ନୂଆଦିଲ୍ଲୀ : ବିଜେପି ହାତ ଛାଡ଼ିଲା ତାମିଲନାଡୁର ପୂର୍ବତନ ମୁଖ୍ୟମନ୍ତ୍ରୀ ଓ ପନୀରସେଲଭମଙ୍କ ନେତୃତ୍ଵାଧୀନ ଏଆଇଏଡିଏମକେ ଦଳ। ବିଜେପି ନେତୃତ୍ଵାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ(ଏନଡିଏ) ସହିତ ଦଳ ସମସ୍ତ ସମ୍ପର୍କ ଚ୍ଛିନ୍ନ କରିବା ନେଇ ଗୁରୁବାର ଘୋଷଣା କରାଯାଇଛି। ଏଆଇଏଡିଏମକେ କ୍ୟାଡର୍ସ ରାଇଟ୍ସ ରିଟ୍ରିଭାଲ କମିଟିର ଉପଦେଷ୍ଟା ପନରୁତି ଏସ. ରାମଚନ୍ଦ୍ରନ ଏକ ସାମ୍ବାଦିକ ସମ୍ମିଳନୀରେ ଏହି ଘୋଷଣା କରିଛନ୍ତି। ଏହା ପରଠାରୁ କମିଟି ଏନଡିଏର ଆଉ ଅଂଶ ହୋଇ ରହିବ ନାହିଁ ବୋଲି ରାମଚନ୍ଦ୍ରନ କହିଛନ୍ତି।
ରାମଚନ୍ଦ୍ରନ କହିଛନ୍ତି, ପନୀରସେଲଭମ ଖୁବଶୀଘ୍ର ରାଜ୍ୟର ବିଭିନ୍ନ ଅଞ୍ଚଳକୁ ଗସ୍ତ କରିବେ। ଏହି ସମୟରେ ସେ ଦଳର ସ୍ଥିତିକୁ ମଜଭୁତ କରିବା ଲାଗି ଜନତାଙ୍କ ସହିତ ସିଧାସଳଖ ମିଶିବେ। ଦଳର ଏହି ଘୋଷଣା ପରେ ଆଗାମୀ ବିଧାନସଭା ନିର୍ବାଚନରେ ଏଆଇଏଡିଏମକେ ଏକାକୀ ମଇଦାନକୁ ଓହ୍ଲାଇବ ବୋଲି ସ୍ପଷ୍ଟ ହୋଇଛି।