ରାଜସ୍ୱ ମନ୍ତ୍ରୀଙ୍କ ବୁଲଡୋଜର ଆକ୍ସନ ଧୂଆଁ ବାଣ ନୁହଁତ ?..!
ବ୍ରହ୍ମପୁର: ଗଞ୍ଜାମ ଜିଲ୍ଲାର ଅଧିକାଂଶ ଅଞ୍ଚଳ ରେ ଥିବା କୋଟି କୋଟି ଟଙ୍କାର ସରକାରୀ ଜମି ଏବେ ମାଫିଆ ମାନଙ୍କ ଜବର ଦଖଲରେ ରହିଛି। କ୍ଷମତାର ଅପବ୍ୟବହାର କରି ନେତାଙ୍କ ଠାରୁ ଆରମ୍ଭ କରି ପ୍ରଶାସନିକ ଅଧିକାରୀଙ୍କ ଖାସ ଲୋକଙ୍କ ନାଁ ରେ ସରକାରୀ ଜମିକୁ କରାଯାଇଥିବା ଦୀର୍ଘ ଦିନ ହେଲା ଅଭିଯୋଗ ହୋଇଆସୁଛି। ଗତ ଦଶ ବର୍ଷ ମଧ୍ୟରେ ଗଞ୍ଜାମ ଜିଲ୍ଲାର ଛତ୍ର ପୁର,ବ୍ରହ୍ମପୁର, କୁକୁଡାଖଣ୍ଡି ଆସିକା, ଭଞ୍ଜନଗର, ହିଞ୍ଜିଳି, କନିସୀ, ଶେରଗଡ଼, ବାଲିପଦର ପୁରୁଷୋତ୍ତମପୁର, ଦିଗପହଣ୍ଡି ଆଦି ଅଞ୍ଚଳ ରେ ଥିବା ସରକାରୀ ଜମିକୁ କିଛି ଯୁବନେତା, ପ୍ରଭାବଶାଳୀ ବ୍ୟକ୍ତି ଜିଲ୍ଲାର ବଡ଼ ବାବୁ ମାନଙ୍କୁ ସାଇଲେନ୍ସ- ପ୍ଲିଜ କରି ନିଜ ନାମରେ ପଟ୍ଟା କରି ଜମି ହଡ଼ପ କରିଥିବା ଅଭିଯୋଗ ହୋଇଆସୁଛି। ଗତ ସରକାରଙ୍କ ସମୟରେ ସ୍ଥାନୀୟ ନେତା ଓ ବଡ଼ ବାବୁ ମାନଙ୍କୁ ଖୁଷ କରି ଜମି ହଡ଼ପ କରିଥିବା କରିତକର୍ମା ବ୍ୟକ୍ତି ଏବେ ଶାସକ ଦଳର ନେତାଙ୍କ ପାଖରେ ଆଶ୍ରୟ ନେଇ ହଡ଼ପ କରିଥିବା ଜମିକୁ ପ୍ଳଟିଙ୍ଗ କରି ବିକ୍ରି ପାଇଁ ମସୁଧା କରୁଥିବା ଆଲୋଚନା ହେଉଛି। ଏହି ଦଶ ବର୍ଷ ଭିତରେ କୋଟି କୋଟି ଟଙ୍କାର ଅମାପ ସମ୍ପତ୍ତି କରିଥିବା ବ୍ୟକ୍ତିଙ୍କ ଉପରେ ଇଡ଼ି ଓ ଆଇଟି ଚଢ଼ାଉ ହେଲେ ବାବୁ ମାନଙ୍କ ସମେତ ଜମି ମାଫିଆ ମାନଙ୍କ ଅସଲମୁଖା ଖୋଲିବ। ନୂତନ ସରକାର ହେବାର ବର୍ଷେ ହେଲାଣି ବୁଲଡୋଜର ଗଞ୍ଜାମ ଜିଲ୍ଲାକୁ ଆସିବାରେ ବିଳମ୍ବ କାହିଁକି ହେଉଛି….?ବୋଲି ସାଧାରଣ ରେ ପ୍ରଶ୍ନ ଉଠୁଛି l ସୂଚନା ଆଇନ ମାଧ୍ୟମରେ ସୂଚନା ତହସିଲଦାର ଙ୍କୁ ମଗା ଗଲେ କେବଳ କାଗଜ କଲମ ରେ ହିଁ ସରକାରୀ, ଗୋଚର, ଏବଂ ପତିତ ଗ୍ରାମ କଣ୍ଟକ ଜମି ଦେଖିବାକୁ ମିଳୁଛି ଲସକାରୀ ଏବଂ ଗୋଚର ଜମିରେ ମାଳ ମାଳ କୋଠା ଦେଖାଯାଉଛି l ଜିଲ୍ଲା ପ୍ରଶାସନ ଏବଂ ସ୍ଥାନୀୟ ତହସିଲଦାର ସବୁ ଜାଣି ମାଫିଆ ମାନଙ୍କ ଠାରୁ ଘୁସ ନେଇ ଚୁପ ବସିଛନ୍ତି l ଏପଟେ ନୂତନ ସରକାର ଜବରଦଖଲ ଉଛେଦ ପାଇଁ ନିୟମ ପରେ ନିୟମ କରୁଛନ୍ତି କିନ୍ତୁ ଗଞ୍ଜାମ ଜିଲ୍ଲା ଉପରେ ତାହାର ପ୍ରଭାବ ପଡିବା ଦେଖା ଯାଉନି l କୁକୁଡାଖଣ୍ଡି ତହସିଲ ଏହାର ଜ୍ୱଳନ୍ତ ଉଦାହରଣ କାରଣ ଏଠାରେ ସରକାରୀ ଜମି ଏପରକି ଗୋଚର ଜମିକୁ ମାଫିଆ ମାନଙ୍କ ହାତରେ ଟେକି ଦେଇ ଛନ୍ତି କହିଲେ କିଛିବି ଭୁଲ ହେବନାହିଁ l ଏଠାରେ ଅଭିଯୋଗ କଲେ ବି କିଛି ଲାଭ ନାହିଁ କାରଣ ତହସିଲ କର୍ମଚାରୀ ମାନଙ୍କ ଭାଗ ବି ରହିଛି ବୋଲି ସାଧାରଣ ରେ ଅଭିଯୋଗ ଆସୁଛି l ତେଣୁ ସରକାର ଙ୍କ ବୁଲଡୋଜର ଭୟ ଧର୍ମକୁ ଆଖିଠାର ସଦୃଶ୍ୟ..