ପଞ୍ଜାବ: ଗତ ଗୋଟିଏ ମାସ ଧରି ପଞ୍ଜାବରେ ଗମ୍ଭୀର ବନ୍ୟା ସମସ୍ୟା ଦେଖାଦେଉଛି । ଅଗଷ୍ଟ ୧ ତାରିଖରୁ ରାଜ୍ୟରେ ବନ୍ୟା ଯୋଗୁଁ ୩୦ ଜଣଙ୍କର ମୃତ୍ୟୁ ହୋଇଛି ଏବଂ ୨.୫୬ ଲକ୍ଷରୁ ଅଧିକ ଲୋକ ପ୍ରଭାବିତ ହୋଇଛନ୍ତି । ରାଜ୍ୟ ସରକାର ଏହାକୁ ଦଶନ୍ଧି ମଧ୍ୟରେ ସବୁଠାରୁ ଗମ୍ଭୀର ପ୍ରାକୃତିକ ବିପର୍ଯ୍ୟୟ ବୋଲି କହିଛନ୍ତି । ରାଜ୍ୟରେ ସତଲେଜ୍, ବ୍ୟାସ୍ ଏବଂ ରବି ନଦୀର ପ୍ରବାହିତ ହେବା ସହିତ ଋତୁକାଳୀନ ଡ୍ରେନରେ ଜଳସ୍ତର ବୃଦ୍ଧି ପାଇବା ଯୋଗୁଁ ଅନେକ ଜିଲ୍ଲାରେ ବ୍ୟାପକ କ୍ଷୟକ୍ଷତି ହୋଇଛି ।
ବନ୍ୟାର ସର୍ବାଧିକ ପ୍ରଭାବ ଅମୃତସରରେ ଦେଖାଯାଇଛି , ଯେଉଁଠାରେ ୩୫,୦୦୦ ଲୋକ ପ୍ରଭାବିତ ହୋଇଛନ୍ତି । ଏହା ପରେ ଫିରୋଜପୁରରେ ୨୪,୦୧୫, ଫାଜିଲକାରେ ୨୧,୫୬୨, ପଠାନକୋଟରେ ପଠାନକୋଟରେ ୧୫,୦୫୩, ଗୁରୁଦାସପୁରରେ ୧୪,୫୦୦, ହୋସିଆରପୁରରେ ୧,୧୫୨, ଏସଏଏସ୍ ନଗରରେ ୭,୦୦୦, କପୁରଥଲାରେ ୫,୬୫୦, ମୋଗାରେ ୮୦୦, ଜଳନ୍ଧରରେ ୬୫୩, ମାନସାରେ ୧୬୩ ମାନସାରେ ୧୬୩ ଏବଂ ବର୍ଣ୍ଣାଲାରେ ୫୯ ଜଣ ପ୍ରଭାବିତ ହୋଇଛନ୍ତି ।
ଏଥିସହ ଜାଣିରଖନ୍ତୁ ଯେ, ପଞ୍ଜାବର ପ୍ରାୟ ୧୩୦୦ ଗାଁ ବନ୍ୟାରେ ବୁଡିଯାଇଛି । ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଛନ୍ତି ଏବଂ ହଜାର ହଜାର ଲୋକ ବାସହୀନ ହୋଇଛନ୍ତି । ରାଜ୍ୟ ସରକାରଙ୍କ ଅନୁଯାୟୀ, ପଠାନକୋଟରେ ସର୍ବାଧିକ ୬ ଜଣଙ୍କର ମୃତ୍ୟୁ ରେକର୍ଡ କରାଯାଇଛି । ଅମୃତସର, ବର୍ଣ୍ଣାଲା, ହୋସିଆରପୁର, ଲୁଧିଆନା, ମାନସା ଏବଂ ରୂପନଗରରେ ପ୍ରତ୍ୟେକ ୩ ଜଣଙ୍କର ମୃତ୍ୟୁ ହୋଇଛି । ବଥିଣ୍ଡା, ଗୁରୁଦାସପୁର, ପଟିଆଲା, ମୋହାଲି ଏବଂ ସଂଗ୍ରୁରରେ ପ୍ରତ୍ୟେକ ୧ ଜଣଙ୍କର ମୃତ୍ୟୁ ରେକର୍ଡ କରାଯାଇଛି ।
ପଠାନକୋଟରେ ଏବେ ବି 3 ଜଣ ନିଖୋଜ ଅଛନ୍ତି ବୋଲି ଜଣାପଡିଛି । ଏପର୍ଯ୍ୟନ୍ତ ୧୫,୬୮୮ ଜଣଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇଛି । ଗୁରଦାସପୁରରେ ସର୍ବାଧିକ ୫,୫୪୯ ଜଣଙ୍କୁ ଉଦ୍ଧାର କରାଯାଇଥିବା ବେଳେ ଫିରୋଜପୁରରେ ୩,୩୨୧, ଫାଜିଲକାରେ ୨,୦୪୯, ଅମୃତସରରେ ୧୭୦୦ ଏବଂ ପଠାଣକୋଟରେ ୧,୧୩୯ ଜଣଙ୍କୁ ବନ୍ୟା ପ୍ରଭାବିତ ଅଞ୍ଚଳରୁ ଉଦ୍ଧାର କରାଯାଇଛି ।
ସାରା ରାଜ୍ୟରେ NDRF, SDRF, ସେନା ଏବଂ ପଞ୍ଜାବ ପୋଲିସ ରିଲିଫ୍ କାର୍ଯ୍ୟରେ ନିୟୋଜିତ ଅଛନ୍ତି । ପଠାନକୋଟ, ଗୁରୁଦାସପୁର, ଅମୃତସର, ଫିରୋଜପୁର, ଫାଜିଲକା ଏବଂ ବଥିଣ୍ଡାରେ NDRFର ୨୦ଟି ଦଳ ନିୟୋଜିତ ହୋଇଛନ୍ତି । ଏପର୍ଯ୍ୟନ୍ତ ସେନା, ବିଏସଏଫ ଏବଂ ପ୍ରଶାସନ ଦ୍ୱାରା ୧୪,୯୩୬ ଜଣଙ୍କୁ ସୁରକ୍ଷିତ ଭାବରେ ଉଦ୍ଧାର କରାଯାଇଛି ।
ହେଲେ, ଜାଣିରଖନ୍ତୁ ଯେ, ପଞ୍ଜାବରେ ବନ୍ୟା ପରିସ୍ଥିତି ଗମ୍ଭୀର ରହିଛି । ରିଲିଫ୍ ଏବଂ ଉଦ୍ଧାର କାର୍ଯ୍ୟ ଜାରି ରହିଛି, କିନ୍ତୁ ତଥାପି ଲକ୍ଷ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ପ୍ରଶାସନ ସ୍ପଷ୍ଟ ଭାବରେ କହିଛି ଯେ ପାଣି କମିବା ପରେ ହିଁ ପ୍ରକୃତ କ୍ଷୟକ୍ଷତିର ସମ୍ପୂର୍ଣ୍ଣ ଆକଳନ କରାଯାଇପାରିବ ।