ଭୁବନେଶ୍ୱର : ଭୁବନେଶ୍ୱରକୁ ଗୋଟିଏ ବିଶ୍ଵସ୍ତରୀୟ ସହର କରିବା ପାଇଁ ଅନେକ କାର୍ଯ୍ୟକ୍ରମ ହାତକୁ ନିୟାଯାଇଛି । ଓଡ଼ିଶା ସରକାର କ୍ଵାଡ଼ ସିଟି ପ୍ରୋଗ୍ରାମ ଜରିଆରେ ଭୁବନେଶ୍ୱର, ପୁରୀ, କଟକ, ଏବଂ ପାରାଦ୍ୱୀପକୁ ମିଶାଇ ଏକ ଅର୍ଥନୈତିକ ଜୋନ କରିବା ପାଇଁ ରାଜ୍ୟ ସରକାର ପ୍ଲାନ ରଖିଛନ୍ତି । ସେହିଭଳି ସୁନାବେଡା, କୋରାପୁଟ, ବରଗଡ଼, ସମ୍ବଲପୁରକୁ ନେଇ ଅନ୍ୟ ଏକ ଅର୍ଥନୈତିକ ଜୋନ ହେବ । ତା ବାଦ ଉତ୍ତରରେ ମଧ୍ୟ ରାଉରକେଲା, କେଉଁଝରର ବଡ଼ବିଲକୁ ନେଇ ଅନ୍ୟ ଏକ ଅର୍ଥନୈତିକ ଜୋନ କରାଯିବ ।
ଯେଉଁ ସହରଗୁଡିକ ରାଜ୍ୟର ଜ଼ିଡିପିରେ ପ୍ରମୁଖ ଦାୟିତ୍ୱ ନେଉଛନ୍ତି ସେହି ସହରମାନଙ୍କୁ ନେଇକି ଅର୍ଥନୀତିକ ଜୋନ ପ୍ରସ୍ତୁତ ହେଉଛି ବୋଲି ଗୃହ ଏବଂ ନଗର ଉନ୍ନୟନ ବିଭାଗର ପ୍ରମୁଖ ସଚିବ ଉଷା ପାଢୀ ସୂଚନା ଦେଇଛନ୍ତି । କେବଳ ସହରାଞ୍ଚଳ ବୃଦ୍ଧି ନୁହେଁ ବରଂ ରାଜ୍ୟର ଅର୍ଥନୀତିକ କାରବାର ବୃଦ୍ଧି କରିବା ସରକାରଙ୍କ ଲକ୍ଷ୍ୟ । ରାଜ୍ୟ ସରକାରଙ୍କ ଏକ ଆନ୍ତରିଣ କମିଟି ଏବଂ ନୀତି ଆୟୋଗର ସମନ୍ୱୟରେ ଏହି କ୍ଵାଡ଼ ସିଟି ଯୋଜନା ଆଗକୁ ବଢୁଛି ।
ଏକ ଆଭ୍ୟନ୍ତରୀଣ କମିଟି ଏବଂ ନୀତି ଆୟୋଗ ସହିତ ସମନ୍ୱୟରେ କ୍ୱାଡ୍ ସିଟି ଯୋଜନା କାର୍ଯ୍ୟକାରୀ କରାଯାଉଛି । ସରକାରଙ୍କ ଲକ୍ଷ୍ୟକୁ ଦୋହରାଇ ପାଢୀ କହିଛନ୍ତି ଯେ ଏହାର ଲକ୍ଷ୍ୟ ହେଉଛି ରାଜ୍ୟରେ ସହରାଞ୍ଚଳ ବିକାଶ ଏବଂ ଆର୍ଥିକ କାରବାର ଉଭୟକୁ ବୃଦ୍ଧି କରିବା ।