ଆଜମେର: ପ୍ରେମିକା ସହ ମିଶି ପତ୍ନୀଙ୍କୁ ହତ୍ୟା କଲେ ବିଜେପି ନେତା । ପ୍ରେମିକାଙ୍କ ସହ ବନ୍ଧାହେଲେ । ରାଜସ୍ଥାନ ଆଜମେରର କିଶନଗଡ଼ରେ ବିଜେପିର ଜଣେ ନେତା ତାଙ୍କ ପତ୍ନୀଙ୍କୁ ହତ୍ୟା ମାମଲାରେ ଗିରଫ ହୋଇଛନ୍ତି । ଏହି ମାମଲାରେ ପୋଲିସ ତାଙ୍କ ପତ୍ନୀଙ୍କୁ ହତ୍ୟା କରିଥିବା ବିଜେପି ନେତା ରୋହିତ ସାଇନିଙ୍କ ପ୍ରେମିକା ଋତୁ ସାଇନିଙ୍କୁ ମଧ୍ୟ ଗିରଫ କରିଛି। ପୋଲିସ ପଚରାଉଚରା ସମୟରେ ଏହା ମଧ୍ୟ ଜଣାପଡ଼ିଥିଲା ଯେ ଋତୁ ତାଙ୍କ ସ୍ୱାମୀଙ୍କୁ ସଞ୍ଜୁଙ୍କଠାରୁ ଅଲଗା ହେବା ପାଇଁ ପାଇଁ ଲଗାତାର ଚାପ ଦେଉଥିଲେ। ପୋଲିସ ଋତୁକୁ ଗିରଫ କରିବା ସହ ଏବେ ଏହି ମାମଲାରେ ଅଧିକ ତଦନ୍ତ ଆରମ୍ଭ କରିଛି ।
ତେବେ ମାମଲା ସମ୍ପର୍କରେ ସୂଚନା ଦେଇ ପୋଲିସ କହିଛି, ଯେ କିଶନଗଡ଼ରେ ବିଜେପି ମଣ୍ଡଳ ସାଧାରଣ ସମ୍ପାଦକ ରୋହିତ ସାଇନି ତାଙ୍କ ପତ୍ନୀ ସଞ୍ଜୁ ସାଇନିଙ୍କୁ ତାଙ୍କ ପ୍ରେମିକା ସହିତ ଯୋଜନା କରି ଗତ ଅଗଷ୍ଟ ୧୦ ତାରିଖରେ ହତ୍ୟା କରିଥିଲେ। ରୋହିତ ଏବଂ ଋତୁ ଉଭୟ ୨ ବର୍ଷ ଧରି ସମ୍ପର୍କରେ ଥିଲେ। ପୋଲିସ ପଚରାଉଚରା ସମୟରେ ଏହା ମଧ୍ୟ ଜଣାପଡ଼ିଥିଲା ଯେ ହତ୍ୟା ସମୟରେ ଋତୁ ଉପସ୍ଥିତ ନଥିଲେ କିନ୍ତୁ ଯୋଜନାରେ ସାମିଲ ଥିଲେ।