ନୂଆଦିଲ୍ଲୀ,୨୭।୫: ବାଂଲାଦେଶର ଚାଇନା ସହ ବଢୁଥିବା ସମ୍ପର୍କକୁ ମୁକାବିଲା କରିବା ପାଇଁ ଭାରତ ଅରୁଣାଚଳ ପ୍ରଦେଶରେ ଥିବା ୧୯୭୧ ଭାରତ-ପାକିସ୍ତାନ ଯୁଦ୍ଧ ସମୟରେ ବ୍ୟବହୃତ ବିଜୟନଗର ଏୟାରବେସ୍କୁ ପୁଣିଥରେ ସକ୍ରିୟ କରିବାକୁ ଯୋଜନା କରୁଛି। ଏହି ଏୟାରବେସ, ଯାହା ଚାଙ୍ଗ ଜିଲ୍ଲାରେ ଅବସ୍ଥିତ। ଏହା ଚାଇନା ସୀମା ନିକଟରେ ଏବଂ ଭାରତ-ବାଂଲାଦେଶ ବର୍ଡର ଠାରୁ ୨୦କିମି ଦୂରରେ ରହିଛି। ଯାହାକୁ ନେଇ ଭାରତ ଏକ ରଣନୀତି ପ୍ରସ୍ତୁତ କରୁଛି।
ରିପୋର୍ଟ ଅନୁସାରେ, ଏହି ଏୟାରବେସରେ ଆଧୁନିକ ସୁବିଧା ଯୋଗ କରାଯିବ ଏବଂ ଏହାକୁ ସାମରିକ କାର୍ଯ୍ୟକଳାପ ପାଇଁ ପୁନଃ ସକ୍ରିୟ କରାଯିବ। ବାଂଲାଦେଶରେ ଚାଇନାର ବଢୁଥିବା ପ୍ରଭାବ, ବିଶେଷକରି ସାମରିକ ଓ ଅର୍ଥନୈତିକ କ୍ଷେତ୍ରରେ, ଭାରତ ପାଇଁ ଚିନ୍ତାର କାରଣ ହୋଇଛି। ଏହି ପଦକ୍ଷେପ ମାଧ୍ୟମରେ ଭାରତ ପୂର୍ବାଞ୍ଚଳ ସୀମାରେ ନିଜର ସାମରିକ ଶକ୍ତିକୁ ମଜବୁତ କରିବାକୁ ଲକ୍ଷ୍ୟ ରଖିଛି।
ଏୟାରବେନର ପୁନରୁଦ୍ଧାର କାର୍ଯ୍ୟ ଶୀଘ୍ର ଆରମ୍ଭ ହେବ ବୋଲି ଜଣାପଡ଼ିଛି, ଯାହା ଦ୍ୱାରା ଭାରତୀୟ ବାୟୁସେନାର ଯୁଦ୍ଧ ବିମାନ ଓ ହେଲିକପ୍ଟରଗୁଡ଼ିକ ଏହି ଅଞ୍ଚଳରେ ଅଧିକ ସକ୍ରିୟ ହୋଇପାରିବ। ଏହା ଭାରତର ଜାତୀୟ ସୁରକ୍ଷା ରଣନୀତିରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ବିବେଚନା କରାଯାଉଛି।