ଲକ୍ଷ୍ମୀପୁର : କାଳେ କାଳେ ପ୍ରେମକୁ ନେଇ ପ୍ରଳୟ ଘଟିଛି । ପ୍ରେମ ପାଇଁ କେଉଁଠି ପରିବାରକୁ ଏକ ଘରିଆ କରାଯାଉଛି ତ କେଉଁଠି ହତ୍ୟା । ଏପରି ବହୁ ଅଘଟଣ ଘଟୁଛି ପ୍ରେମକୁ ନେଇ । କିଛି ଦିନ ତଳେ ରାୟଗଡ଼ା ଜିଲ୍ଲା କଞ୍ଜମଯୋଡ଼ିରେ ଘଟିଥିଲା ଏମିତି ଏକ ଅଭାବନୀୟ ଘଟଣା । ଯେଉଁଠି ଜଣେ ଯୁବକ ତାର ସମ୍ପର୍କୀୟା ପିଉସୀକୁ ବିବାହ କରି କଙ୍ଗାରୁ କୋର୍ଟର ସାମ୍ନା କରିଥିଲେ ।
ଯାହା ଫଳରେ ଉଭୟଙ୍କ ବେକରେ ଜୁଆଳି ପକାଇ ଜମିରେ ହଳ କରାଯାଉଥିବାର ଦୃଶ୍ୟ ଦେଖିବାକୁ ମିଳିଥିଲା । ଆଜି ପୁଣି ଏହି ଘଟଣାର ପୁନରାବୃତ୍ତି ଘଟିଛି କୋରାପୁଟରେ । ଜଣେ ଯୁବକ ଗୋଟିଏ ବଂଶ ଭିତରେ ବାହା ହେବାକୁ ନେଇ ତାଙ୍କୁ ପୁଣି କଙ୍ଗାରୁ କୋର୍ଟର ସାମ୍ନା କରିବାକୁ ପଡିଛି । ଉଭୟଙ୍କୁ ଗାଁ ଦାଣ୍ଡରେ ପାପ ଶୁଦ୍ଧି ପାଇଁ ପୁଣି ବଳଦ ଦଣ୍ଡ ଦିଆଯାଇଛି । ଫଳରେ ଜୁଆଲିରେ ଯୋଟାଯାଇ ହଳ କରାଯାଉଥିବା ଦେଖିବାକୁ ମିଳିଛି । କୋରାପୁଟ ଜିଲ୍ଲା ନାରାୟଣପାଟଣା ବ୍ଲକ୍ ବୋରିଗି ପଂଚାୟତ ପେଦା ଇଟିଗି ଗାଁରେ ଦେଖିବାକୁ ମିଳିଛି ଏ ଦୃଶ୍ୟ ।