କିବ୍ : ୟୁକ୍ରେନ ଉପରେ ରୁଷ ପକ୍ଷରୁ ଏକ ବଡ଼ ଆକ୍ରମଣ କରାଯାଇଛି । ଏଥିରେ ୟୁକ୍ରେନର ବ୍ୟାପକ କ୍ଷୟକ୍ଷତି ହୋଇଛି ବୋଲି ୟୁକ୍ରେନୀୟ ବାୟୁସେନା କହିଛି ।
ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି ଯେ ଶୁକ୍ରବାର ରାତିରେ ରୁଷ ୟୁକ୍ରେନ ଉପରେ ୫୯୭ଟି ଡ୍ରୋନ୍ ଏବଂ ୨୬ଟି କ୍ଷେପଣାସ୍ତ୍ର ମାଧ୍ୟମରେ ପ୍ରଚଣ୍ଡ ଆକ୍ରମଣ କରିଥିଲା। ଏହା ଗତ କିଛି ମାସ ମଧ୍ୟରେ ରୁଷ ଦ୍ୱାରା କରାଯାଇଥିବା ସବୁଠାରୁ ବଡ଼ ଆକ୍ରମଣ। ଜେଲେନସ୍କିଙ୍କ କହିବା ଅନୁଯାୟୀ, ଏହି ଡ୍ରୋନଗୁଡ଼ିକ ମଧ୍ୟରୁ ଅଧିକାଂଶ ‘ଶାହେଦ’ ଡ୍ରୋନ ଥିଲା, ଯାହା ଇରାନରେ ତିଆରି ହୋଇଥାଏ। ସେ ବିଶ୍ୱକୁ ରୁଷ ଉପରେ କଠୋର କଟକଣା ଲାଗୁ କରିବାକୁ ନିବେଦନ କରିଥିଲେ ଯାହାଦ୍ୱାରା ଏପରି ଆକ୍ରମଣ ବନ୍ଦ ହୋଇପାରିବ।
ୟୁକ୍ରେନୀୟ ବାୟୁସେନା କହିଛି ଯେ ସେମାନେ ୩୧୯ ଡ୍ରୋନ୍ ଏବଂ ୨୫ଟି କ୍ଷେପଣାସ୍ତ୍ର ଖସାଇ ଦେଇଛନ୍ତି। କିନ୍ତୁ ପ୍ରାୟ ୨୦ଟି ଡ୍ରୋନ୍ ଏବଂ ଗୋଟିଏ କ୍ଷେପଣାସ୍ତ୍ର ପାଞ୍ଚଟି ସ୍ଥାନରେ ପଡ଼ିବାରୁ କ୍ଷତି ହୋଇଥିଲା। ତଥାପି, ଏହି ପାଞ୍ଚଟି ସ୍ଥାନ କେଉଁ ତାହା ବାୟୁସେନା ପ୍ରକାଶ କରିନାହିଁ।