ସମ୍ବଲପୁର: ବିଭିନ୍ନ ସମସ୍ୟା ନେଇ ସମ୍ବଲପୁର ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ । ଖିଣ୍ଡା ଅଞ୍ଚଳରେ ଥିବା ଏନଏଲସି କମ୍ପାନୀର କାର୍ଯ୍ୟ କରୁଥିବା ଶ୍ରମିକ ଜିଲ୍ଲାପାଳଙ୍କ କାର୍ଯ୍ୟାଳୟ ଘେରାଉ କରିଛନ୍ତି । ଅଭିଯୋଗ କମ୍ପାନୀ ୨ ନମ୍ବର ଓ ୩ ନମ୍ବର କୋଇଲା ଖଣି ବନ୍ଦ କରି ଦେଇଛି । ଖଣି ବନ୍ଦ ଯୋଗୁ କାର୍ଯ୍ୟ କରୁଥିବା ଶ୍ରମିକ ଆଉ କାମ କରି ପାରିବେ ନାହିଁ ।
କାମ ବନ୍ଦ ହେଲେ କମ୍ପାନୀ ଦରମା ଦେବନାହିଁ ବୋଲି କହିଛି । ଯାହାକୁ ନେଇ ଶ୍ରମିକ ମାନଙ୍କ ମଧ୍ଯରେ ଅସନ୍ତୋଷ ଦେଖା ଦେଇଛି । ଶ୍ରମିକ ମାନେ ଏନେଇ ପ୍ରଥମେ କମ୍ପାନୀ କର୍ତ୍ତୃ ପକ୍ଷଙ୍କ ଦୃଷ୍ଟି ଆକର୍ଷଣ କରିଥିଲେ । ତେବେ କମ୍ପାନୀ ସେମାନଙ୍କ କଥା ଶୁଣିନଥିବା ଅଭିଯୋଗ କରିଛନ୍ତି ଶ୍ରମିକ ମାନେ। ସେପଟେ ଏହି କମ୍ପାନୀରେ କାମ କରୁଥିବା ସମସ୍ତ ଶ୍ରମିକ ବିସ୍ଥାପିତ ।