ଗଞ୍ଜାମ: ମାତିଛି ପାଗଳ କୁକୁର। କୁକୁର କାମୁଡ଼ାରେ ୧୨ ଜଣ ଆହତ ହୋଇଛନ୍ତି। ଗଞ୍ଜାମ ଜିଲ୍ଲା ଧରାକୋଟ ବ୍ଲକରେ ପାଗଳ କୁକୁର ଆତଙ୍କ ଦେଖିବାକୁ ମିଳିଛି। ଧରାକୋଟ ବ୍ଲକର କୁସୁରାବ, ଲକ୍ଷ୍ମୀପୁର ଓ ବରୁଗୁଡ଼ା ଗାଁରେ ଗୋଡାଇ ଗୋଡାଇ କାମୁଡୁଛନ୍ତି ପାଗଳ କୁକୁର।
ଫଳରେ ଲୋକମାନେ ଘରୁ ବାହାରକୁ ବାହାରିବାକୁ ଭୟ କରୁଛନ୍ତି। କେବଳ ମଣିଷ ନୁହଁନ୍ତି ଗାଈ, ଛେଳି ଓ ଭଲ କୁକୁରଙ୍କୁ ବି କାମୁଡି ଘାଇଲା କରୁଛି ପାଗଳା କୁକୁର। କୁସୁରାବ ଗାଁର ଲୋକେ କୁକୁରଟିକୁ ବାଡେଇ ବାଡେଇ ମାରିଦେଇଥିବା ଜଣାପଡିଛି ।