସନ କେବଳ କାଗଜ କଲମ ରେ ସୀମିତ ରଖିଛନ୍ତି l କାରଣ ମିଲର କିଣିଥିବା ଧାନ ମିଲ ରେ ନାହିଁ ଏହା ମଧ୍ୟ ତଦନ୍ତ ସାଫେକ୍ଷ l କାରଣ ମିଲର ଚୋରା ଚାଲାଣ କରୁଛି ପଡୋଶୀ ରାଜ୍ୟକୁ ତେଣୁ ରାଜ୍ୟ ସରକାର ମିଲ ଗୁଡିକୁ ଚଢ଼ାଉ କଲେ ପ୍ରକୃତ ତଥ୍ୟ ପଦାକୁ ଆସିବ କାରଣ ସରକାରଙ୍କ ଦବାବ ରେ ମିଲର ଧାନ କିଣୁଛନ୍ତି କିନ୍ତୁ ଚାଷୀ ଉପଯୁକ୍ତ ମୂଲ୍ୟ ପାଉ ନାହାନ୍ତି l ଜିଲ୍ଲା ପ୍ରଶାସନ ର ଜ୍ଞାତସାରରେ ହେଉଛି ଏହିପରି ଦୁର୍ନୀତି ବୋଲି ସାଧାରଣ ରେ ଚର୍ଚ୍ଚା ହେଉଛି l