କଟକ: କଟକ ଜିଲ୍ଲାରେ ବର୍ଷ ବର୍ଷ ହେଲା ଫେରାର୍ ଥିବା ୩୩ ଜଣ ୱାରେଣ୍ଟ୍ ଆସାମୀଙ୍କୁ କଟକ ଜିଲ୍ଲା ପୋଲିସ ପଳାତକ ଘୋଷଣା କରିଛି । ସମ୍ପୃକ୍ତ ୩୩ ଜଣଙ୍କ ୱାରେଣ୍ଟ୍ ଆସାମୀଙ୍କ ସ୍ଥାୟୀ ଠିକଣାରେ ଥାନା ଅଧିକାରୀମାନେ ପହଞ୍ଚିଛନ୍ତି । ଜାମିନ ବିହୀନ ଗିରଫ ପରୱାନା ଜାରି ହୋଇଥିବା ଆସାମୀଙ୍କ ଗାଁରେ ଡେଙ୍ଗୁରା ବଜାଇ ଓ ମାଇକରେ ସତର୍କ କରାଇଛି ପୋଲିସ ।
ବିଏନଏସ୍ ଧାରା ୮୪ରେ ପୁଲିସ ନୋଟିସ୍ ଜାରି କରିଛି । ଜାରି ହୋଇଥିବା ନୋଟିସ୍କୁ ସମ୍ପୃକ୍ତ ଆସାମୀମାନଙ୍କ ଘର କାନ୍ଥରେ ଓ ଗ୍ରାମ ପଞ୍ଚାୟତ ଅଫିସରେ ପୋଲିସ ଲଟକା ଜାରି କରିଛି । ମାସକ ଭିତରେ ଆତ୍ମସମର୍ପଣ ନ କଲେ ସମ୍ପୃକ୍ତ ୩୩ ଜଣ ଯାକ ୱାରେଣ୍ଟ୍ ଆସାମୀଙ୍କ ସମ୍ପତ୍ତି ବାଜ୍ୟାପ୍ତି ପାଇଁ ବିଏନଏସଏସ୍ ଧାରା ୮୫ ବଳରେ ଥାନା ଅଧିକାରୀ କୋର୍ଟକୁ ନିବେଦନ କରିବେ ବୋଲି ଜଣେ ବରିଷ୍ଠ ପୋଲିସ ଅଧିକାରୀ କହିଛନ୍ତି ।