ବ୍ରହ୍ମପୁର: ଲଘୁ ଖଣିଜ ଦ୍ରବ୍ୟ ରାଜସ୍ବ ବିଭାଗ ହାତରେ ପୂର୍ବରୁ ଥିଲା। ପ୍ରତି ବର୍ଷ ବିଭିନ୍ନ ବାଲି ଘାଟ ଓ ପଥର କୁଆଁରୀ କୁ ଟେଣ୍ଡେର କରି ଲିଜ ସୂତ୍ରରେ ସି.ଏମ ଅନୁସାରେ ଲିଜ ଧାରି ନେଉଥିଲେ। ଗତ ୨୦୧୫ ମସିହାରେ ବିଜେଡ଼ି ସରକାର ବାଲି ମାଫିଆ ମାନଙ୍କ ପାଇଁ ହାତ ଟେକି ଏକ ବର୍ଷ ବଦଳରେ ୫ ବର୍ଷିଆ ଲିଜ କରି ସେମାନଙ୍କ ହାତରେ ଲଲିପୋପ ଧରେଇଦେଲେ।୫ ବର୍ଷ ପାଇଁ ବାଲି ଘାଟ ଲିଜ ନିଅ କରି ସାତ ପୁରୁଷ ପାଇଁ ସଞ୍ଚୟ କରିବା ପରେ ଆୟାସ ଆରାମ ରେ ରୁହ ବୋଲି। ଯେଉଁ ସମୟରେ ରାଜସ୍ୱ ବିଭାଗ ୫ ବର୍ଷୀୟା ଲିଜ ପାଇଁ ପ୍ରତି ବର୍ଷ ପାଇଁ ଅର୍ଥ ଧାର୍ଯ୍ୟ କଲେ ସେତେବେଳେ କୁଆଡ଼େ ନିଷ୍ପତ୍ତି ହୋଇଥିଲା। ପ୍ରତି ବର୍ଷ ୧୦ ପ୍ରତିଶତ ରେଭିନିୟୁ ଅଧିକ ଦେବା ପାଇଁ। ଅଧିକାଂଶ ଲିଜ ଧାରୀ ଲିଜ ନେବା ପରେ ଆଉ ଅଧିକ ରେଭିନିୟୁ ଦେଲେନାହିଁ। ପରବର୍ତ୍ତୀ ସମୟରେ ଲଘୁ ଖଣିଜ ଦ୍ରବ୍ୟର ଦାୟିତ୍ୱ ମାଇନ୍ସ ବା ଖଣି ବିଭାଗ ହାତକୁ ସରକାର ଟେକିଦେଲେ। ଯାହା ଫଳରେ ବାଲି ମାଫିଆ ମାନଙ୍କ ପାଇଁ ପୁଷ ମାସ ପାଲଟିଗଲା। ଖଣି ବିଭାଗ ହାତକୁ ଗଲା ପରେ ସ୍ଥାନୀୟ ନେତାଙ୍କ ସମେତ ପୋଲିସ, ରାଜସ୍ୱ ଓ ଖଣି ବିଭାଗର ବାବୁ ମାନଙ୍କ ଅର୍ଥ ଆଦାୟ ର ବାଟ ଖୋଲିଗଲା ବୋଲି ଆଲୋଚନା ହେଲା। ଖଣି ହେଉକି ରାଜସ୍ୱ ବିଭାଗ ଧରପଗଡ଼ ବେଳେ ପୋଲିସ ର ଭୂମିକା ଗୁରୁତ୍ୱ ପୂର୍ଣ୍ଣ ରହେ। ଉଭୟ ବିଭାଗ ଜବତ ଗାଡ଼ିକୁ ପୋଲିସର ଜିମାରେ ରଖନ୍ତି। ବାବୁ ମାନେ ଧରିଲେ ଲାଭ ଛାଡିଲେ ଲାଭରେ ରହୁଥିବା ନେଇ ଚର୍ଚ୍ଚା ହୁଏ। ବିଭିନ୍ନ ବାଲି ଘାଟ ଗୁଡ଼ିକୁ ୫ ବର୍ଷ ପାଇଁ ଯେତିକି ସିଏମ ବା ବର୍ଗ ମିଟର ଦିଆଯାଉଛି। ଲିଜ ଧାରୀ ମାନେ ୫ ବର୍ଷ ବଦଳରେ ପ୍ରତି ମାସରେ ୫ ବର୍ଷର ବାଲି ଉତ୍ତୋଳନ କରୁଥିବା ଅଭିଯୋଗ ହେଉଛି। ଏହି ବର୍ଗ ମିଟର ଖେଳରେ ନେତା,ବାବୁ ଓ ମାଫିଆ ମାନେ ମାଲାମାଲ ହେଉଥିବା ବେଳେ ଲଘୁ ଖଣିଜ ଦ୍ରବ୍ୟ ଲୁଟ ଯୋଗୁଁ ସରକାର କୋଟି କୋଟି ଟଙ୍କାର ରାଜସ୍ୱ ହରାଉଛନ୍ତି। ଏବେ ନୂତନ ସରକାର ଆସିବା ପରେ ସ୍ଥାନୀୟ ନେତାଙ୍କ ସମ୍ପୃକ୍ତି ଯୋଗୁଁ ବାଲି ମାଫିଆ ମାନଙ୍କ ଖର୍ଚ୍ଚ ବଢ଼ି ଯାଇଥିବା ଚର୍ଚ୍ଚା ହେଉଛି। ଏବେ ଡ୍ରନ୍ ସାହାଯ୍ୟରେ କେଉଁ ବାଲି ଘାଟ କେତେ ସେମି ବାଲି ଉତ୍ତୋଳନ କରୁଛି ସର୍ଭେ ଚାଲିଛି। ଏହି ସର୍ଭେ ଧର୍ମକୁ ଆଖି ଠାର ସଦୃଶ୍ୟ ହୋଇଛି। ଯେଉଁ ଯେଉଁ ସ୍ଥାନରୁ ବାଲି ଉତ୍ତୋଳନ ହେଉଛି। ସେହି ସମଗ୍ର ସ୍ଥାନକୁ ବାବୁ ମାନେ ଡ୍ରନ୍ ପଠେଇବାକୁ ନାରାଜ ରହିବା ପଛରେ ଉଦେଶ୍ୟ କଣ…? ଥରେ ନେତା ମାନେ ନିର୍ବାଚିତ ହେଲେ ସବୁ ଦିନ ପାଇଁ ପେନସେନ ଯେପରି ଲାଗୁ ହେଉଛି। ସେହି ପରି ଥରେ ବାଲି ଘାଟ ଲିଜ ନେଲେ ସାତ ପୁରୁଷ ପାଇଁ ଅର୍ଥ ସଞ୍ଚୟ କରାଯାଉଥିବା ଲୋକେ ଆଲୋଚନା କରୁଛନ୍ତି।