ନୂଆଦିଲ୍ଲୀ : ହର୍ମୁଜ୍ ପ୍ରଣାଳୀ ଦେଇ ଭାରତରେ ପହଞ୍ଚିଛି ଭାରତୀୟ ତୈଳ ଟ୍ୟାଙ୍କର୍ “ଦେଶ ଗାରିମା” । ଦେଶ ଗାରିମା ଅଶୋଧିତ ତୈଳ ଟ୍ୟାଙ୍କର୍ ବିପୁଳ ପରିମାଣର ତେଲ ନେଇ ଭାରତରେ ପହଞ୍ଚିଛି କିନ୍ତୁ ବର୍ତ୍ତମାନ ସମୁଦ୍ରରେ ଲଙ୍ଗର ଲାଗିଛି । ହେଲେ ମୁମ୍ବାଇ ଉପକୂଳରୁ କିଛି ନଟିକାଲ୍ ମାଇଲ୍ ଦୂରରେ ଏହି ଜାହାଜ ରହିଛି । ଏହି ଜାହାଜ ୧୮ ଏପ୍ରିଲରେ ହର୍ମୁଜ୍ ଛାଡିଥିଲା ଏବଂ ଭାରତୀୟ ପତାକା ଉଡ଼ାଇ ଏହି ଟ୍ୟାଙ୍କର୍ ଜାହାଜ ହର୍ମୁଜ୍ ପ୍ରଣାଳୀରେ ଆଇଆରଜିସି ଦ୍ୱାରା ଗୁଳିଚାଳନା ପରେ ମଧ୍ୟ ଆଗକୁ ବଢ଼ି ଚାଲିଥିଲା ଏବଂ ବର୍ତ୍ତମାନ ସୁରକ୍ଷିତ ଭାବରେ ଭାରତରେ ପହଞ୍ଚିଛି ।
ସୂଚନା ଅନୁଯାୟୀ, ଏହି ଜାହାଜରେ ୩୧ ଜଣ ଭାରତୀୟ ନାବିକ ଅଛନ୍ତି ଏବଂ ବର୍ତ୍ତମାନ ଏହାର ସୁରକ୍ଷିତ ଆଗମନ ଇନ୍ଧନ ଅଭାବରୁ ବହୁତ ଆରାମ ଦେବ । ଏହି ଉତ୍ତେଜନା ମଧ୍ୟରେ ହର୍ମୁଜ୍ ପ୍ରଣାଳୀରେ ଜାହାଜଟି ସୁରକ୍ଷିତ ଭାବେ ଭାରତରେ ପହଁଞ୍ଚିପାରିଛି । ଗାରିମା ହେଉଛି ଦଶମ ଭାରତୀୟ ଜାହାଜ ଯାହା ହର୍ମୁଜ୍ ପ୍ରଣାଳୀ ଦେଇ ପରିବହନ କରୁଛି । ଭାରତ ବାଣିଜ୍ୟ ଜାହାଜ ଏବଂ ନାବିକଙ୍କ ସୁରକ୍ଷା ସମ୍ପର୍କରେ ନିଜର ସ୍ଥିତି ସ୍ପଷ୍ଟ କରିଛି ଏବଂ ଇରାନକୁ ହର୍ମୁଜ୍ ପ୍ରଣାଳୀ ଦେଇ ଭାରତୀୟ ଜାହାଜଗୁଡ଼ିକୁ ସୁରକ୍ଷିତ ପଥ ପ୍ରଦାନ କରିବାକୁ ମଧ୍ୟ ଦାବି କରିଛି । ଯୁଦ୍ଧ ମଧ୍ୟରେ ପରିବର୍ତ୍ତିତ ପରିସ୍ଥିତି ଏବଂ ତୈଳ ସଙ୍କଟ ସମୟରେ ଇରାନ ପୂର୍ବରୁ ଭାରତକୁ ସହାୟତା ଯୋଗାଇଛି ।
ଅନ୍ୟପଟେ ଏହି ଗୁଳିକାଣ୍ଡର ଦୃଢ଼ ପ୍ରତିବାଦ କରିଥିଲା । ତଥାପି ଜାହାଜରେ ଥିବା କ୍ରୁ ସଦସ୍ୟମାନେ ଆହତ ହୋଇ ନଥିଲେ। ଫେବୃଆରୀ ୨୮ ତାରିଖରେ ଇରାନ ଉପରେ ଆମେରିକା ଏବଂ ଇସ୍ରାଏଲୀ ଆକ୍ରମଣ ପରେ ଆରମ୍ଭ ହୋଇଥିବା ଉତ୍ତେଜନା ପରେ ପ୍ରଥମ ଥର ପାଇଁ ଇରାନୀ ସୁରକ୍ଷା ବାହିନୀ କୌଣସି ଏକ ଭାରତୀୟ ଜାହାଜ ଉପରେ ଆକ୍ରମଣ କରିଥିଲା ବୋଲି ସୂଚନା ମିଳିଥିଲା ।
