ନୟାଗଡ଼: ନୟାଗଡ଼ ଜିଲ୍ଲା ଓଡ଼ଗାଁ ସେବା ସମବାୟ ସମିତି ପରିଚାଳନା କମିଟି କୁ କାର୍ଯ୍ୟରେ ଅବହେଳା ପାଇଁ ନିଲମ୍ବନ କରାଯାଇଛି ।ପରିଚାଳନା କମିଟିର ସଭାପତି କିମ୍ବା କୌଣସି ନିର୍ଦ୍ଦେଶକ ସଦସ୍ୟ ପ୍ରଥମତଃ ଓସିଏସ ନିୟମ ଏବଂ ଉଚ୍ଚ ନ୍ୟାୟାଳୟ କଟକଙ୍କ ଦ୍ଵାରା ଘୋଷଣା କରାଯାଇଥିବା ଡବ୍ଲୁପିସି ନମ୍ୱର୍ ୩୪୬୪୬ ଏବଂ ୨୦୨୨ ପାଳନ କରିନାହାନ୍ତି । ଦ୍ବିତୀୟତଃ ସଭାପତି ସମବାୟ ସମିତିର ସଭାବହି ସହିତ ଅନ୍ୟାନ୍ୟ ଦସ୍ତାବିଜ୍ ନିଜ ପାଖରେ ରଖିବା ଯୋଗୁଁ ଏହା ଓସିଏସ ନିୟମ ୧୯୬୫ର ଉଲଂଘନ କରୁଛି। ତୃତୀୟତଃ ମାନ୍ୟବର ଉଚ୍ଚ ନ୍ୟାୟାଳୟଙ୍କ ନିଷ୍ପତି କୁ କାର୍ଯ୍ୟକାରୀ ନକରିବା କୋର୍ଟ ଅବମାନନାକୁ ସୂଚାଉଛି। ଚତୁର୍ଥତଃ ପରିଚାଳନା କମିଟି ବିରୋଧରେ ଅଭିଯୋଗର ବୈଧତା ପ୍ରମାଣିତ କରୁଛି । ପଞ୍ଚମତଃ ସମବାୟ ସମିତି କର୍ତ୍ତବ୍ୟ ପାଳନରେ ନିରନ୍ତର ଅବହେଳା ଯୋଗୁଁ ସମବାୟ ସମିତିର ସଦସ୍ୟ ମାନଙ୍କର ସ୍ୱାର୍ଥରେ କ୍ଷତି ହେଉଛି । ପୁଙ୍ଖାନୁପୁଙ୍ଖ ତଦନ୍ତ କରାଯାଇ ସ୍ପଷ୍ଟ ପ୍ରମାଣ ମିଳିବା ପରେ ସମବାୟ ସମିତିର ଉପନିବନ୍ଧକ(ନୟାଗଡ଼ ଡିଭିଜନ) ଅନନ୍ତ କୁମାର ନାୟକ( ଓସିଏସ) ସମବାୟ ସମିତିର ନିବନ୍ଧକ ଭୁବନେଶ୍ଵର ନୟାଗଡ଼ ସର୍କଲ ଅଧୀନରେ ଥିବା ଓଡ଼ଗାଁ ସମବାୟ ସମିତିର ପରିଚାଳନା କମିଟିକୁ ନିଲମ୍ବନ କରିଛନ୍ତି । ସମବାୟ ସମିତିର ଦୈନନ୍ଦିନ କାର୍ଯ୍ୟ ପରିଚାଳନା ପାଇଁ ନୟାଗଡ଼ ସର୍କଲ ଆଇସିଏସ ସୁଶାନ୍ତ କୁମାର ସାହୁ ଙ୍କୁ ଭାରାପ୍ରାପ୍ତ ଅଧିକାରୀ ଭାବେ ଦାୟିତ୍ଵ ନ୍ୟସ୍ତ କରାଯାଇଛି ବୋଲି ସମବାୟ ସମିତିର ଡେପୁଟି ରେଜିଷ୍ଟ୍ରାରଙ୍କ ନୟାଗଡ଼ ଡିଭିଜନ , ନୟାଗଡ଼ ତା ୨୪.୦୧.୨୦୨୫ ରିଖ ଆଦେଶ ପତ୍ରାଙ୍କ ସଂଖ୍ୟା ୧୪୧ରେ ନିର୍ଦ୍ଦେଶ ଦେଇଛନ୍ତି । ଦୀର୍ଘ ଦିନ ଧରି ଓଡ଼ଗାଁ ସମବାୟ ସମିତି ରେ ଅଚଳାବସ୍ଥା ଲାଗି ରହିବାରୁ ଅଭିଯୋଗ ହୋଇଥିଲା । ଏହି ଅଭିଯୋଗ କୁ ଭିତ୍ତିକରି ପୁଙ୍ଖାନୁପୁଙ୍ଖ ତଦନ୍ତ କରାଯାଇ ସମବାୟ ସମିତିର ପରିଚାଳନା କମିଟି କୁ ନିଲମ୍ୱିତ କରାଯାଇଛି ।