ଅନୁଗୁଳ: ମହଙ୍ଗା ପଡିଲା ଅଳ୍ପ ବୟସରେ ପ୍ରେମ । ଚାଇଲ୍ଡ କେୟାର ସେଣ୍ଟରରେ ପ୍ରେମିକା । ଅନୁଗୁଳ ଜିଲ୍ଲା କଣିଁହା ବ୍ଲକ ଗଣ୍ଡମାଳା ପଞ୍ଚାୟତର ଜଣେ ନାବାଳକ ଓ ନାବାଳିକାଙ୍କ ମଧ୍ୟରେ ପ୍ରେମ ସମ୍ପର୍କ ଗଢିଉଠିଥିଲା। ଗାଁରେ ଯାତ୍ରା ଚାଲିଥିବାବେଳେ ନାବାଳକ ଜଣକ ପ୍ରେମିକାକୁ ନିଜ ଘରକୁ ଆଣିଥିବାର ଖବର ପାଇଥିଲେ ଅଙ୍ଗନୱାଡି କର୍ମୀ ।
ଦୁଇ ପରିବାରଙ୍କ ଉପସ୍ଥିତିରେ ଚୁକ୍ତିନାମା ସ୍ବାକ୍ଷରିତ ହେବା ପରେ ନାବାଳିକା ନିଜ ଘରକୁ ଫେରିଥିଲା । ଏହି ଖବର ଅନୁଗୁଳ ଜିଲ୍ଲାପାଳ ଜାଣିବା ପରେ ଘଟଣାର ତଦନ୍ତ ପାଇଁ ଚାଇଲ୍ଡ ହେଲ୍ପଲାଇନକୁ ନିର୍ଦ୍ଦେଶ ଦେଇଥିଲେ । ଚାଇଲ୍ଡ ହେଲ୍ପଲାଇନର ସଦସ୍ୟମାନେ ରେଙ୍ଗାଳି ଥାନା ସହାୟତାରେ ପ୍ରେମିକ ପ୍ରେମିକାଙ୍କ ଘରେ ପହଞ୍ଚିଥିଲେ ।
ଉଭୟ ଅଲଗା ଅଲଗା ନିଜ ନିଜର ଘରେ ରହୁଥିବାର ଦେଖିବାକୁ ପାଇଥିଲେ । ତଥାପି ଚାଇଲ୍ଡ ହେଲ୍ପଲାଇନର ସଦସ୍ୟାମାନେ ନାବାଳିକାକୁ ଅନୁଗୁଳ ସ୍ଥିତ ଚାଇଲ୍ଡ କେୟାର ସେଣ୍ଟରକୁ ନେଇଯାଇଛନ୍ତି ।
