ନୂଆଦିଲ୍ଲୀ: ଦିଲ୍ଲୀ ହାଇକୋର୍ଟର ବିଚାରପତି ଜଷ୍ଟିସ୍ ଯଶୱନ୍ତ ବର୍ମାଙ୍କୁ ହଟାଇବା ପ୍ରକ୍ରିୟା ଆନୁଷ୍ଠାନିକ ଭାବରେ ଆରମ୍ଭ ହୋଇଛି। ରାଜ୍ୟସଭା ଅଧ୍ୟକ୍ଷ ଏବଂ ଉପରାଷ୍ଟ୍ରପତି ଜଗଦୀପ ଧନଖର ସୋମବାର ସଂସଦରେ କହିଛନ୍ତି ଯେ ସେ ସମ୍ବିଧାନର ଧାରା ୨୧୭(୧)(ବି), ୨୧୮ ଏବଂ ୧୨୪(୪) ଅନୁଯାୟୀ ଏକ ନୋଟିସ ପାଇଛନ୍ତି।
ସେ କହିଛନ୍ତି ଯେ ରାଜ୍ୟସଭାର ୫୦ରୁ ଅଧିକ ସଦସ୍ୟ ଏହି ନୋଟିସରେ ସ୍ୱାକ୍ଷର କରିଛନ୍ତି। ଏହା ସହିତ ଆବଶ୍ୟକ ସଂଖ୍ୟା ସର୍ତ୍ତ ପୂରଣ ହୋଇଛି। କେବଳ ଏତିକି ନୁହେଁ, ଲୋକସଭାର ୧୫୨ ଜଣ ସାଂସଦ ମଧ୍ୟ ଏହା ଉପରେ ନୋଟିସ ଦେଇଛନ୍ତି। ବର୍ତ୍ତମାନ, ଏହି ନୋଟିସ ଆଧାରରେ, ଏକ କମିଟି ଗଠନ କରାଯିବ, ଯାହା ଜଷ୍ଟିସ୍ ବର୍ମାଙ୍କ ବିରୋଧରେ ଅଭିଯୋଗର ତଦନ୍ତ କରିବ। ଧନଖର କହିଛନ୍ତି ଯେ ଯଦି ଉଭୟ ଗୃହରେ ଗୋଟିଏ ଦିନରେ ନୋଟିସ୍ ଦିଆଯାଏ, ତେବେ ଏହାର ପ୍ରକ୍ରିୟା ଭିନ୍ନ, କିନ୍ତୁ ଏହି ମାମଲାରେ ନୋଟିସ୍ ଭିନ୍ନ ଦିନରେ ଆସିଛି। ଏହି ଆଧାରରେ, ସେ ପରବର୍ତ୍ତୀ କାର୍ଯ୍ୟ ଆରମ୍ଭ କରିବାକୁ ରାଜ୍ୟସଭାର ମହାସଚିବଙ୍କୁ ନିର୍ଦ୍ଦେଶ ଦେଇଛନ୍ତି।
ସମ୍ବିଧାନର ଧାରା ୧୨୪(୪)) ଏବଂ ୨୧୭(୧)(ବି), ଅନୁଯାୟୀ, ସଂସଦର ପ୍ରତ୍ୟେକ ଗୃହରେ ଦୁଇ-ତୃତୀୟାଂଶ ବହୁମତ ଦ୍ୱାରା ଏକ ସଂକଳ୍ପ ଗୃହୀତ ହେଲେ ଜଣେ ଉଚ୍ଚ କିମ୍ବା ଉଚ୍ଚତମ ନ୍ୟାୟାଳୟ ବିଚାରପତିଙ୍କୁ ଖରାପ ଆଚରଣ କିମ୍ବା କ୍ଷମତା ଅପବ୍ୟବହାର ଆଧାରରେ ମହାଭିଯୋଗ ଆଣି ଅପସାରଣ କରାଯାଇପାରିବ।